នៅឯរសៀលថ្ងៃទី ២១ កញ្ញា ឆ្នាំ ២០២១ ស្ថាប័ន AFF បានប្រកាសពីលទ្ធផលចាប់ឆ្នោតវគ្គចែកពូល ព្រឹត្តិការណ៍ Suzuki Cup ឆ្នាំ ២០២០ ដែលត្រូវលើកពេលមកធ្វើនៅឆ្នាំ ២០២១ ហើយយើងឃើញថា ក្រុមជម្រើសជាតិកម្ពុជា បានស្ថិតក្នុងពូល B ជាមួយនឹងក្រុមម្ចាស់ជើងឯក ឆ្នាំ ២០១៨ និង ២០១០។
ការប្រកួតដែលមាន ១០ ក្រុមចូលរួម សម្រាប់ពូល A មានក្រុមជម្រើសជាតិថៃ មីយ៉ាន់ម៉ា ហ្វីលីពីន សិង្ហបុរី និងក្រុមមួយក្នុងចំណោមក្រុមប្រ៊ុយណេ/ទីម័រខាងកើត ដែលកំពុងស្ថិតក្នុងវគ្គជម្រុះ។
ចំណែកឯពូល B មានវៀតណាម (ម្ចាស់ជើងឯក ២០១៨) ម៉ាឡេស៊ី (ម្ចាស់ជើងឯក ២០១០) ឥណ្ឌូណេស៊ី កម្ពុជា និងឡាវ។
បញ្ជាក់ថា ការប្រកួតដែលត្រូវធ្វើឡើងរៀងរាល់ ២ ឆ្នាំម្ដង សម្រាប់ព្រឹត្តិការណ៍សារនេះ នឹងប្រព្រឹត្តិទៅចន្លោះថ្ងៃទី ៥ ធ្នូ ឆ្នាំ ២០២១ ដល់ថ្ងៃទី ១ មករា ឆ្នាំ ២០២២៕
ប្រភព៖ AFF
អានអត្ថបទបន្ទាប់៖ ទោះជួយក្រុមបានច្រើនតែ Gary Neville ថាកីឡាករមួយរូបនេះ គិតខុសដែលមិនចាកចេញពី Man Utd
អតីតតារាជើងចាស់របស់បិសាចក្រហមលោក Gary Neville ជឿថា Jesse Lingard គិតខុសដែលមិនចាកចេញពី Manchester United ប៉ុន្ដែលោកក៏អះអាងដែរថា ខ្សែបម្រើប្រយុទ្ធរូបនេះ មានតួនាទីសំខាន់នៅក្នុងក្រុមបច្ចុប្បន្ន។
Lingard បានបង្ហាញភាពភ្ញាក់ផ្អើលសម្រាប់ការបង្ហាញខ្លួនលើទីលានសម្រាប់ West Ham ក្នុងរដូវកាលមុន ដោយរកគ្រាប់បាល់បាន៩គ្រាប់ ក្នុងចំណោម១៦ប្រកួត ព្រមទាំងបានជួយពួកគេមានឱកាសបានកៅអីលេងនៅ Europa League ផងដែរ។
ខ្សែបម្រើរូបនេះ មានឈ្មោះនៅក្នុងបញ្ជីពង្រាងរបស់ក្រុមជម្រើសជាតិអង់គ្លេស ប៉ុន្ដែគេមិនត្រូវបានកោះហៅចូលរួមព្រឹត្តិការណ៍ UEFA EURO 2020 ដែលក្រុមបង្វឹកដោយលោក Gareth Southgate ឡើងដល់វគ្គផ្ដាច់ព្រ័ត្រ ប៉ុន្ដែចាញ់អ៊ីតាលីដោយបាល់១១ម៉ែត្រកាត់សេចក្ដី។
ទោះបីជា Lingard បានត្រលប់មកក្រុមធំរបស់ Man Utd ក៏ពិតមែន ប៉ុន្ដែលោក Neville ជឿថា ខ្សែបម្រើវ័យ២៨ឆ្នាំ គួរតែចាកចេញពីក្លិប ជាងនៅប្រជែងតំណែងនៅក្នុងក្រុម ដែលភាគច្រើនត្រូវអង្គុយកៅអីបម្រុង។
លោក Neville បានថ្លែងប្រាប់ Sky Sports ថា៖ “ខ្ញុំនៅតែរក្សាគំនិតដែលថាគេគួរតែចាកចេញ ប៉ុន្ដែគេមានពេលវេលាផ្ទាល់ខ្លួនរបស់គេ។ ខ្ញុំពិតជារីករាយដែលគេត្រលប់មកល្អវិញ បន្ទាប់ពីអ្វីដែលបានកើតឡើងនៅក្នុងការប្រកួតពានអឺរ៉ុបកាលពីពាក់កណ្ដាលសប្ដាហ៍កន្លងទៅ”។
“គេមិនមានឱកាសជាប់ជម្រើសលេង៩០នាទី ប៉ុន្ដែគេជាម្នាក់ក្នុងចំណោមកីឡាករដែលជាប្រយោជន៍សម្រាប់ United។ ខ្ញុំគ្រាន់តែគិតសម្រាប់ Jesse ផ្ទាល់ថាគេគួរតែចាកចេញ។ United ក៏ជាក្រុមដ៏ប្រសើរមួយ ជាមួយនឹងកីឡាករដូចជា Lingard នៅក្នុងនោះ”៕
ប្រភព៖ talkSPORT