ការប្រកួតព្រឹត្តិការណ៍អូឡាំពិករដូវក្តៅ សម្រាប់ផ្នែកបាល់ទាត់នឹងចាប់ដំណើរការពីថ្ងៃទី ២២ កក្កដានេះតទៅហើយ ដោយកន្លងមកយើងក៏បានចែករំលែកឲ្យអ្នករាល់គ្នាបានដឹង អំពីក្រុមដែលមានឈ្មោះចូលរួមការប្រកួត និងច្បាប់ក្រមខ្លះៗនៅព្រឹត្តិការណ៍ដ៏ធំមួយនេះ។
មកដល់អត្ថបទនេះ យើងសម្រង់ទិន្នន័យពី TransferMarkt ដោយបង្ហាញនៅប្រព័ន្ធកីឡាករនៃក្រុមជម្រើសជាតិទាំង ១០ ដែលមានតម្លៃថ្លៃបំផុតវិញម្តង។ ក្នុងនោះឃើញថា បារាំងដែលឈរលេខ ២ នៅកម្រិតសកលលោក បែរជាធ្លាក់មកលេខ ៥ នៅអូឡាំពិក។
បញ្ជាក់ នេះជាការបូកសរុបបញ្ចូលគ្នានៃប្រព័ន្ធកីឡាកររួមរបស់ក្រុមនីមួយៗ មិនថាតែកីឡាករនៅជម្រើសដំបូង និងកីឡាករបម្រុង។ ប៉ុន្តែនៅអូឡាំពិកមានឈ្មោះយុវជនក្រោមអាយុ ២៣ ឆ្នាំសឹងតែទាំងអស់ ហើយអ្នកលើអាយុ ២៣ ឆ្នាំតែ ៣ រូបប៉ុណ្ណោះ អ៊ីចឹងទើបមានការប្រែប្រួលខ្លាំង។
អេស្ប៉ាញ តម្លៃ ៥៦៣ លានអឺរ៉ូ
ប្រេស៊ីល តម្លៃ ៣៦៣,៧ លានអឺរ៉ូ
អាល្លឺម៉ង់ តម្លៃ ១២៨,៣ លានអឺរ៉ូ
អាហ្សង់ទីន តម្លៃ ១២៨,១ លានអឺរ៉ូ
បារាំង តម្លៃ ១២១,៥ លានអឺរ៉ូ
កូឌីវ័រ តម្លៃ ១១៨,៨ លានអឺរ៉ូ
ម៉ិកស៊ីកូ តម្លៃ ៩៤,១ លានអឺរ៉ូ
ជប៉ុន តម្លៃ ៧៧,៨ លានអឺរ៉ូ
កូរ៉េខាងត្បូង តម្លៃ ២៩,៥ លានអឺរ៉ូ
អេហ្សីប តម្លៃ ១៨,៧ លានអឺរ៉ូ៕
ប្រភព៖ TransferMarkt
អានអត្ថបទបន្ទាប់៖ Zola៖ “ជាឆ្នាំដ៏អស្ចារ្យរបស់ Messi ជាមួយជម្រើសជាតិ តែម្នាក់នេះសក្តិសមឈ្នះ Ballon d’Or ជាង”
ជាការពិតនៅឆ្នាំ ២០២១ នេះ សម្រាប់ Lionel Messi អាចរាប់បានជាពេលវេលាដ៏អស្ចារ្យបំផុតក្នុងអាជីពរបស់លោក ក្រោយពីបានជួយអាហ្សង់ទីនយកឈ្នះនៅពានរង្វាន់ Copa America ជាលើកដំបូង។
សមិទ្ធផលនេះ ក៏នាំឲ្យកើតមានមតិជាច្រើននិយាយថា Lionel Messi អាចនឹងក្លាយជាម្ចាស់ពាន Ballon d’Or នៅឆ្នាំ ២០២១ ដែលជាលើកទី ៧ ក្នុងអាជីពរបស់លោក តែតាមការយល់ឃើញរបស់អតីតកីឡាករជម្រើសជាតិអ៊ីតាលីលោក Gianfranco Zola បាននិយាយផ្ទុយស្រឡះ ថាគួរតែ Jorginho ទើបជាអ្នកសក្តិសមជាង។
Zola និយាយ៖ “ឥឡូវយើងកំពុងនិយាយអំពីកីឡាករដ៏អស្ចារ្យដូចជា Messi ដែលបានឈ្នះពានជាលើកដំបូងជាមួយជម្រើសជាតិរបស់គេ តែបើសួរថា ពាន [Ballon d’Or] គួរផ្តល់ឲ្យ Jorginho ឬអត់? ខ្ញុំគិតថា គេសក្តិសមនឹងទទួលបានវាជាង ព្រោះគេគឺជាអ្នកដែលបង្កើតតុល្យភាព និងបង្កើតល្បឿនសម្រាប់ក្រុម ហើយ Chelsea ពិតជាសំណាងដែលមានកីឡាករដូចជា Jorginho”។
លោកបន្ថែមថា៖ “ការដែល Jorginho គេសក្តិសមនឹងទទួលបាននេះ មិនមានន័យថាដោយសារការលេងនៅកម្រិតដ៏ខ្ពស់របស់គេតែមួយមុខនោះទេ ទៀតសោតក៏ដោយសារគេស្ថិតក្នុងក្រុមដែលលេចធ្លោស្រាប់ផង អ៊ីចឹងវាកាន់តែមានប្រៀបបន្ថែមទៀត”។
ជាការពិត និយាយពីសមិទ្ធផលសម្រេចបាន គឺ Jorginho ជោគជ័យជាង Messi ដោយក្រៅពីឈ្នះ Euro 2020 ជាមួយអ៊ីតាលី នៅក្លឹប Chelsea លោកក៏ជាចំណែកជួយក្រុមលើកពាន UEFA Champions League រដូវកាល ២០២០/២១ កន្លងទៅផងដែរ៕
ប្រភព៖ AF