ព្រឹត្តិការណ៍ប្រកាសអ្នកឈ្នះពានរង្វាន់ Ballon d’Or ឆ្នាំ ២០២១ នឹងធ្វើឡើងនៅវេលាម៉ោង ០២:៣០ នាទីទាបភ្លឺ ឈានចូលថ្ងៃអង្គារ ទី ៣០ វិច្ឆិកា (ម៉ោងនៅកម្ពុជា)។ គ្រប់គ្នាកំពុងរង់ចាំអុតមើល តើនរណានឹងក្លាយជាម្ចាស់ពានឯកត្តជនសារនេះ ព្រោះមានបេក្ខភាពធំៗជាច្រើន ដែលសុទ្ធសឹងសម្រេចបានសមិទ្ធផលជោគជ័យ មិនលើសខ្វះគ្នាប៉ុន្មានឡើយ។
យ៉ាងណាដំណឹងក្តៅមួយបានចុះផ្សាយ ពីគណនីអ្នកសារព័ត៌មានព័រទុយហ្គាល់ លោក Pedro Sepulveda បានបង្ហោះលើ Twitter នៅវេលាម៉ោង ១៨:៥៥ នាទីល្ងាចថ្ងៃចន្ទនេះ ថាតារាឆ្នើម Cristiano Ronaldo នឹងពុំមានវត្តមាននៅទីក្រុងប៉ារីស ក្នុងព្រឹត្តិការណ៍ Ballon d’Or ប៉ុន្មានម៉ោងខាងមុខទេ។
នេះជាប្រភពដ៏គួរឲ្យទុកចិត្ត ហើយបើវាជាការពិត នោះមានន័យថា Ronaldo ដឹងមុន ថាលោកមិនបានឈ្នះពានរង្វាន់សារនេះ ដូច្នេះទើបសម្រេចចិត្តមិនមកចូលរួមតែម្តង។
វាស្រដៀងគ្នានឹងប៉ុន្មានឆ្នាំមុនដែរ ដោយពេលដឹងលទ្ធផលមុន គឺ CR7 ពុំបានបង្ហាញវត្តមានឡើយ ហើយសម្រាប់ឆ្នាំខ្លះ គូប្រជែងរបស់លោកគឺ Lionel Messi ក៏ធ្លាប់ធ្វើបែបហ្នឹងដូចគ្នា។ តែយ៉ាងណាសម្រាប់ព្រឹត្តិការណ៍ ២០២១ Messi គេឈរជើងនៅក្លឹបក្នុងទីក្រុងប៉ារីសដោយផ្ទាល់ ដូច្នេះមិនច្បាស់ថាបែបណានោះទេ៕
ប្រភព៖ Twitter
អានអត្ថបទបន្ទាប់៖ ឃា.ត់ចិត្ត Kane លែងបានហើយ ឥឡូវ Spurs មានតែងាកទៅចរចាយកម្នាក់នេះ មកត្រៀមជំនួស
ក្លឹប Tottenham Hotspur ត្រូវបានគេរាយការណ៍ថា ហាក់មិនមានបំណងចង់រាំង.ស្ទះដំណើរចង់ចាកចេញរបស់ខ្សែប្រយុទ្ធ Harry Kane តទៅទៀតនោះទេ ពោលនៅរដូវក្តៅ ឆ្នាំ ២០២២ ខាងមុខ គឺគេអាចចាកចេញបាន ប្រសិនមានការចរចានៅតម្លៃផ្ទេរត្រូវរ៉ូវគ្នា។
ក្លឹបដឹកនាំដោយលោក Antonio Conte ក៏បានសម្លឹងទៅរកគោលដៅថ្មី ដែលជាខ្សែប្រយុទ្ធវ័យក្មេងនៅក្លឹប Fiorentina ហើយជឿថា គេអាចមកជំនួសតំណែង Kane រយៈពេលយូរអង្វែងបាន។ នោះគឺ Dusan Vlahovic ជាខ្សែប្រយុទ្ធវ័យ ២១ ឆ្នាំ សញ្ជាតិស៊ែប៊ី ដែលជាប់កុងត្រានៅក្លឹបអាណាព្យាបាលដល់ឆ្នាំ ២០២៣។ នេះបើតាមសារព័ត៌មាន Marca បានចុះផ្សាយ។
ប្រភពបានឲ្យដឹងថា Spurs នឹងផ្លូវឲ្យខ្សែប្រយុទ្ធវ័យចំណាស់របស់ខ្លួន ដើរចេញនៅ ឆ្នាំ ២០២២ ខាងមុខ ជារួមសាមីខ្លួនផ្ទាល់ក៏គេទំនងមានចិត្តចង់ទៅដូចគ្នា ជាពិសេសប្រសិនណាក្លឹបមិនអាចលើកពានរង្វាន់ណាមួយនៅបញ្ចប់រដូវកាលនេះ។
លុយដែលលក់ Kane បាន ក្លឹប Spurs នឹងយកល្បាក់ ៥០ ទៅ ៦០ លានផោន មកប្រជែងយក Vlahovic ព្រោះលឺថា មានក្លឹបធំៗច្រើនណាស់ ដែលបានទាក់ទងទៅ Fiorentina ជុំវិញការចង់បានខ្សែប្រយុទ្ធខាងលើ តួយ៉ាងដូចជា Man City, Man Utd និង Juventus ជាដើម។ រំឭកថានៅរដូវកាលនេះ គេបង្ហាញខ្លួន ១៤ ប្រកួត រកបាន ១១ គ្រាប់ហើយ៕
ប្រភព៖ Marca