ការផ្ទេរដ៏គួរឲ្យភ្ញាក់ផ្អើលរបស់ខ្សែប្រយុទ្ធ Cristiano Ronaldo មកកាន់ក្លិបបិសាចក្រហម Manchester United បានជួយឲ្យតារាឆ្នើមព័រទុយហ្គាល់រូបនេះ ឡើងឈរលើ Lionel Messi ដើម្បីក្លាយជាកីឡាករបាល់ទាត់ ដែលអាចរកចំណូលបានច្រើនបំផុត ក្នុងទស្សនាវដ្តី Forbes នៅឆ្នាំនេះ ។
ជាក់ស្តែង Ronaldo អាចទទួលបានចំណូលប្រមាណ ១២៥ លានដុល្លារ (៩១,៥ លានផោន) មុនកាត់ពន្ធ សម្រាប់រដូវកាលឆ្នាំ ២០២១-២២ ខណ:ទឹកប្រាក់ ៧០ លានដុល្លារ (៥១,២៥ លានផោន) ពីក្នុងនោះ គឺទទួលបានពីប្រាក់ខែ និងប្រាក់រង្វាន់ផ្សេងៗសម្រាប់ការវិលត្រឡប់មកកាន់ទឹកដី Old Trafford និង ៥០ លានដុល្លារ (៤០ លានផោន) បានមកពីកិច្ចព្រមព្រៀងផ្សព្វផ្សាយពាណិជ្ជកម្ម រួមទាំងប្រាក់ប្រាក់ឧបត្ថម្ភមួយចំនួនទៀត ។
ដោយឡែកសម្រាប់ Messi គឺបានជាប់នៅចំណាត់ថ្នាក់លេខ ២ ជាមួយនឹងចំណូលទទួលបាន ១១០ លានដុល្លារ (៨០,៥ លានផោន) ខណ:តាមពីក្រោយដោយមិត្តរួមក្រុម Paris Saint-Germain ថ្មីរបស់ខ្លួន គឺកីឡាករ Neymar និង Kylian Mbappe ដែលស្ថិតនៅចំណាត់ថ្នាក់លេខ ៤ ។
យ៉ាងណា ខាងក្រោមនេះ ជាបញ្ជីឈ្មោះកីឡាករបាល់ទាត់ដែលអាចរកចំណូលបានច្រើនជាងគេបំផុតទាំង ១០ របស់ទស្សនាវដ្តី Forbes ៖
១០. Eden Hazard (Real Madrid ) – ២៩ លានដុល្លារ
៩. Gareth Bale (Real Madrid) – ៣២ លានដុល្លារ
៧. Andres Iniesta (Vissel Kobe) – ៣៥ លានដុល្លារ
៦. Robert Lewandowski (Bayern Munich) – ៣៥ លានដុល្លារ
៤. Kylian Mbappe (Paris Saint-Germain) – ៤៣ លានដុល្លារ
៣. Neymar (Paris Saint-Germain) – ៩៥ លានដុល្លារ
២. Lionel Messi (Paris Saint-Germain) – ១១០ លានដុល្លារ
១. Cristiano Ronaldo (Manchester United) – ១២៥ លានដុល្លារ
ប្រភព: Goal
អានអត្ថបទបន្ទាប់៖ ឃើញ Kante អាយុរាងជ្រេ កៀកផុតកុងត្រា ស្រាប់តែ Chelsea មើលឃើញអ្នកថ្មីរូបនេះភ្លែត
បច្ចុប្បន្នខ្សែបម្រើដែលគេឲ្យតម្លៃបំផុតនៅក្លឹបតោខៀវ Chelsea គឺអាចថា ជា N’Golo Kante ព្រោះគេជាកីឡាករកាន់ឆ្នាំនៅ Stamford Bridge និងជាចំណែកជួយក្លឹបទទួលបានជោគជ័យជាច្រើនលើកច្រើនសារ។
យ៉ាងណាទៅមើលកត្តាអាយុរបស់គេ គឺត្រៀមនឹងចូល ៣១ ឆ្នាំនៅពេលខាងមុខ ហើយសុពលភាពកុងត្រាក៏សេសសល់ត្រឹមចុងខែមិថុនា ឆ្នាំ ២០២៣ ទៀត។ ក្រោមការដឹកនាំរបស់លោក Thomas Tuchel គេជឿថា លោកនឹងគិតចង់យកអ្នកថ្មីមកជំនួសរយៈពេលយូរ ជាជាងបន្តប្រើប្រាស់កីឡាករបារាំង ទាំងដែលវ័យគេរាងជ្រេទៅហើយនោះ។
បើតាមសារព័ត៌មាន Football.london របស់អង់គ្លេសចុះផ្សាយថា ក្លឹបតោខៀវ Chelsea បានមើលឃើញកីឡាកររបស់ក្លឹប AC Milan នោះគឺ Franck Kessie ដែលគេសល់កុងត្រាជាមួយក្លឹបអាណាព្យាបាលនៅអ៊ីតាលី ត្រឹមបញ្ចប់រដូវកាលនេះប៉ុណ្ណោះ។
លឺថាការចរចារវាងកីឡាករកូឌីវ័រ និង លោក Paolo Maldini ជានាយកផ្នែកកីឡា មិនទាន់មើលឃើញសញ្ញាភ្លើងខៀវ ដែលជាហេតុនាំឲ្យ Chelsea ចង់ចូលចរចានៅលក្ខខណ្ឌឥតតម្លៃផ្ទេរនាពេលខាងមុខ។
បញ្ជាក់ថា Kessie ជាខ្សែបម្រើវ័យ ២៤ ឆ្នាំ ដែលគេក៏ស្ថិតក្នុងចចាមអារ៉ាម លឺថា Man Utd និង Liverpool តាមឃ្លាំមើលផងដែរ។ រដូវកាលចាស់ ៣៧ ប្រកួត គេរកបាន ១៣ គ្រាប់និង Assist ៦ លើករាប់ជាស្ថិតិល្អគួរសម៕
ប្រភព៖ Football.london