ការប្រកួតនៅព្រឹត្តិការណ៍អូឡាំពិក វិញ្ញាសាបាល់ទាត់ផ្នែកបុរស ទីបំផុតយើងរកឃើញហើយនៅម្ចាស់មេដាយទាំង ៣ មានប្រេស៊ីលជាក្រុមឈ្នះមេដាយមាស អេស្ប៉ាញមេដាយប្រាក់ និងម៉ិកស៊ីកូមេដាយសម្រិត ខណៈក្រុមម្ចាស់ផ្ទះជប៉ុនបានត្រឹមឈរលេខ ៤។
ជាលទ្ធផលនៅវគ្គផ្តាច់ព្រ័ត្រទើបតែបញ្ចប់មុននេះ គឺប្រេស៊ីលយកឈ្នះ ២-១ ទៅលើអេស្ប៉ាញ តាមរយៈការលេងពេញ ១២០ នាទី ក្រោយពីស្មើ ១-១ នៅបញ្ចប់ ៩០ នាទី។ គ្រាប់បាល់បើកឆាកធ្វើបានដោយកីឡាករ Matheus Cunha នៅនាទី ៤៥+២ មុនពេល Mikel Oyarzabal ជួយអេស្ប៉ាញតាមស្មើនៅនាទី ៦១។ រហូតមកដល់នាទី ១០៨ ខ្សែប្រយុទ្ធ Malcom ក៏រកគ្រាប់បាល់នាំមុខឲ្យប្រេស៊ីល ហើយរក្សាលទ្ធផលដល់ចប់ការប្រកួត។
បញ្ជាក់ថា ប្រេស៊ីលបានក្លាយជាក្រុមទី ៥ ហើយដែលឈ្នះមេដាយមាសនៅអូឡាំពិក ជាប់ៗគ្នា ២ លើក ដោយកន្លងមកមាន ៤ ក្រុមដូចជាចក្រភពអង់គ្លេស ឆ្នាំ ១៩០៨ និង ១៩១២, អ៊ុយរុយហ្គាយ ១៩២៤ និង ១៩២៨, ហុងគ្រី ១៩៦៤ និង ១៩៦៨ ហើយអាហ្សង់ទីន ២០០៤ និង ២០០៨ ហើយប្រេស៊ីលចុងក្រោយនេះ ២០១៦ និង ២០២០ (លើកពេលមកធ្វើនៅឆ្នាំ ២០២១)៕
អានអត្ថបទបន្ទាប់៖ តារាឆ្នើម Bruno Fernandes ចុចឈ្មោះយុវជនថ្នាល United ២ រូប ថានឹងមានអនាគតភ្លឺស្វាង
កាលពីពេលថ្មីៗនេះ កីឡាករឆ្នើម Bruno Fernandes បានកោតសរសើរយុវជនថ្នាល ២ រូបនៅក្រុម Manchester United ក្រោយពីបានឃើញពួកគេហ្វឹកហាត់ ថាថ្ងៃអនាគតអ្នកទាំង ២ នឹងអាចមានអនាគតដ៏ល្អជាក់ជាមិនខាន។
សិស្សប្អូនទាំង ២ រូបដែល Fernandes និយាយអំពីនោះគឺ James Garner និង Anthony Elanga ខណៈ Garner ជាខ្សែបម្រើមានគំនិតច្នៃប្រឌិតខ្ពស់ ស្របពេល Elanga ជាខ្សែប្រយុទ្ធមុតស្រួ.ច។ នេះបើតាមសម្ដីរបស់កីឡាករព័រទុយហ្គាល់ប្រាប់នៅលើវេបសាយផ្លូវការ Manchester United។
នៅពេលសួរពីយុវជនណាដែលអាចនឹងឈានដល់កម្រិតខ្ពស់បំផុតបាន Bruno និយាយ៖ “ខ្ញុំគិតថា យើងប្រហែលជាស្គាល់ពួកគេខ្លះៗហើយ។ Jimmy Garner (James Garner) គឺជាកីឡាករល្អមួយរូប ដោយខ្ញុំពិតជាពេញចិត្តគេ ជាពិសេសបច្ចេកទេសនៃការទាត់បាល់របស់គេ”។
“ដោយឡែក Elanga វិញ គឺធ្លាប់បានលេងជាមួយយើងកាលពីប្រកួតមុនបើករដូវកាល ហើយគេពិតជាធ្វើបានល្អខ្លាំងណាស់។ គេគឺជាក្មេងល្អ ព្យាយាមប្រឹងប្រែង និងចេះឱនលំទោន។ ខ្ញុំគិតថា គេពិតជាសក្ដិសមទទួលបាននូវគ្រប់យ៉ាងដែលគេមានសព្វថ្ងៃខ្លាំងណាស់។ ខ្ញុំគិតថា គេនិង Jimmy នឹងមានអនាគតដ៏ល្អជាក់ជាមិនខាន រួមទាំងក្មេងៗដទៃទៀតផងដែរ”៕
ប្រភព: GOAL