នៅការប្រកួតព្រឹត្តិការណ៍កីឡាអូឡាំពិកផ្នែកកីឡាតៃក្វាន់ដូ គេបានប្រទះឃើញអត្តពលិកមួយរូប ដែលមានមុខមាត់សឹងតែដូច Bruno Fernandes ដែលជាកីឡាករបាល់ទាត់ទាំងស្រុង ហើយក៏ផ្ទុះការចាប់អារម្មណ៍ មានគេចែកចាយជាច្រើនថា Bruno ទៅទាត់តៃក្វាន់ដូនៅអូឡាំពិកស្ងាត់ៗ។
យ៉ាងណានេះមិនមែនជាការពិតឡើយ ដោយដូចបញ្ជាក់ពីខាងលើ គេជាអត្តពលិកមួយរូបផ្សេងទៀតប៉ុណ្ណោះ ហើយមានឈ្មោះថា Mohamed Khalil Jendoubi សញ្ជាតិទុយណេស៊ី មានទម្ងន់ ៥៨ គីឡូក្រាម ហើយសារនេះជាការមកចូលរួមនៅអូឡាំពិកជាលើកដំបូង។
យ៉ាងណាតាមការឆ្លើយឆ្លងរវាងអ្នកសារព័ត៌មាន និង Khalil បែរជាប្រដូចគេទៅនឹងកីឡាករមួយរូបផ្សេងទៀតវិញ។ អ្នកសារព័ត៌មានសួរថា៖ “មនុស្សជាច្រើននិយាយថាអ្នកមុខដូចជា Bruno Fernandes?” ស្រាប់តែ Khalil ឆ្លើយ៖ “ខ្ញុំមិនដឹងថាគាត់ជាកីឡាករម្នាក់ណាទេ តែមិត្តភ័ក្ដិរបស់ខ្ញុំភាគច្រើនគេនិយាយថា ខ្ញុំមានមុខដូចជា Mesut Ozil”។ ចុះគ្នាយើងវិញ គិតថា Khalil មុខស្រដៀងនរណាដែរ?
ទស្សនាវីដេអូខាងក្រោម៖
អានអត្ថបទបន្ទាប់៖ Spurs យល់ព្រមលក់តារាឆ្នើមរបស់ខ្លួនមួយរូប ក្នុងសំណើតម្លៃត្រឹម ១៣ លានផោន
ក្រុម Tottenham Hotspur ត្រូវបានគេរាយការណ៍ថាបានយល់ព្រមលក់ខ្សែការពារកណ្តាល Toby Alderweireld នៅរដូវក្តៅនេះ ចំពេលគ្រូបង្វឹកថ្មីលោក Nuno Espirito Santo ហាក់កំពុងខិតជិតនាំយកជម្រើសខ្សែការពារថ្មីម្នាក់ ចូលក្រុមរបស់លោកវិញផងដែរ ។
ជាក់ស្តែងក្រុមមាន់ខ្នាយមាស កំពុងមានភាពសកម្មខ្លាំងនៅមុនពេលទីផ្សារដោះដូរកីឡាករបើកដំណើការ ហើយឥឡូវនេះវាត្រូវបានគេរាយការណ៍ថាពួកគេកំពុងតែខិតជិត ក្នុងការព្រមព្រៀងគ្នាជាមួយក្រុម Atalanta ជុំវិញការចុះហត្ថលេខាមួយ សម្រាប់កីឡាករ Cristian Romero ។
យ៉ាងណា ជុំវិញការពិភាក្សានេះ គេនឹងអាចមើលឃើញកីឡាករ Alderweireld ត្រូវចាកចេញពីពហុកីឡដ្ឋាន Tottenham វិញ មុនពេលដែលសមាជិកថ្មីមកដល់ ស្របពេលរបាយការណ៍ពី The Telegraph បានឲ្យដឹងថា Spurs បានយល់ព្រមលើតម្លៃខ្លួនប្រមាណ ១៣ លានផោន សម្រាប់ខ្សែការពារសញ្ជាតិប៊ែលហ្សិករូបនេះរួចហើយ ជាមួយនឹងក្លិប Al-Duhail ។
រំលឹកថា Alderweireld បានបានផ្ទេរមកពីក្លិប Atletico Madrid ក្នុងឆ្នាំ ២០១៥ ដោយបច្ចុប្បន្នរូបគេនៅសល់តែមួយឆ្នាំទៀតប៉ុណ្ណោះសម្រាប់កុងត្រាជាមួយក្រុម Spurs ហើយក្លិបមានចេនតាលក់រូបគេនៅរដូវក្តៅនេះ ដើម្បីអាចរកចំណូលបន្ថែមបានខ្លះ និងច្រៀសវាងការចេញដោយឥតតម្លៃខ្លួននៅរដូវក្តៅឆ្នាំក្រោយ ៕
ប្រភព: Sportbible