ពានរង្វាន់ AFF Suzuki Cup ២០២០ បានឈានចូលមកដល់វគ្គពាក់កណ្តាលផ្តាច់ព្រ័ត្របណ្តើរៗហើយ ដោយម្ចាស់ផ្ទះសិង្ហបុរី ក៏ទើបតែបញ្ចប់ការប្រកួតជើងទី ១ ទល់ឥណ្ឌូណេស៊ីកាលពីយប់ថ្ងៃទី ២២ ធ្នូ។
វិលត្រលប់ទៅស្ថិតិកាលពីវគ្គចែកពូលបន្តិច យើងឃើញថាក្នុងចំណោមក្រុមចូលរួមទាំង ១០ ប្រចាំពូល A និង B គឺមានស្ថិតិមួយ ដែលក្រុមគោព្រៃកម្ពុជា ឈរនៅចំណាត់ថ្នាក់ល្អដាច់គេ នោះគឺការលេងដោយអព្យាក្រឹត ឬយើងស្គាល់ថា Fair Play។
ត្រឹមបញ្ចប់វគ្គចែកពូល អាជ្ញាកណ្តាលនៅព្រឹត្តិការណ៍ប្រកួតប្រចាំតំបន់អាស៊ាន Suzuki Cup ចាយកាតលឿងអស់ ៥១ លើក ក្រហម ០ លើក ដោយក្នុងនោះខាងកម្ពុជាយើងទទួលបានតិចជាងគេ ពោលត្រឹមតែ ២ លើកប៉ុណ្ណោះ។
ចំណាត់ថ្នាក់ទី ១ បានទៅលើកម្ពុជា ដែលបង្កកំហុ.សសរុប ៤២ លើក ពិន័យកាតលឿង ២ លើក ខណៈវៀតណាម បង្កកំហុ.ស ៤៨ លើក ពិន័យកាតលឿង ៣ លើក ស្មើនឹងម៉ាឡេស៊ីដែរ តែខាងម៉ាឡេស៊ីបង្កកំហុ.សច្រើនជាង មានដល់ ៥៣ លើកឯណោះ។ អ្នកអាចលម្អិតចំណាត់ថ្នាក់ តាមរយៈតារាងខាងក្រោម៖
ប្រភព៖ AseanFootball
អានអត្ថបទបន្ទាប់៖ “ម្នាក់នេះគ្មានកំហុសអ្វីទេ ឈប់ធ្វើជាស្រមោល Ronaldo រួចដើរចេញពីក្លឹបទៅ” – Berbatov
ក្រោយវត្តមាន Cristiano Ronaldo ត្រលប់មក Man Utd ជាលើកទី ២ ក៏យើងឃើញថា កីឡាករជាច្រើនដែលលេងតំណែងប្រយុទ្ធ បានចាប់ផ្តើមខ្ស.ត់ឱកាស ដែលរយៈពេលចុងក្រោយនាំឲ្យកើតមានចចាមអារ៉ាម ពួកគេចង់ចាកចេញពី Old Trafford ទៀតផង។
ជុំវិញរឿងខាងលើនេះ អតីតកីឡាករជើងចាស់លោក Dimitar Berbatov បានបង្ហាញការសោក.ស្តាយចំពោះខ្សែប្រយុទ្ធវ័យចំណាស់ Edinson Cavani ដែលវាជារឿងអយុត្តិ.ធម៌សម្រាប់គេ ព្រោះគេលេងបានល្អណាស់កាលពីរដូវកាលចាស់ តែដោយសារមាន Ronaldo ក៏នាំឲ្យ ឱកាសបង្ហាញខ្លួនសឹងតែបាត់បង់ទាំងស្រុង។ ស្ថិតិរដូវកាល ២០២១/២២ សម្រាប់ខ្សែប្រយុទ្ធអ៊ុយរុយហ្គាយ បង្ហាញខ្លួន ៨ ប្រកួត មិនដល់ ៣០០ នាទី និងរកបាន ១ គ្រាប់។
តាមការលើកឡើងរបស់ Berbatov និយាយ៖ “ដ្បិតបើរដូវកាលមុនគេលេងបានល្អ តែ Cavai នៅតែមិនមានឱកាសលេងគ្រប់គ្រាន់ពេលនេះ ក៏ដោយសារតែកីឡាករដូចជា Ronaldo ចូលមកដល់ ដូច្នេះគេចាប់យកឱកាសទាំងអស់ គេលេងគ្រប់ការប្រកួត ហើយបាល់ទាត់គឺវាតែបែបហ្នឹងឯង”។
លោកបន្ត៖ “យ៉ាងណាវាបានក្លាយជាស្ថានភាពដ៏អយុត្តិ.ធម៌សម្រាប់ Cavani ហើយខ្ញុំគិតថា ប្រសិនជាមានសំណើពីក្លឹប Barcelona ពិតមែន គេគួរតែទៅ La Liga ដើម្បីមានពេលវេលាលេងគ្រប់គ្រាន់ជាងនេះ ខ្ញុំគាំទ្រគេឲ្យធ្វើបែបហ្នឹង ទៅទីនោះដើម្បីលេង ដើម្បីលុយដែលច្រើនជាងនេះ ព្រោះខ្លួនគេផ្ទាល់ក៏ត្រូវដឹងថា អាយុគេមិនមែន ២៤ ឆ្នាំនោះទេ”៕
ប្រភព៖ TalkSport