យើងធ្លាប់តែឃើញ Paul Pogba ជាកីឡាករដែលមានទម្លាប់ស៊ុតប៉េណាល់ទី ឬបាល់ពិន័យ ១១ ម៉ែត្រនៅ Premier League ដែលប្រើពេលវេលាយូរ តែប្រហែលអ្នកមិនបានដឹងនោះទេ ថានៅមានកីឡាករដទៃ មានទម្លាប់ប្រើពេល ឬស៊ីម៉ោងលើសពីនោះទៅទៀត។
CamboTrends នាំអារម្មណ៍មិត្តអ្នកអាន មកជួបយុវជនក្លឹប Ryutso Keizai Ogashi នៃប្រទេសជប៉ុន ដែលបានបង្កើតរឿងរ៉ាវភ្ញាក់ផ្អើល ពេលស៊ុតប៉េណាល់ទីទល់ក្លឹប Kindai Wakayama។ តាមរយៈវីដេអូបង្ហាញ កីឡាកររូបនោះ ប្រើប្រាស់ពេលដល់ទៅ ៣០ វិនាទី ក្រោយអាជ្ញាកណ្តាលផ្លុំកញ្ចែ ដោយគេរត់ពីក្រៅប្រអប់សន្សឹមៗ ដូចជា Slow motion ទម្រាំបានមកស៊ុតបាល់ចេញពីជើង តែយ៉ាងណាលទ្ធផល គឺបាល់ចូលទី។ ចុះបើបាល់មិនចូលទីវិញ តើនឹងខ្មា.សគេប៉ុណ្ណាទៅ?
ទស្សនាវីដេអូខាងក្រោម៖
In the history of unorthodox free-kick routines, Ring-a-Ring o Roses is a new one. Bravo, Takagawa Gakuen High School. pic.twitter.com/sQPkqYtPAC
— Dave Phillips (@lovefutebol) December 29, 2021
ប្រភព៖ Twitter
អានអត្ថបទបន្ទាប់៖ អ្នកគាំទ្រអ.ន់ចិត្តមិនស្ទើរ! Lukaku ប្រាប់ក្លឹបដែលចង់ទៅចូលរួម តែ Chelsea ត្រឹមជាជម្រើសទី ៤
ខ្សែប្រយុទ្ធកណ្ដាល Romelu Lukaku មុនផ្ទេរទៅក្លឹបតោខៀវ Chelsea កាលនៅឈរជើងឲ្យក្លឹប Inter Milan លោកបានទម្លាយថា អារម្មណ៍ពេលនោះ គឺមិនបានគិតដល់ក្លឹបអង់គ្លេសនោះទេ ពោលពួកគេត្រឹមតែជាជម្រើសទី ៤ ប៉ុណ្ណោះ។
គួរឲ្យដឹងដែរថា បុរសវ័យ ២៨ ឆ្នាំ បានផ្ទេរចេញពីក្លឹប Inter Milan ទៅក្លឹប Chelsea នៅតម្លៃផ្ទេរ ១១៥ លានអឺរ៉ូ កាលពីរដូវក្តៅ។ សរុបស្ថិតិបង្ហាញខ្លួន ១៨ ប្រកួត គេរកបាន ៧ គ្រាប់និង Assist ២ លើក។
យ៉ាងណានៅបទសម្ភាសន៍ជាមួយ Sky Italia កន្លងទៅ កីឡាករបែលហ្សិកនិយាយ៖ “រដូវក្តៅកន្លងទៅ ខ្ញុំបានទៅនិយាយជាមួយថ្នាក់លើក្លឹប Inter អំពីការចង់បន្តកុងត្រាថ្មី ដោយខ្ញុំថាខ្ញុំអាយុ ២៨ ឆ្នាំហើយ ខ្ញុំចង់បន្តកុងត្រាថ្មី ឈរជើងនៅអ៊ីតាលីដល់ចប់អាជីព តែប្រហែលដោយសារបញ្ហាហិរញ្ញវត្ថុ ដូច្នេះវាពិតជាពិបាកនឹងទទួលយកបាន”។
លោកបន្តថា៖ “ហើយមានក្លឹប ៣ នៅកម្រិតកំពូល ដូចជា Barcelona, Real Madrid, Bayern Munich ជាក្លឹបក្នុងក្តីស្រមៃរបស់កីឡាករទាំងអស់ដោយវាជាការពិត ហើយខ្ញុំក៏គិតចង់ទៅមួយក្នុងចំណោមក្លឹបទាំងនោះដែរ បន្ទាប់ពី Inter តែវាមិនអាចធ្វើទៅបាន ហើយដល់ពេល Chelsea មកទាក់ទងខ្ញុំ ខ្ញុំក៏ស្រមៃពីខ្លួនឯងក្នុងការលេងជាមួយ Chelsea តែម្តងទៅ”។
ជុំវិញការលើកឡើងនេះ ក៏ហាក់ធ្វើឲ្យអ្នកគាំទ្រក្លឹប Chelsea មានការអ.ន់ចិត្តជាខ្លាំង ព្រោះអីគិតថា Lukaku គេមិនចង់ជាផ្ទេរមកក្លឹបនៅអង់គ្លេសមួយនេះប៉ុន្មានទេ។ មួយផ្សេងទៀត គេគួរតែគិតថា Chelsea ជាក្លឹបយក្ស ព្រោះអីបច្ចុប្បន្នទាំងប្រព័ន្ធលេង ទាំងការចំណាយ គឺក្លឹបដឹកនាំដោយសេដ្ឋីរុស្សី មិនចាញ់ក្លឹបយក្សផ្សេងឯទៀតឡើយ៕
ប្រភព៖ Sky Italia