ក្រុមជម្រើសជាតិព័រទុយហ្គាល់ កំពុងមានផែនការណ៍បញ្ចុះបញ្ចូ.លយុវជនសញ្ជាតិដើមព័រទុយហ្គាល់ ឲ្យប្តូរសញ្ជាតិ ហើយចាកចេញពីជម្រើសជាតិអង់គ្លេស មកចូលរួមនៅប្រទេសកំណើតវិញ។
នោះគឺយុវជនវ័យ ១៩ ឆ្នាំ Fabio Carvalho ដែលកំពុងបម្រើអាជីពឲ្យក្លឹប Fulham តែគេបានកោះហៅឲ្យទៅចូលរួមនៅជម្រើសជាតិអង់គ្លេស សម្រាប់ឈុតយុវជនកាលពីពេលកន្លងទៅ តួយ៉ាងមាន U16/17/18 ហើយពេលខាងមុខទំនងនឹងត្រូវបានឈុតធំកោះហៅទៅចូលរួមក៏ថាបាន។
ដ្បិតបើសមាគមបាល់ទាត់អង់គ្លេសមានបំណងចង់រក្សាទុក Carvalho ឲ្យបន្តនៅ តែយុវជនមានសញ្ជាតិដើមនៅទីក្រុង Lisbon ប្រទេសព័រទុយហ្គាល់ ក៏នឹងត្រូវធ្វើការសម្រេចចិត្តជាថ្មីផងដែរ ព្រោះពេលនេះសមាគមបាល់ទាត់ព័រទុយហ្គាល់ បានទាក់ទងមកកាន់គេហើយ ណាមួយមុនអាយុ ២១ ឆ្នាំតាមច្បាប់ FIFA កីឡាករអាចមានសិទ្ធប្តូរសញ្ជាតិនៅទាន់ពេល។
បញ្ជាក់ឲ្យដឹងដែរថា កីឡាករវ័យ ១៩ ឆ្នាំ លេងនៅតំណែងបម្រើប្រយុទ្ធ ហើយគេទើបតែឡើងមកលេងនៅឈុតធំឲ្យ Fulham រដូវក្តៅកន្លងនេះទេ។ ជាមួយការបង្ហាញខ្លួន ១១ ប្រកួត គេរកបាន ៤ គ្រាប់និង Assist ១ លើក ដែលជាសញ្ញាល្អបណ្តើរៗហើយ៕
ប្រភព៖ SportBible
អានអត្ថបទបន្ទាប់៖ Ferdinand ថាក្រោយប្តូរចេញ Ronaldo មិនគប្បីបង្ហាញសកម្មភាពនេះទេយប់មិញ
ការប្រកួតរវាង Man Utd និង Young Boys កាលពីយប់មិញ បានបញ្ចប់ទៅក្រោមលទ្ធផល ២-១ ដែលម្ចាស់ផ្ទះនៅទឹកដីស្វីស បានឆ្លៀតឱកាសយកឈ្នះទៅលើក្រុមភ្ញៀវ ក្រោយការលេង ១០ ទល់ ១១ ជិត ៦០ នាទី។
Cristiano Ronaldo ក៏មិនបានលេងពេញម៉ោងដែរ ពោលត្រូវបានប្តូរចេញ និងជំនួសមកវិញនៅ Jesse Lingard ដោយលោក Ole Gunnar Solskjaer ចង់រៀបប្រព័ន្ធលេងឲ្យការពារ ដើម្បីទប់ទ.ល់នឹង Young Boys តែចុងក្រោយមិនបានសម្រេច។
កំឡុងពេលប្តូរចេញ Ronaldo មិនបានត្រលប់មកអង្គុយភ្លាមៗស្រួលបួលទេ តែលោកបែរជាមកឈរស្រែ.កណែនាំទៅកាន់មិត្តរួមក្រុមពីចម្ងាយ។ សម្រាប់អាកប្បកិរិយាបែបនេះ មតិខ្លះក៏ពេញចិត្ត តែសម្រាប់លោក Rio Ferdinand ជាអតីតមិត្តរួមក្រុមនៅបិសាចក្រហម បាននិយាយថា ជាសកម្មភាពដែលមិនគួរបង្ហាញចេញមក ពោលគួរតែទៅអង្គុយល្អជាង។
ប្រាប់ BT Sport លោក Ferdinand ថា៖ “បើខ្ញុំជាអ្នកចាត់ការពេលនោះវិញ ខ្ញុំនិយាយស្មោះត្រង់ទៅ ខ្ញុំនឹងប្រាប់ឲ្យ Ronaldo គេទៅអង្គុយចុះហើយ”។
ស្រដៀងនឹងការលើកឡើងរបស់ Peter Crouch បន្ត៖ “ប្រសិនខ្ញុំកំពុងអង្គុយនៅបម្រុង ខ្ញុំប្រាប់ឲ្យគេមកអង្គុយចុះហើយ តែនេះគេជា Cristiano អ៊ីចឹងឲ្យគេធ្វើចុះ”៕
ប្រភព៖ Metro