ខ្សែប្រយុទ្ធកណ្ដាល Romelu Lukaku មុនផ្ទេរទៅក្លឹបតោខៀវ Chelsea កាលនៅឈរជើងឲ្យក្លឹប Inter Milan លោកបានទម្លាយថា អារម្មណ៍ពេលនោះ គឺមិនបានគិតដល់ក្លឹបអង់គ្លេសនោះទេ ពោលពួកគេត្រឹមតែជាជម្រើសទី ៤ ប៉ុណ្ណោះ។
គួរឲ្យដឹងដែរថា បុរសវ័យ ២៨ ឆ្នាំ បានផ្ទេរចេញពីក្លឹប Inter Milan ទៅក្លឹប Chelsea នៅតម្លៃផ្ទេរ ១១៥ លានអឺរ៉ូ កាលពីរដូវក្តៅ។ សរុបស្ថិតិបង្ហាញខ្លួន ១៨ ប្រកួត គេរកបាន ៧ គ្រាប់និង Assist ២ លើក។
យ៉ាងណានៅបទសម្ភាសន៍ជាមួយ Sky Italia កន្លងទៅ កីឡាករបែលហ្សិកនិយាយ៖ “រដូវក្តៅកន្លងទៅ ខ្ញុំបានទៅនិយាយជាមួយថ្នាក់លើក្លឹប Inter អំពីការចង់បន្តកុងត្រាថ្មី ដោយខ្ញុំថាខ្ញុំអាយុ ២៨ ឆ្នាំហើយ ខ្ញុំចង់បន្តកុងត្រាថ្មី ឈរជើងនៅអ៊ីតាលីដល់ចប់អាជីព តែប្រហែលដោយសារបញ្ហាហិរញ្ញវត្ថុ ដូច្នេះវាពិតជាពិបាកនឹងទទួលយកបាន”។
លោកបន្តថា៖ “ហើយមានក្លឹប ៣ នៅកម្រិតកំពូល ដូចជា Barcelona, Real Madrid, Bayern Munich ជាក្លឹបក្នុងក្តីស្រមៃរបស់កីឡាករទាំងអស់ដោយវាជាការពិត ហើយខ្ញុំក៏គិតចង់ទៅមួយក្នុងចំណោមក្លឹបទាំងនោះដែរ បន្ទាប់ពី Inter តែវាមិនអាចធ្វើទៅបាន ហើយដល់ពេល Chelsea មកទាក់ទងខ្ញុំ ខ្ញុំក៏ស្រមៃពីខ្លួនឯងក្នុងការលេងជាមួយ Chelsea តែម្តងទៅ”។
ជុំវិញការលើកឡើងនេះ ក៏ហាក់ធ្វើឲ្យអ្នកគាំទ្រក្លឹប Chelsea មានការអ.ន់ចិត្តជាខ្លាំង ព្រោះអីគិតថា Lukaku គេមិនចង់ជាផ្ទេរមកក្លឹបនៅអង់គ្លេសមួយនេះប៉ុន្មានទេ។ មួយផ្សេងទៀត គេគួរតែគិតថា Chelsea ជាក្លឹបយក្ស ព្រោះអីបច្ចុប្បន្នទាំងប្រព័ន្ធលេង ទាំងការចំណាយ គឺក្លឹបដឹកនាំដោយសេដ្ឋីរុស្សី មិនចាញ់ក្លឹបយក្សផ្សេងឯទៀតឡើយ៕
ប្រភព៖ Sky Italia
អានអត្ថបទបន្ទាប់៖ Henry ចុចឈ្មោះតារាឆ្នើម Man Utd ម្នាក់ ដែលធ្វើឲ្យលោកមិនសរសើរមិនបាន ក្រោយយកឈ្នះលើ Burnley
អតីតតារាឆ្នើម លោក Thierry Henry បានជ្រើសរើសយកកីឡាកររបស់ក្រុមបិសាចក្រហម Manchester United ម្នាក់ សម្រាប់ធ្វើការកោតសរសើរ បន្ទាប់ពីក្រុមរបស់លោក Ralf Rangnick បានទទួលជ័យជម្នះទៅលើ Burnley ដោយលទ្ធផល ៣-១ នៅឯទឹកដី Old Trafford ។
យ៉ាងណា កីឡាករដែលលោក Henry ផ្តោតខ្លាំងនោះគឺ ខ្សែបម្រើ Scott McTominay បន្ទាប់ពីគេបានជាប់ឈ្មោះជាកីឡាករ Man of the Match នៅក្នុងជ័យជម្នះមួយនេះ បន្ទាប់ពី Man United លេងបានត្រឹមតែស្មើជាមួយ Newcastle United កាលពីប្រកួតមុន ។
ហើយមិនតែប៉ុណ្ណោះ ខ្សែបម្រើសញ្ជាតិស្កុតឡេនរូបនេះ ក៏បានរួមចំណែករកគ្រាប់បាល់បញ្ចូលទី សម្រាប់ក្រុម United ខណ:ពីរគ្រាប់ទៀត រកបានដោយខ្សែប្រយុទ្ធ Cristiano Ronaldo និងគ្រាប់បាល់ចូលទីខ្លួនឯងរបស់កីឡាករ Ben Mee។
លើសពីនេះ វីរបុរសក្រុមកាំភ្លើងធំ Arsenal លោក Henry បានប្រាប់ទៅកាន់ Amazon Prime ថា ៖ “ បុរសដែលតំណាងភាពជោគជ័យនៃការប្រកួតនេះ គឺ McTominay ។គាត់បានបង្ហាញវាយ៉ាងល្អ ទាំងថាមពល ការតាំងចិត្ត ដែលជាអ្វីក្លិបចង់បានពីកីឡាកររបស់ខ្លួន ” ។
លោកបន្តទៀតថា ៖ “អ្នកតែងតែត្រូវបានគេប្រៀបធៀបជាមួយនឹងកីឡាករពីមុនៗ។ ប៉ុន្តែអ្វីដែលខ្ញុំចូលចិត្ត McTominay គឺភាពចាស់ទុំរបស់គាត់ ទាំងនៅលើទីលាន និងក្រៅទីលាន ” ៕
ប្រភព: Metro