ក្លឹបបិសាចក្រហម Manchester United នឹងត្រូវបើកការប្រកួតនៅជំនួបបើកឆាកក្របខ័ណ្ឌ Premier League នាថ្ងៃទី ១៤ សីហា ទល់ក្លឹប Leeds United។ យ៉ាងណាតាមការបញ្ជាក់ច្បាស់លាស់ពីអ្នកចាត់ការលោក Ole Gunnar Solskjaer និយាយថា ខ្សែការពារស្លាប Alex Telles នឹងមិនអាចជួយក្រុមក្នុងកំឡុងពេលនោះឡើយ។
Solskjaer បាននិយាយប្រាប់គេហទំព័រផ្លូវការរបស់ក្លឹប Man Utd ថា៖ “ពិតជាសោក.ស្តាយដែលវាជាដំណឹងមិនល្អសម្រាប់ Alex Telles ព្រោះគេជួបបញ្ហារបួ.សកជើង ហើយស្ថានភាពលើសពីការរំពឹងទុករបស់យើង ដោយគេនឹងត្រូវសម្រាកបន្តិច ពោលគឺពេញមួយខែសីហាហ្នឹងតែម្តង”។
ដូច្នេះមានន័យថា ទាំងជំនួបទល់ Brentford, Preston និង Everton ដែលជាប្រកួតកម្តៅសាច់ដុំក្តី ក៏ Telles មិនអាចមកចូលរួមនោះដែរ។ រីឯប្រកួតផ្លូវការដូចជាការប៉ះ Leeds, Southampton, Wolves គឺកីឡាករប្រេស៊ីលមិនអាចជួយក្រុមបានឡើយ លុះត្រាណាតែប្រកួតទល់ Newcastle នាថ្ងៃទី ១១ កញ្ញា ទើបសង្ឃឹមអាចត្រលប់មកវិញទាន់ពេល។
គួរបញ្ជាក់ថា ស្ថានភាពរបស់ Telles ពេលនេះក៏មិនសូវល្អនោះដែរ ព្រោះលឺដំណឹងថាគេអាចជាចាកចេញ ណាមួយស្របពេល Luke Shaw កំពុងឡើងជើងផង អ៊ីចឹងតំណែងការពារស្លាបឆ្វេង គឺប្រាកដជា ១០០ ភាគរយនឹងធ្លាក់ទៅលើកីឡាករអង់គ្លេស៕
ប្រភព៖ AF
អានអត្ថបទបន្ទាប់៖ ក្រោយអស់ពី Sancho ទៅ Haaland ផ្ញើពាក្យនេះភ្លាម ទៅដៃគូថ្មី Donyell Malen
នៅរដូវកាលក្រោយ ២០២១/២២ ក្លឹប Borussia Dortmund នឹងត្រូវខក.ខានកីឡាករសំខាន់ Jadon Sancho ដែលបានផ្ទេរទៅក្លឹប Manchester United ហើយជំនួសមកវិញដោយចំណូលថ្មីវ័យ ២២ ឆ្នាំ នោះគឺ Donyell Malen។
ខ្សែប្រយុទ្ធសញ្ជាតិហូឡង់ ត្រូវបានក្លឹប Dortmund ទិញចេញពីក្លឹប PSV នៅតម្លៃផ្ទេរ ៣០ លានអឺរ៉ូ។ កាលនៅក្លឹបចាស់ យុវជនរូបនេះក៏លេងបានល្អណាស់ដែរ ដោយ ១១៦ ប្រកួត គេរកបាន ៥៥ គ្រាប់និង Assist ២៤ លើក។
ដោយឡែកសម្រាប់ Haaland ដែលមានអាយុតិចជាង Malen ប្រហែលជា ១ ឆ្នាំ បាននិយាយទៅចំណូលថ្មីនេះថា៖ “ខ្ញុំប្រាប់ទៅកាន់គាត់ ថាគាត់ត្រូវតែផ្តល់បាល់ Assist ឲ្យខ្ញុំឲ្យបានច្រើន មិនអ៊ីចឹងទេខ្ញុំខឹ.ងគាត់ហើយ”។ សារនេះក៏ជាការបិទភ្លើងខៀវមួយដែរ សម្រាប់បណ្តាក្លឹបដែលចង់បានកីឡាករន័រវែស ជាក់ស្តែងដូចជាក្លឹប Chelsea ព្រោះមានន័យថា Haaland គេមានឆន្ទៈចង់លេងឲ្យ Dortmund នារដូវកាលក្រោយច្បាស់ណាស់។
រំឭកថាក្លឹបជញ្ជាំងលឿងរបស់អាល្លឺម៉ង់ ត្រូវឆ្លងកាត់ប្រកួតមិត្តភាពតែមួយទៀតប៉ុណ្ណោះ ទល់ Bologna នៅថ្ងៃទី ៣០ កក្កដានេះ មុនចូលដល់ការប្រកួតជុំទី ១ នៃពាន DFB-Pokal ហើយរំលងមួយសប្តាហ៍បើកឆាកនៅ Bundesliga ទល់ក្រុមខ្លាំង Frankfurt រួចត្រូវទៅប៉ះ Dortmund នៅការដណ្តើមពាន DFL-Supercup មួយបន្ថែមទៀត៕
ប្រភព៖ BR/Football