តាមការយល់ឃើញរបស់អ្នកវិភាគលើប៉ុស្តិ៍ TalkSPORT លោក Andy Goldstein បានបង្ហាញការជឿជាក់ថា ក្លឹប Man Utd គួរតែលក់ចេញ Cristiano Ronaldo ដូចគ្នាទៅនឹង Liverpool ក៏មិនគួរបន្តរក្សាជើង Mohamed Salah នោះដែរ ព្រោះឱកាសលើការនាំយកកីឡាករកំពូល ដែលមានវ័យក្មេង កៀកនឹងឈានចូលមកដល់ហើយនៅពេលខាងមុខ។
នោះគឺ Erling Haaland ដែលនៅរដូវក្តៅ ឆ្នាំ ២០២២ គេនឹងមានតម្លៃផ្តាច់កុងត្រាតែ ៦៤ លានផោន ល្មមអាចក្លឹបធំៗនៅអឺរ៉ុប ចូលចរចាបានស្រួល។ តែយ៉ាងណា Andy យល់ឃើញថា វាជាឱកាសដ៏កម្រ ហើយក្លឹបយក្សនៅអង់គ្លេសដូចជា Man Utd និង Liverpool គួរតែបោះបង់កីឡាករវ័យចំណាស់ដែលកំពុងមានចោលទៅ។
លោក Andy ថា៖ “Mohamed Salah ពិតណាស់ គេជាកីឡាករដ៏ល្អបំផុតមួយក្នុងលោក តែយើងត្រូវដឹង Haaland អាយុទើបតែ ២១ ឆ្នាំ រួច Salah ២៩ ឆ្នាំហើយណា ក្រៅពី Messi និង Ronaldo គឺកម្រនឹងរកបានណាស់ នៅកីឡាករល្អបំផុតដូចជា Haaland ឬក៏អាចប្រដូចទៅ Luka Modric ដែលគេអាចឈរជើងជាកីឡាករដ៏ល្អមួយរយៈពេលយូរ”។
លោកបន្ថែមថា៖ “ខ្ញុំគិតថា Salah អាចថាល្អ ៣ ឆ្នាំទៅមុខទៀតអីទេ តែ Haaland គេជាម៉ាស៊ីន គេទើបតែ ២១ ឆ្នាំទេ អ៊ីចឹងខ្ញុំគិតថា អ្នកអាចប្រើប្រាស់គេ ១៣ ឬ ១៤ ឆ្នាំទៅមុខទៀត ខុសពី Salah ពេលគេរាងចាស់បន្តិច គឺដឹងតែយ៉ា.ប់ហើយ”។
បន្តដល់ Ronaldo លោក Andy សង្កត់ធ្ងន់៖ “អត់ចាំបាច់គិតអីច្រើនទេ Ronaldo អាចថាលេងបានល្អមួយឆ្នាំទៀត តែ Haaland អាចធ្វើបានដល់ ១០ ឆ្នាំថាមិនត្រូវ ដូច្នេះអ្នកគួរតែដកនរណាចេញទាំងអស់ ដើម្បីយក Haaland កុំថាឡើយ សូម្បីតែ Lewandowski ក៏ដូចគ្នា គេកៀកនឹងឈានចូលមកដល់ទីបញ្ចប់នៃអាជីពហើយ”៕
ប្រភព៖ TalkSPORT
អានអត្ថបទបន្ទាប់៖ ឃើញម្នាក់នេះលេងកា.ចដាក់ក្រុម Barca ថ្ងៃមុន ឥឡូវស្រាប់តែ Real Madrid បេតីចិត្តហើយ
ក្លឹបយក្ស Real Madrid ត្រូវបានគេរាយការណ៍ថា កំពុងចាប់អារម្មណ៍ទៅលើខ្សែការពាររួមលីគ ហើយថែមទាំងចង់ដោះដូរស្មើ ដោយប្រើប្រាស់ខ្សែប្រយុទ្ធរបស់ខ្លួន គឺ Marco Asensio ជាថ្នូរទៀតផង សម្រាប់ទីផ្សារដោះដូរនាខែមករា ឆ្នាំ ២០២២ ខាងមុខ។
នោះគឺក្លឹបដឹកនាំដោយប្រធាន លោក Florentino Perez បានមើលឃើញសមត្ថភាពរបស់ Jules Kounde ដែលគ្រប់គ្នាប្រហែលជាចាប់អារម្មណ៍គេខ្លាំង កាលពីប៉ុន្មានថ្ងៃមុន ដែលគេលេងកា.ចដាក់កីឡាករ Jordi Alba នៃក្លឹប Barcelona ដល់ថ្នាក់យកបាល់ទៅគ្រវែ.ងចូលមុខទៀតផង។ កីឡាករបារាំងរូបនេះ មានវ័យទើបតែ ២៣ ឆ្នាំប៉ុណ្ណោះ ហើយអតីតកាលក៏ធ្លាប់មានក្លឹបធំៗនៅអង់គ្លេសដូចជា Chelsea និង Man Utd ចង់បានដូចគ្នា។
តម្លៃដើមរបស់គេ លឺថាថ្លៃដល់ ៨០ លានអឺរ៉ូ តែឥឡូវខាងក្លឹប Sevilla ព្រមទម្លាក់មកក្រោមបន្តិច ចន្លោះពី ៥០ ទៅ ៦០ លានអឺរ៉ូវិញ។ ល្បាក់ហាងឆេងថ្លៃខ្លួនប៉ុណ្ណេះ ក៏ល្មមឲ្យ Real Madrid អាចប្រើប្រាស់ខ្សែប្រយុទ្ធសញ្ជាតិអេស្ប៉ាញ ទៅដោះដូរស្មើ ឬអាចថែមថយលុយបន្តិច ខ្ទង់ ១០ លានអឺរ៉ូ។ នេះបើតាមសារព័ត៌មាន El Nacional បានចុះផ្សាយ។
គួរបញ្ជាក់ដែរថា ក្រោមការដឹកនាំរបស់លោក Julen Lopetegui ជាមួយការប្រើប្រាស់ Kounde នៅតំបន់ការពារ រាប់ថាជារឿងចាំបាច់សឹងគ្រប់ការប្រកួត ប៉ុន្តែអតីតកាលក៏យើងធ្លាប់ដឹងថា លោកជាអ្នកគាំទ្ររបស់កីឡាករ Asensio ផងដែរ ដូច្នេះថាមិនត្រូវសារនេះ ការចរចាអាចនឹងសម្រេចក្លាយជាការពិតក៏ថាបាន៕
ប្រភព៖ El Nacional