អតីតខ្សែប្រយុទ្ធនៅក្លឹប Antonio Cassana បាននិយាយចំៗទៅកាន់ Gianluigi Donnarumma ក្រោយសម្រេចការផ្ទេរទៅក្លឹបបារាំង Paris Saint-Germain ថាការផ្ទេររបស់គេ ពុំមែននាមជាអ្នកចាំទីល្អបំផុតក្នុងលោកឡើយ។
វ័យត្រឹម ២២ ឆ្នាំ Donnarumma ហាក់មានឥទ្ធិពលខ្លាំងក្នុងពិភពបាល់ទាត់ ដោយកន្លងមកទើបតែជួយឲ្យអ៊ីតាលីលើកពានរង្វាន់ Euro 2020 ហើយនេះការយល់ឃើញរបស់ Cassano បែរជាមិនគិតដូច្នោះ។ ផ្ទុយទៅវិញជឿថាទម្លាប់កីឡាករគួរផ្ទេរទៅក្លឹបកម្រិតខ្ពស់ទាំង ៣ ដូចជា Real Madrid, Bayern Munich ឬ Barcelona ទើបសមជាកីឡាករល្អបំផុតមួយ។
នៅកិច្ចសម្ភាសន៍លើប៉ុស្តិ៍ Bobo TV លោក Cassano និយាយ៖ “ហេតុអ្វី, ប្រសិនគេជាអ្នកចាំទីល្អបំផុតក្នុងលោកមែន ចុះម៉េចមិនផ្ទេរទៅ Bayern Munich, Real Madrid និង Barcelona បើយើងទៅមើល Neuer អាយុគេ ៣៦ ឆ្នាំ ដូចទៅនឹង Courtois និង Ter Stegen ដែលជាអ្នកចាំទីល្អបំផុត ហើយពួកគេមិនផ្ទេរទៅ PSG ឡើយ”។
ជាការពិតបើ Donnarumma សម្រេចផ្ទេរទៅក្លឹបទាំង ៣ ខាងលើ មានភាគរយខ្ពស់គឺគេនឹងមិនបានជាប់ជម្រើសដំបូងឡើយ តែនៅ PSG តាមដឹងអាចជាប្រជែងយកឈ្នះ Keylor Navas ក៏ដោយសារគេមានគុណភាពបង្ហាញមកស្រាប់នៅ Euro 2020 កន្លងទៅ៕
ប្រភព៖ AF
អានអត្ថបទបន្ទាប់៖ Barcelona ពិចារណាផ្ដល់ជូន Griezmann ជាថ្នូរនាំយកខ្សែបម្រើម្នាក់របស់ Atletico
សំណើរនៃការដោះដូររវាង Barcelona និង Atletico Madrid ពាក់ព័ន្ធនឹងការត្រលប់របស់ Antoine Griezmann ទៅទឹកដី Wanda Metropolitano វិញ ជាថ្នូរនៃការប្ដូរ Saul Niguez មកទឹកដី Camp Nou។ ការដោះដូរនេះទំនងជាអាចធ្វើទៅបាននេះបើតាមការរាយការណ៍ពីសារព័ត៌មានអេស្ប៉ាញ MARCA។
Barcelona ត្រូវបានរាយការណ៍ថា ខិតកាន់តែជិតក្នុងការបន្ដកិច្ចសន្យាជាមួយតារាងឆ្នើម Lionel Messi រយៈពេល៥ឆ្នាំ ហើយក្លិបត្រូវបន្ថយការចំណាយលើប្រាក់ឈ្នួលកីឡាករ ដើម្បីស្របទៅនឹងច្បាប់ប្រាក់ខែដែលបានកំណត់ដោយ La Liga។
ទោះបី Griezmann បង្ហាញទម្រង់លេងល្អប្រសើរឡើងវិញក្ដី ប៉ុន្ដែដោយសារថ្លៃឈ្នួលខ្ពស់របស់គេ អាចជាបញ្ហាចំបងដែល Barca ចង់លក់រូបគេចេញ ស្របពេលក្លិបទើបនាំយកខ្សែប្រយុទ្ធឆ្នើម Sergio Aguero និង Memphis Depay មកចូលក្រុម។
ដោយឡែក Saul មានបំណងចង់ចាកចេញពី Atletico ក្រោយពុំសូវទទួលបានឱកាសចូលលេងបានទៀងទាត់ ក្រោមការដឹកនាំដោយលោក Diego Simeone ហើយការមកដល់នៃខ្សែបម្រើ Rodrigo de Paul បានជំរុញឱ្យការចាកចេញរបស់គេ កាន់តែមានភាគរយខ្ពស់។ ដូច្នេះការផ្លាស់ប្ដូរគ្នារវាង Griezmann និង Saul អាចត្រូវបានធ្វើឡើងដោយក្លិបធំទាំងពីរនៅអេស្ប៉ាញ៕
ប្រភព៖ Football Espana