អតីតខ្សែការពារនៅក្លឹប Man Utd គឺ Ashley Young បានបង្ហាញការយល់ឃើញថា Michael Carrick នៅក្លឹបបិសាចក្រហម គឺមិនទាន់រកបាននរណាមកជំនួសនោះទេ ដ្បិតអីលោកបានចាកចេញតាំងពីឆ្នាំ ២០១៨។ រំឭកទៅស្ថិតិ Carrick បន្តិច គេលេងតំណែងបម្រើការពារ ហើយបង្ហាញខ្លួន ៤៦៤ ប្រកួត រកបាន ២៤ គ្រាប់និង Assist ៣៧ លើក។
ប្រាប់កាលពីពេលកន្លងទៅក្រោយចប់ការប្រកួត UCL ជុំទី ២ វគ្គចែកពូល Young ថា ខ្សែបម្រើ Marco Verratti នៅក្លឹបបារាំង PSG គឺទើបជាកីឡាករដ៏សក្តិសម អាចក្លាយជា ‘Michael Carrick’ ជំនាន់ថ្មីនៅ Old Trafford។
ប្រាប់ BBC Radio 5 Live លោក Young ថា៖ “ប្រភេទកីឡាករដូចជា Michael Carrick គឺយើងបាត់ប.ង់ច្រើនឆ្នាំមកហើយ ដោយក្លឹបមិនទាន់រកបាននរណាមកជំនួសបន្ទាប់បាននោះទេ ហើយសម្រាប់ Fred, McTominay គេជាកីឡាករល្អហើយ តែមិនទាន់ចូលដល់កម្រិត Michael Carrick ឡើយ”។
លោកសង្កត់ធ្ងន់៖ “ខ្ញុំមើលការប្រកួត PSG-City កន្លងទៅ ខ្ញុំគិតថា Marco Verratti គេគឺជាកីឡាករដែលស្រដៀងនឹង Carrick បំផុត ហើយបើអាចយកគេបាន ខ្ញុំគិតថាវានឹងក្លាយជាការចុះហត្ថលេខាដ៏អស្ចារ្យសម្រាប់ក្លឹប Man Utd”។
គួរបញ្ជាក់ដែរថា Verratti គេក៏ធ្លាប់ស្ថិតក្នុងចចាមអារ៉ាមនៃការផ្ទេរមក United កន្លងមកដែរ ជាពិសេសនៅរដូវក្តៅឆ្នាំ ២០១៨ តែក៏ស្ងាត់ទៅវិញនៅមួយរយៈក្រោយ។ សុពលភាពកុងត្រារបស់បុរសវ័យ ២៨ ឆ្នាំជាមួយ PSG គឺនឹងត្រូវផុតនៅចុងខែមិថុនា ឆ្នាំ ២០២៤៕
ប្រភព៖ Metro
អានអត្ថបទបន្ទាប់៖ Real Madrid ចាប់ចិត្តតារាជើងស៊ុតនៅ Serie A ម្នាក់ជាជម្រើសទី២ បន្ទាប់ពី Mbappe
ក្លិប Real Madrid បានកំណត់គោលដៅចម្បងក្នុងការនាំយក Kylian Mbappe មកចូលក្រុមនៅរដូវក្ដៅ ឆ្នាំ២០២២។ ខ្សែប្រយុទ្ធរបស់ Paris Saint-Germain រូបនេះ កៀកនៅក្នុងការមកចូលរួមក្លិបអធិរាជស កាលពីកៀកបិទទីផ្សារដោះដូរកាលពីពេលថ្មីៗនេះ ប៉ុន្ដែមិនបានសម្រេច។
ទោះយ៉ាងណាក្ដី ប្រធានក្លិបយក្សអេស្ប៉ាញលោក Florentino Perez នៅតែចិញ្ចឹមចិត្ដចង់បាន ខ្សែប្រយុទ្ធមានល្បឿនលឿនរបស់ PSG រូបនេះ មកកាន់ទឹកដី Santiago Bernabeu នៅដំណាច់រដូវកាលនេះ ពេលដែលគេផុតកុងត្រាជាមួយក្លិបបារាំង។
ទោះយ៉ាងណាក្ដី Real Madrid ក៏មានជម្រើសបម្រុងផងដែរ ក្នុងករណីយកមិនបាន Mbappe គឺជាខ្សែប្រយុទ្ធ Victor Osimhen របស់ក្លិប Napoli នេះបើតាមការរាយការណ៍ពី Diario AS។
ខ្សែប្រយុទ្ធរូបនេះ រកគ្រាប់បាល់បាន៦គ្រាប់ និងបញ្ជូនឱ្យមិត្តរួមក្រុមរកគ្រាប់បាល់បញ្ចូលទីម្ដង ក្នុងរដូវកាលនេះ ជាកំណត់ត្រាដែលធ្វើឱ្យគេក្លាយជាកីឡាករលេចធ្លោម្នាក់រដូវកាលនេះ។ Napoli បានកំណត់តម្លៃ៧០លានអឺរ៉ូ សម្រាប់ខ្សែប្រយុទ្ធជនជាតិនីហ្សេរីយ៉ាវ័យ២២ឆ្នាំ។
គុណផលដ៏លេចធ្លោរបស់គេ មិនត្រឹមតែទាក់ចិត្ត Real Madrid ប៉ុណ្ណោះទេ ខណៈក្លិបធំៗមួយចំនួនទៀតដូចជា helsea, Manchester United, Manchester City និង Paris Saint-Germain ក៏ចង់បានអ្នកជំនាញបញ្ចប់ទីនៅ Serie A រូបនេះផងដែរ៕
ប្រភព៖ Football Espana