សម្រាប់ការប្រកួតជុំទី ៣ EFL Cup ឬយើងស្គាល់ថា Carabao Cup បានសម្រេចឃើញលទ្ធផលរបស់ក្រុមមួយចំនួនជាបណ្តើរៗហើយ ដោយឡែកយប់នេះ ក៏នៅមានប្រកួតមួយចំនួនទៀតផងដែរ។
ជាក់ស្តែង Wolves ត្រូវប៉ះ Spurs រាប់បានជាជំនួបដ៏ពិសេសមួយ ហើយអ្វីដែលគួរឲ្យចាប់អារម្មណ៍ កីឡាករអាស៊ី ២ រូប ក៏នឹងត្រូវតតាំងគ្នា សម្រាប់ប្រកួតវេលាម៉ោង ០១:៤៥ នាទីយប់ ដែលមានផ្សាយផ្ទាល់លើទំព័រ CTS Sports។
នោះគឺខាងមាន់ខ្នាយមាសយើងដឹងស្រាប់ហើយថា នឹងមាន Son Heung-min ដែលជាកីឡាករកូរ៉េខាងត្បូងលេងតំណែងប្រយុទ្ធស្លាប រីឯខាង Wolves គឺនឹងមានការជាប់ជម្រើសដំបូងសម្រាប់ Hwang Hee-chan ជាលើកដំបូង ដែលគេមានសញ្ជាតិកូរ៉េខាងត្បូងដូចគ្នា តែលេងតំណែងបម្រើ។
បញ្ជាក់ថា កីឡាករវ័យ ២៥ ឆ្នាំ ខាងលើត្រូវបានក្រុមចចកដាក់ការខ្ចីជើងកាលពីថ្ងៃទី ២៩ សីហាកន្លងទៅ ដោយមានសុពលភាពកុងត្រាដល់ចុងខែមិថុនា បញ្ចប់រដូវកាលនេះ។ នារដូវកាលថ្មីនេះ គេបានចូលលេងខ្លះៗហើយតែត្រឹមបម្រុង ដោយមិនទាន់ជាប់ជម្រើសដំបូងនោះឡើយ តែយប់នេះគឺអាចជាលើកដំបូងសម្រាប់គេ៕
ប្រភព៖ AF
អានអត្ថបទបន្ទាប់៖ ឃើញ Kante អាយុរាងជ្រេ កៀកផុតកុងត្រា ស្រាប់តែ Chelsea មើលឃើញអ្នកថ្មីរូបនេះភ្លែត
បច្ចុប្បន្នខ្សែបម្រើដែលគេឲ្យតម្លៃបំផុតនៅក្លឹបតោខៀវ Chelsea គឺអាចថា ជា N’Golo Kante ព្រោះគេជាកីឡាករកាន់ឆ្នាំនៅ Stamford Bridge និងជាចំណែកជួយក្លឹបទទួលបានជោគជ័យជាច្រើនលើកច្រើនសារ។
យ៉ាងណាទៅមើលកត្តាអាយុរបស់គេ គឺត្រៀមនឹងចូល ៣១ ឆ្នាំនៅពេលខាងមុខ ហើយសុពលភាពកុងត្រាក៏សេសសល់ត្រឹមចុងខែមិថុនា ឆ្នាំ ២០២៣ ទៀត។ ក្រោមការដឹកនាំរបស់លោក Thomas Tuchel គេជឿថា លោកនឹងគិតចង់យកអ្នកថ្មីមកជំនួសរយៈពេលយូរ ជាជាងបន្តប្រើប្រាស់កីឡាករបារាំង ទាំងដែលវ័យគេរាងជ្រេទៅហើយនោះ។
បើតាមសារព័ត៌មាន Football.london របស់អង់គ្លេសចុះផ្សាយថា ក្លឹបតោខៀវ Chelsea បានមើលឃើញកីឡាកររបស់ក្លឹប AC Milan នោះគឺ Franck Kessie ដែលគេសល់កុងត្រាជាមួយក្លឹបអាណាព្យាបាលនៅអ៊ីតាលី ត្រឹមបញ្ចប់រដូវកាលនេះប៉ុណ្ណោះ។
លឺថាការចរចារវាងកីឡាករកូឌីវ័រ និង លោក Paolo Maldini ជានាយកផ្នែកកីឡា មិនទាន់មើលឃើញសញ្ញាភ្លើងខៀវ ដែលជាហេតុនាំឲ្យ Chelsea ចង់ចូលចរចានៅលក្ខខណ្ឌឥតតម្លៃផ្ទេរនាពេលខាងមុខ។
បញ្ជាក់ថា Kessie ជាខ្សែបម្រើវ័យ ២៤ ឆ្នាំ ដែលគេក៏ស្ថិតក្នុងចចាមអារ៉ាម លឺថា Man Utd និង Liverpool តាមឃ្លាំមើលផងដែរ។ រដូវកាលចាស់ ៣៧ ប្រកួត គេរកបាន ១៣ គ្រាប់និង Assist ៦ លើករាប់ជាស្ថិតិល្អគួរសម៕
ប្រភព៖ Football.london