ការប្រកួតវគ្គ ៨ ក្រុមចុងក្រោយ ផ្នែកបាល់ទាត់បុរស នៃព្រឹត្តិការណ៍អូឡាំពិក ទីបំផុតយើងបានរកឃើញហើយនៅឈ្មោះក្រុមទាំង ៤ ដែលត្រូវឡើងទៅកាន់វគ្គបន្ទាប់ ពាក់កណ្តាលផ្តាច់ព្រ័ត្រ។ ក្នុងនោះមានដូចជា៖
- អេស្ប៉ាញ យកឈ្នះ ៥-២ ទៅលើកូឌីវ័រ ដោយបាល់ថែមម៉ោង (AET)
- ជប៉ុន យកឈ្នះ បាល់ប៉េណាល់ទីទៅលើនូវែលហ្សេឡង់
- ប្រេស៊ីល យកឈ្នះ ១-០ ទៅលើអេហ្សីប
- ម៉ិកស៊ីកូ យកឈ្នះ ៦-៣ ទៅលើកូរ៉េខាងត្បូង
ដូច្នេះយើងឃើញថា ក្រុមនៅអាស៊ីរបស់យើងចំនួន ២ បានធ្លាក់ចេញមួយទៀតហើយ ពោលនៅសល់តែជប៉ុនដែលជាម្ចាស់ផ្ទះប៉ុណ្ណោះ មានឱកាសឡើងទៅកាន់វគ្គពាក់កណ្ដាលផ្ដាច់ព្រ័ត្រ។ ការប្រកួតនៅវគ្គបន្ទាប់ គឺជប៉ុននឹងត្រូវជួបអេស្ប៉ាញ ខណៈប្រេស៊ីលត្រូវប៉ះក្រុមខ្លាំងម៉ិកស៊ីកូ នៅថ្ងៃទី ៣ សីហាខាងមុខ។
បញ្ជាក់ថាការប្រកួតនៅអូឡាំពិកគឺដណ្តើមយកមេដាយមាស ប្រាក់ និងសម្រិត ដូច្នេះគឺមានទាំងក្រុមឈ្នះជើងឯក ជើងឯករង និងក្រុមលេខ ៣។ កាលពីព្រឹត្តិការណ៍ឆ្នាំ ២០១៦ ក្រុមជម្រើសជាតិប្រេស៊ីលជាអ្នកឈ្នះមេដាយមាស ស្របពេលអាល្លឺម៉ង់បានមេដាយប្រាក់ ហើយនីហ្សេរីយ៉ាបានមេដាយសម្រិត៕
អានអត្ថបទបន្ទាប់៖ ស្រមៃលេងទេ! នេះឈុត ១១ រូបល្អបំផុតរបស់ PSG បើយកបាន Ronaldo ថែមម្នាក់ទៀត
ក្លឹបបារាំង Paris Saint-Germain មួយរយៈមុនមានដំណឹងថា ចង់ចរចានាំយក Cristiano Ronaldo ចេញពីក្លឹប Juventus តែមិនច្បាស់ថាអាចសម្រេចបានឬអត់នោះទេ។ យ៉ាងណាបង្រ្គប់យក Ronaldo មកម្នាក់ទៀត គេជឿថាជារឿងដែលមិនងាយនឹងកើតឡើងទៅរួច តែបើយកបានមែន ក៏វាជារឿងដ៏អស្ចារ្យបំផុតក្នុងពិភពបាល់ទាត់ដែរ។
ដោយសារអី ក៏ដោយសារតែ PSG មានក្លឹបស៊ីថ្លៃពលកម្មក្រាស់ក្រែលច្រើនរូបណាស់ទៅហើយ ណាមួយទៀតលុះត្រាតែអាចឆ្លងផុតនៅការកំណត់នៃច្បាប់លើការចំណាយ FFP ទើបអាចធានាលើការនាំយក CR7 មកបាន។
យ៉ាងណានេះគ្រាន់តែជាការស្រមៃមួយតែប៉ុណ្ណោះ បើក្លឹបសេដ្ឋីបារាំងយក PSG បានមែននោះ ឈុត ១១ រូបរបស់ក្លឹប នឹងរៀបចំដូចខាងក្រោម៖
អ្នកចាំទី: Donnarumma
ខ្សែការពារ: Hakimi, Ramos, Marquinhos, Hernandez
ខ្សែបម្រើ: Di Maria, Veratti, Wijnaldum
ខ្សែប្រយុទ្ធ: Mbappe, Ronaldo និង Neymar
ទម្រង់នេះយើងឃើញថា ក្លឹបអាចរុញ Mbappe មកលេងតំណែងស្លាបស្តាំ ជំនួស Di Maria វិញ ដើម្បីបង្គ្រប់ជើងទាំង ៣ នៅខាងលើ ហើយ Ronaldo លេងប្រយុទ្ធកណ្តាល អមដោយ Neymar នៅខាងឆ្វេង។ រីឯ Di Maria ទម្លាក់មកលេងបម្រើស្លាប ដែលនិយាយជារួមទៅ នេះជាប្រព័ន្ធប្រយុទ្ធពេញធឹង ណាមួយមានស្លាបការពារ Hakimi ខាងពូកែល្បឿន និងកាត់បាល់វែងស្រាប់ផងនោះ៕