អ្នកចាត់ការ Massimiliano Allegri បានអះអាងថា ខ្សែប្រយុទ្ធ Alvaro Morata នឹងបន្ដរួមរស់ជាមួយ Juventus ស្របពេលដែលមានលេចលឺចចាមអារ៉ាមថា គេជាកីឡាករគោលដៅចម្បងម្នាក់ដែល Barcelona ចង់បាន។
គ្រូបង្វឹកជនជាតិអ៊ីតាលីរូបនេះ បាននិយាយជាមួយ Morata ចំពោះបំណងដែលលោកចង់ឱ្យខ្សែប្រយុទ្ធអេស្ប៉ាញបន្ដលេងនៅទីក្រុងទូរីន ហើយកីឡាករផ្ទាល់ក៏សប្បាយចិត្តនៅទីនោះដែរ។
នៅក្នុងសន្និសីទសារព័ត៌មាន លោក Allegri បាននិយាយថា៖ “Alvaro គឺជាកីឡាករសំខាន់ម្នាក់ ហើយខ្ញុំរីករាយជាមួយគេ។ ខ្ញុំបាននិយាយជាមួយគេ ហើយបានប្រាប់គេថា គេនឹងមិនចាកចេញឡើយ ទោះបីជាមានចចាមអារ៉ាមក៏ដោយ ដូច្នេះគេរីករាយសម្រាប់រឿងនេះ។ ករណីនេះត្រូវបានបញ្ចប់”។
Morata បានចូលរួម ក្លិបសេះបង្កង់ជាលើកទី២ ដោយកាលពីលើកដំបូងគេលេងឱ្យក្លិបអ៊ីតាលីនេះ ក្នុងចន្លោះឆ្នាំ២០១៤ ដល់ ២០១៦។ គេបានត្រលប់មក Juventus វិញក្នុងឆ្នាំ២០២០ ក្នុងកិច្ចសន្យាខ្ចីជើងពីក្លិប Atletico Madrid ដោយចំណាយទឹកប្រាក់១០លានអឺរ៉ូ៕
ប្រភព៖ Marca
អានអត្ថបទបន្ទាប់៖ ដឹងមុនថា Trippier នឹងចាកចេញ ឥឡូវ AT Madrid ក៏រត់ទៅចរចាប្រធានក្រុម PL រូបនេះភ្លែត
ក្លឹបការពារជើងឯក La Liga គឺ Atletico Madrid ត្រូវបានគេរាយការណ៍ថា ហាក់ច្បាស់លាស់នឹងអនាគតរបស់ Kieran Trippier ហើយ ពោលគេទំនងជានឹងចាកចេញ នៅពេលដ៏ខ្លីខាងមុខ ទំនងជាផ្ទេរទៅក្លឹប Newcastle United។ ក្រោយដឹងលឺរឿងរ៉ាវនេះ ក្លឹបក៏ប្រញា.ប់ទៅចាត់ចែងយកអ្នកថ្មី ដោយឥឡូវកំពុងចរចាជាមួយភាគីកីឡាករនៅក្លឹបតោខៀវ Chelsea។
នោះគឺជាប្រធានក្លឹប លេងតំណែងការពារស្លាប Cesar Azpilicueta ដែលលោក Diego Simeone ជាអ្នកចាត់ការ ជឿជាក់ថា គេសក្តិសមបំផុតនឹងមកជំនួសតំណែងរបស់ Trippier។នេះបើតាមសារព័ត៌មាន AS បានចុះផ្សាយ។
Simeone ចាប់ចិត្តលើគុណភាពកីឡាករវ័យ ៣២ ឆ្នាំជាខ្លាំង ដោយគេអាចលេងបានទាំងតំណែងការពារស្លាបស្តាំ និងការពារកណ្តាល ហើយពេលវេលារបស់គេជាមួយនឹងក្លឹបម្ចាស់ដី Stamford Bridge ក៏កៀកនឹងដល់ផ្លូវបំបែកផងដែរ នៅពេលខាងមុខ ដូច្នេះហើយអាចចរចាលក្ខណៈ Pre-Contract ត្រឹមខែមករា ឆ្នាំ ២០២២ បាន។
រំឭកពីការលេងរបស់ Azpilicueta នៅ Chelsea បន្តិច ដោយគេឈរជើងតាំងពីរដូវក្តៅ ឆ្នាំ ២០១២ ពោលគិតមកទល់ពេលនេះ មានរយៈពេល ៩ ឆ្នាំកន្លះហើយ។ សរុបស្ថិតិបង្ហាញខ្លួន ប្រធានក្រុមខាងលើ ចូលរួមលេង ៤៥២ ប្រកួត រកបាន ១៤ គ្រាប់និង Assist ៥៦ លើក៕
ប្រភព៖ AS