ព្រឹត្តិការណ៍អូឡាំពិករដូវក្តៅ ២០២០ ដែលលើកពេលមកធ្វើនៅឆ្នាំ ២០២១ នេះ ខាងវិញ្ញាសាបាល់ទាត់បុរសក៏សង្កេតឃើញគ្នាយើង នាំគ្នាតាមដានបានច្រើនផងដែរ។
ដូចអ្នកបានដឹងស្រាប់ហើយនៅអូឡាំពិកខុសពីព្រឹត្តិការណ៍ឯទៀត ដោយនេះដូចជាការប្រកួតបាល់ទាត់ក្រោមអាយុ ២៣ ឆ្នាំអ៊ីចឹង ព្រោះកីឡាករក្នុងក្រុមទាំងអស់ អាចមានអ្នកលើសអាយុ ២៣ ឆ្នាំតែ ៣ រូបប៉ុណ្ណោះ។ ចុះអ្នកដឹងទេថានៅព្រឹត្តិការណ៍សារនេះ កីឡាករណាទៅមានហាងឆេងថ្លៃខ្លួនខ្ពស់បំផុត?
បើតាមរបាយការណ៍ពី Sportskeeda យើងបង្ហាញឈ្មោះអ្នកទាំង ១០ ដូចខាងក្រោម៖
១០) Douglas Luiz (ប្រេស៊ីល) តម្លៃ ៣៥ លានអឺរ៉ូ
៩) Mikel Merino (អេស្ប៉ាញ) តម្លៃ ៤០ លានអឺរ៉ូ
៨) Carlos Soler (អេស្ប៉ាញ តម្លៃ ៤០ លានអឺរ៉ូ
៧) Diego Carlos (ប្រេស៊ីល) តម្លៃ ៤៥ លានអឺរ៉ូ
៦) Pau Torres (អេស្ប៉ាញ) តម្លៃ ៥០ លានអឺរ៉ូ
៥) Dani Olmo (អេស្ប៉ាញ) តម្លៃ ៥០ លានអឺរ៉ូ
៤) Franck Kessie (កូឌីវ័រ) តម្លៃ ៥០ លានអឺរ៉ូ
៣) Richarlison (ប្រេស៊ីល) តម្លៃ ៥៥ លានអឺរ៉ូ
២) Mikel Oyarzabal (អេស្ប៉ាញ) តម្លៃ ៧០ លានអឺរ៉ូ
១) Pedri (អេស្ប៉ាញ) តម្លៃ ៨០ លានអឺរ៉ូ
ប្រភព៖ Sportskeeda
អានអត្ថបទបន្ទាប់៖ ក្លឹបណាចង់បាន ទម្លាក់សំណើមក ខាង Man Utd ដាក់ឈ្មោះ ១០ រូបនេះលើទីផ្សារដោះដូរ
ទីផ្សារដោះដូររដូវក្តៅហាក់កំពុងមមាញឹកខ្លាំង ជាពិសេសបណ្តាក្លឹបដែលមានផែនការណ៍ក្នុងការនាំយកនិងលក់ចេញកីឡាករ នៅពេលតែមួយ។ ដូចគ្នានឹង Manchester United គឺមានចចាមអារ៉ាមពីការនាំយកចំណូលថ្មីចូលក្រុមជាច្រើន ហើយទន្ទឹមនោះពួកគេក៏ត្រូវការលក់ចេញច្រើនវិញដែរ ដើម្បីសម្រួលដល់ការចំណាយ។
បើតាមរបាយការណ៍ពី EPSN បានឲ្យដឹងថា ខាងបិសាចក្រហមកំពុងដាក់បញ្ជីឈ្មោះកីឡាករ ១០ រូបទៅលើទីផ្សារដោះដូរ ហើយបណ្តាក្លឹបណាត្រូវការ អាចដាក់សំណើចរចាតម្លៃផ្ទេរបាន។ ក្នុងនោះមានដូចជា Jesse Lingard, Phil Jones, Brandon Williams, Diogo Dalot, Alex Telles, Andreas Pereira, Daniel James, Anthony Martial, Dean Henderson ឬ David de Gea និង Paul Pogba។
អ្នកទាំងអស់នោះ សុទ្ធតែកៀកនឹងផុតកុងត្រា ហើយខ្លះទៅលែងសូវត្រូវការលើទីលាន ជាក់ស្តែងដូច Lingard, Jones, James និង Pereira ជាដើម សឹងតែមិនបានបង្ហាញខ្លួនសូម្បីម្តងនៅរដូវកាលទោល។ ចំពោះរឿងរ៉ាវ Pogba ដោយសារគេមិនព្រមទទួលយកសំណើថ្លៃពលកម្មថ្មី ហើយអេះ.អុញចង់ចាកចេញ ទើបនាំឲ្យក្លឹបសម្រេចចង់ជ្រេគេចេញមុនអស់កុងត្រានៅឆ្នាំក្រោយ។
គួររំឭកថានៅរដូវកាល ២០២១/២២ ក្រុមដឹកនាំដោយលោក Ole Gunnar Solskjaer បាននាំយកកីឡាករថ្មីចូលក្រុមចំនួន ២ រូបហើយ មាន Jadon Sancho នៅតម្លៃ ៨៥ លានអឺរ៉ូ និង Tom Heaton នៅការផ្ទេរឥតតម្លៃខ្លួន។ រីឯអ្នកចាកចេញ មានដូចជា Sergio Romero, Tahith Chong និង Joel Pereira៕
ប្រភព៖ Sportsmole