ក្លឹប Tottenham Hotspur ទើបតែបញ្ចប់លទ្ធផលស្មើ ២-២ ទល់ក្លឹប Liverpool នៅឯកីឡដ្ឋានក្នុងទីក្រុងឡុង នៅវេលាទាបភ្លឺ ឈានចូលព្រឹកថ្ងៃចន្ទ ដោយឡែកយើងក៏ទទួលដំណឹងមកថា លោក Antonio Conte ហាក់ចង់ពង្រឹងបន្ថែមនៅតំបន់បម្រើ ពោលគឺចង់ឲ្យក្លឹបមានការនាំយកកីឡាករថ្មី ចូលក្រុមនៅទីផ្សារដោះដូរខែមករា ឆ្នាំ ២០២២ ខាងមុខ។
បើតាមសារព័ត៌មាន La Tercera ចុះផ្សាយថា ក្លឹបដឹកនាំដោយគ្រូសញ្ជាតិអ៊ីតាលី បានចាប់អារម្មណ៍ទៅលើកូនក្រុមចាស់ កាលនៅក្លឹប Inter Milan នោះគឺកីឡាករលេងកា.ច Arturo Vidal ដោយយល់ឃើញថា ខ្សែបម្រើសញ្ជាតិឈីលី ពិតណាស់នឹងអាចជួយ Spurs ឲ្យទទួលបានផ្លែផ្កាល្អជាងបច្ចុប្បន្ន។
ណាមួយដោយមើលឃើញ Vidal គេមិនសូវបានលេងផង នៅឯក្លឹប Inter Milan ហើយកុងត្រាក៏សេសសល់ត្រឹមបញ្ចប់រដូវកាលនេះដែរ ដូច្នេះហើយតម្លៃផ្ទេររបស់គេក៏មិនជាថ្លៃពេក ល្មមនឹងអាចឲ្យ Spurs ចាយលុយបន្តិចបន្តួច ថ្ពក់យកគេមកក្លឹបនៅទឹកដីអង់គ្លេសបាន។
គួរបញ្ជាក់ថា ទំនាក់ទំនងរវាង Vidal និង Conte ក្នុងនាមជាគ្រូសិស្សអាចថាស្អិតល្មួតគួរសម ព្រោះអីអ្នកទាំងពីរធ្លាប់រួមក្លឹប តាំងពីកាលនៅ Juventus ម្ល៉េះ មុនមករួបរួមសារជាថ្មី នៅ Inter Milan ដូច្នេះចាំមើលជាមួយ Spurs តើការរួបរួមនេះអាចកើតឡើងម្តងទៀតដែរឬយ៉ាងណា?
ប្រភព៖ La Tercera
អានអត្ថបទបន្ទាប់៖ កំណត់ត្រាគ្រាប់បាល់របស់ Ronaldo នៅ Juventus ត្រូវបានតាមស្មើដោយកីឡាករវ័យក្មេងម្នាក់
Dusan Vlahovic បានតាមស្មើកំណត់ត្រាគ្រាប់បាល់៣៣គ្រាប់របស់ អតីតខ្សែប្រយុទ្ធរបស់ Juventus គឺ Cristiano Ronaldo កាលពីឆ្នាំ២០២០ មុនពេលខ្សែប្រយុទ្ធព័រទុយហ្កាល់រូបនេះ ចាកចេញទៅចូលរួម Manchester United ជាថ្មី។
ខ្សែប្រយុទ្ធវ័យ២១ឆ្នាំជនជាតិស៊ែប រកគ្រាប់បាល់៦ប្រកួតជាប់គ្នា ដោយចុងក្រោយគេបានជួយ រកគ្រាប់បាល់ ជួយឱ្យ Fiorentina តាមស្មើ Sassuolo កាលពីថ្ងៃអាទិត្យ។
Vlahovic នឹងតាមស្មើកំណត់ត្រាគ្រាប់បាល់របស់ក្នុងមួយឆ្នាំ ដែលរកបានដោយអតីតកីឡាករ Gunnar Nordahl ក្នុងឆ្នាំ១៩៥៩ ប្រសិនបើគេអាចរកគ្រាប់បាល់បាន៣គ្រាប់ ក្នុងការប្រកួតទល់នឹង Hellas Verona នាថ្ងៃពុធ។
នេះជាការប្រកួតចុងក្រោយក្នុងឆ្នាំ២០២១ សម្រាប់ Fiorentina មុនពេលសម្រាករដូវរងារ ប៉ុន្ដែ Vlahovic បានតាមស្មើកំណត់ត្រាគ្រាប់បាល់របស់ Ronaldo ក្នុងសតវត្សរ៍ទី២១ ដែលធ្វើបានកាលពីឆ្នាំមុន៕