ទីបំផុតការប្រកួតពានរង្វាន់ប្រចាំតំបន់អាស៊ាន AFF Championship ឬ AFF Suzuki Cup 2020 បានឈានមកដល់វគ្គ ៤ ក្រុមចុងក្រោយហើយ បន្ទាប់ពីចប់ការប្រកួតនៅវគ្គចែកពូលកាលពីយប់ថ្ងៃអាទិត្យ។
ក្នុងនោះយើងបានរកឃើញក្រុមជម្រើសជាតិថៃ មាន ១២ ពិន្ទុ ស្របពេលដែលសិង្ហបុរី ជាក្រុមម្ចាស់ផ្ទះមាន ៩ ពិន្ទុ ជាក្រុមត្រូវឡើងប្រចាំពូល A រីឯឥណ្ឌូណេស៊ី មាន ១០ ពិន្ទុ ស្មើនឹងវៀតណាម តែធៀបស្ថិតិគ្រាប់បាល់គឺឥណ្ឌូជាអ្នកឈរលេខ ១ ប្រចាំពូល B។ ឆ្លងទៅវគ្គខ្វែង គឺកំណត់ឲ្យសិង្ហបុរី ត្រូវប៉ះ ឥណ្ឌូណេស៊ី ស្របពេលដែលវៀតណាម ត្រូវប៉ះថៃ។
ចំណែកឯប្រាក់រង្វាន់ ក៏ជឿថា គ្នាយើងជាច្រើនមិនទាន់បានដឹង ថាតើម្ចាស់ជើងឯកពានរង្វាន់មានអាយុកាល ២៥ ឆ្នាំមួយ អាចទទួលបានប្រាក់សុទ្ធប៉ុន្មាន? បើតាមការទម្លាយចេញពីអគ្គលេខាធិការសមាគមបាល់ទាត់ថៃ លោក Patit Suphaphong បានឲ្យដឹងថា ក្រុមឈ្នះជើងឯកសារនេះ អាចទទួលបានប្រាក់ ៣០០ ០០០ ដុល្លារអាមេរិក។
ស្របពេលដែលក្រុមឈ្នះជើងឯករង ទទួលបាន ១០០ ០០០ ដុល្លារអាមេរិក ហើយក្រុមដែលឡើងមកដល់វគ្គ ៤ ក្រុមចុងក្រោយ មួយក្រុមអាចទទួលបាន ៥០ ០០០ ដុល្លារអាមេរិកផ្សេងទៀត។ យ៉ាងណាចំពោះក្រុមដែលមានឈ្មោះមកចូលរួមតាំងពីវគ្គចែកពូល យើងមិនទទួលបានទិន្នន័យច្បាស់ការថាអាចកំណត់ទទួលបានប្រាក់រង្វាន់បែបណាខ្លះទេ។ រំឭកថា ព្រឹត្តិការណ៍ដែលធ្វើឡើងរៀងរាល់ ២ ឆ្នាំម្តងមួយនេះ កាលពីឆ្នាំ ២០១៨ គឺក្រុមនាគក្រហមវៀតណាម ជាអ្នកគ្រងជើងឯក៕
ប្រភព៖ Thesportsgrail
អានអត្ថបទបន្ទាប់៖ កំណត់ត្រាគ្រាប់បាល់របស់ Ronaldo នៅ Juventus ត្រូវបានតាមស្មើដោយកីឡាករវ័យក្មេងម្នាក់
Dusan Vlahovic បានតាមស្មើកំណត់ត្រាគ្រាប់បាល់៣៣គ្រាប់របស់ អតីតខ្សែប្រយុទ្ធរបស់ Juventus គឺ Cristiano Ronaldo កាលពីឆ្នាំ២០២០ មុនពេលខ្សែប្រយុទ្ធព័រទុយហ្កាល់រូបនេះ ចាកចេញទៅចូលរួម Manchester United ជាថ្មី។
ខ្សែប្រយុទ្ធវ័យ២១ឆ្នាំជនជាតិស៊ែប រកគ្រាប់បាល់៦ប្រកួតជាប់គ្នា ដោយចុងក្រោយគេបានជួយ រកគ្រាប់បាល់ ជួយឱ្យ Fiorentina តាមស្មើ Sassuolo កាលពីថ្ងៃអាទិត្យ។
Vlahovic នឹងតាមស្មើកំណត់ត្រាគ្រាប់បាល់របស់ក្នុងមួយឆ្នាំ ដែលរកបានដោយអតីតកីឡាករ Gunnar Nordahl ក្នុងឆ្នាំ១៩៥៩ ប្រសិនបើគេអាចរកគ្រាប់បាល់បាន៣គ្រាប់ ក្នុងការប្រកួតទល់នឹង Hellas Verona នាថ្ងៃពុធ។
នេះជាការប្រកួតចុងក្រោយក្នុងឆ្នាំ២០២១ សម្រាប់ Fiorentina មុនពេលសម្រាករដូវរងារ ប៉ុន្ដែ Vlahovic បានតាមស្មើកំណត់ត្រាគ្រាប់បាល់របស់ Ronaldo ក្នុងសតវត្សរ៍ទី២១ ដែលធ្វើបានកាលពីឆ្នាំមុន៕