ក្រុមដំរីចម្បាំងថៃ បានយកឈ្នះទៅលើនាគក្រហមវៀតណាម ២-០ សម្រាប់លទ្ធផលទាំងពីរជើង នៅវគ្គពាក់កណ្តាលផ្តាច់ព្រ័ត្រ ពានរង្វាន់ AFF Suzuki Cup 2020 ក្នុងប្រទេសសិង្ហបុរី នៅមុននេះបន្តិច។ នេះកំណត់ឲ្យក្រុមថៃ ត្រូវឡើងទៅជួបឥណ្ឌូណេស៊ី នាវគ្គផ្តាច់ព្រ័ត្រខាងមុខ។
គ្រាប់បាល់ទាំងពីរគ្រាប់របស់ថៃ គឺធ្វើបានតាំងពីប្រកួតជើងទី ១ បញ្ចប់ទីដោយខ្សែប្រយុទ្ធ Chanathip Songkrasin ឬត្រូវបានបងប្អូនយើងស្គាល់ជា ‘Messi ថៃ’។ លទ្ធផលគ្រាប់បាល់ដែលថៃនាំមុខ បានបន្ត និងរក្សារហូតដល់បញ្ចប់ការប្រកួតជើងទី ២។
អ្វីដែលគេចាប់អារម្មណ៍ក្នុងការប្រកួត គឺការដែលអ្នកចាត់ការក្រុមជម្រើសជាតិវៀតណាម លោក Park Hang-seo បានអង្គុយលើកៅអីមិនសុខតាំងពីប្រកួតជើងដំបូង ហើយក៏ងើបមកបង្ហាញការមិនពេញចិត្ត និងស្រែ.កបញ្ជាកូនក្រុម ឲ្យមានការកែតម្រូវជាបន្តបន្ទាប់ផងដែរ។ យ៉ាងណាជុំវិញសកម្មភាពរបស់អ្នកចាត់ការសញ្ជាតិកូរ៉េខាងត្បូង ចុងក្រោយក៏ត្រូវបាន Chanathip យកទៅបង្ហោះក្នុងវីដេអូមួយ ជាអត្ថន័យឌឺ.ដងទៅវិញ។
គណនីផ្លូវការដែលមានសញ្ញាគ្រីសរបស់ ‘Messi ថៃ’ បានធ្វើការបង្ហោះវីដេអូ នៃសកម្មភាពត.វ៉ារបស់លោក Park ក៏ដូចជាការមិនពេញចិត្តចំពោះចំណាត់ការអាជ្ញាកណ្តាលលើទីលាន អមនឹង Caption ដែលសរសេរជាភាសាអង់គ្លេសថា <Bye Bye> ឬមានន័យថា លា ទៅកាន់វៀតណាម។ ចុចត្រង់នេះ ដើម្បីទស្សនាវីដេអូ (រក្សាសិទ្ធនៃម្ចាស់វីដេអូដើម)
ប្រភព៖ Facebook
អានអត្ថបទបន្ទាប់៖ “Messi មានចំណុចនេះ ដែលគ្មាននរណាមានដូច តែ Ronaldo គេអាចធ្វើបានគ្រប់យ៉ាង” – Pique
Gerard Pique មុនផ្ទេរទៅក្លឹប Barcelona គេក៏ធ្លាប់ជាអតីតកីឡាករនៅក្លឹប Man Utd រួមជើងជាមួយ Cristiano Ronaldo ផងដែរ តែគ្រាន់ថា ពេលវេលាសហការជាមួយ Lionel Messi គឺច្រើនជាង។ យ៉ាងណា កីឡាករអេស្ប៉ាញក៏បានបញ្ចប់ការប្រៀបធៀបថានរណាល្អបំផុតរវាងអ្នកទាំងពីរ ពោលគឺឈរនៅចំណុចកណ្តាល ជុំវិញចម្លើយនៃការបកស្រាយ។
ប្រាប់ប៉ុស្តិ៍ BT Sport ខ្សែការពាររបស់អ្នកមានបុណ្យ បាននិយាយថា៖ “ខ្ញុំគិតថាទាំង Messi និង Ronaldo គឺសុទ្ធតែអស្ចារ្យដូចគ្នា ដោយនេះយើងកំពុងនិយាយអំពីកីឡាករល្អបំផុតទាំង ២ រូប មិនត្រឹមតែពិភពលោកទេ គឺក្នុងប្រវត្តិសាស្រ្តកីឡាទាំងមូល”។
លោកបន្ត៖ “ខ្ញុំតែងតែនិយាយថា Messi មានទេពកោសល្យដែលគ្មាននរណាមានដូច ដោយនៅពេលគេមានបាល់ជាប់នឹងជើង ល្បឿនរបស់គេគឺអាចគ្រប់គ្រងបាល់បានល្អណាស់ និយាយទៅបាល់មិនដែលនៅឆ្ងាយពីជើងរបស់គេ ហួសពី ២ ម៉ែត្រនោះទេ ដោយវាតែងតែនៅក្បែរគេជានិច្ច ហើយក៏ពិបាកនឹងតាមប្រដេ.ញឬដណ្តើមយកបាល់ពីគេមកវិញដែរ ជារួមទៅ ខ្ញុំមិនធ្លាប់ឃើញកីឡាករណាមានចំណុចបែបហ្នឹងដូចជា Messi ទេ”។
លោកបន្ត៖ “Cristiano Ronaldo វិញ គេជាកីឡាករគ្រប់លក្ខណៈ ខ្ពស់ រឹងមាំ គេអាចធ្វើបានគ្រប់យ៉ាង គេអាចប្រើប្រាស់ក្បាលតែតបញ្ចូលទី គេអាចស៊ុត Free-Kick ប៉េណាល់ទី និងលេងមួយទល់មួយបានល្អគ្រប់សព្វ ហើយសម្រាប់ខ្ញុំ Messi មិនមែនជាមនុស្សទេ តែ Cristiano គឺជាកំពូលមនុស្សដែលល្អដាច់គេ”៕
ប្រភព៖ SportBible