ក្រុមបាល់ទាត់ជម្រើសជាតិ ទីម័រខាងកើត និងឡាវ បានអស់ឱកាសក្នុងការឆ្លងផុតវគ្គចែកពូល AFF Cup 2020 បន្ទាប់ពីបរាជ័យ៣ប្រកួតជាប់ៗគ្នា។
ក្រុមទីម័របានចាញ់ថៃក្នុងជំនួបបើកឆាកនៃពូល A ដោយលទ្ធផល ២-០ ហើយបន្ដចាញ់មីយ៉ាន់ម៉ា ក្នុងលទ្ធផលដូចគ្នា មុនពេលត្រូវបានហ្វីលីពីនលត់យ៉ាងចាស់ដៃ ដល់ទៅ ៧-០ ខណៈគ្រាប់បាល់របូតសរុប ១១គ្រាប់ តែមិនទាន់មានគ្រាប់បាល់បញ្ចូលទីនៅឡើយទេ។
ដោយឡែកក្រុមជម្រើសជាតិឡាវ ក៏មិនទាន់ទទួលបានពិន្ទុដូចគ្នាជាមួយទីម័រដែរ សម្រាប់៣ប្រកួតនៅក្នុងពូល B ដោយចាញ់វៀតណាម ២-០ មុនចាញ់ម៉ាឡេស៊ី ៤-០ និងបន្ដចាញ់ ឥណ្ឌូណេស៊ី ៥-១។
រីឯក្រុមគោព្រៃកម្ពុជា ក៏មិនទាន់មានពិន្ទុនៅក្នុងតារាងនៅឡើយដែរ ក្នុងចំណោម២ប្រកួតដំបូង ដោយចាញ់ម៉ាឡេស៊ី និង ឥណ្ឌូណេស៊ី ប៉ុន្ដែឱកាសនៃការប្រជែងយកកៅអីទៅវគ្គពាក់កណ្ដាលផ្ដាច់ព្រ័ត្រ មិនទាន់អស់នោះទេ ដ្បិតតែនៅតិចតួចបំផុតក៏ដោយ៕
អានអត្ថបទបន្ទាប់៖ មិនមែន Benzema ឬ JR តែ Ancelotti បែជាកោតសរសើរកីឡាករ R.Madrid រូបនេះ ថាលេងបានល្អខ្លាំង
ក្រុម Real Madrid នៅតែបន្តធ្វើបានយ៉ាងល្អ បន្ទាប់ពីបានយកឈ្នះ ទៅលើក្រុមគូប្រជែងរួមទីក្រុង Atletico Madrid ដោយលទ្ធផល ២-០ ដើម្បីបន្តឈរនៅលើកំពូលតារាង មាន ៤២ ពិន្ទុ ។
ជាក់ស្តែង គ្រាប់បាល់ស៊ុតបញ្ចូលទី ២ គ្រាប់របស់ខ្សែប្រយុទ្ធ Karim Benzema និង Marco Asensio បានជួយឲ្យរបស់គ្រូបង្វឹក លោក Carlo Ancelotti ឥឡូវនេះកាន់តែបន្ថែមក្តីសង្ឃឹម ក្នុងការដណ្តើមពានរង្វាន់លីគ ខណ:ដាច់ពិន្ទុក្រុមលេខ ២ ដល់ទៅ ៨ ពិន្ទុរួចទៅហើយ ។
តែទោះជាយ៉ាងណា បើទោះជាមិនបានផ្តល់បាល់ Assist ឬស៊ុតបញ្ចូលទីបានក៏ដោយ ប៉ុន្តែលោក Ancelotti បានធ្វើការកោតសរសើរទៅលើខ្សែបម្រើ Luka Modric បន្ទាប់ពីបង្ហាញទម្រង់លេងដ៏គួរឱ្យភ្ញាក់ផ្អើលបំផុតមួយ សម្រាប់ក្រុមម្ចាស់ផ្ទះ។
មិនតែប៉ុណ្ណោះ គ្រូបង្វឹកសញ្ជាតិអ៊ីតាលីនិយាយប្រាប់ Marca ក្រោយចប់ការប្រកួតថា ៖ ” ខ្ញុំសូមអបអរសាទរដល់គាត់ ចំពោះការបង្ហាញទម្រង់លេងនៅក្នុងការប្រកួត ពីព្រោះតែគាត់ពិតជាអស្ចារ្យខ្លាំងណាស់ ។ ខ្ញុំមិនដឹងថាខ្ញុំត្រូវប្រាប់គាត់បែបណាទេ ប៉ុន្តែគាត់បានលេងបាល់ពេញមួយប្រកួតយ៉ាងអស្ចារ្យ ” ៕
ប្រភព: Football-Espana