ក្លិប Paris Saint-Germain (PSG) ត្រូវបានគេរាយការណ៍ថា កំពុងតែចូលរួមជាមួយ ក្លិបធំៗផ្សេងទៀតដូចជា Barcelona និង Juventus ដើម្បីធ្វើការផ្លាស់ប្តូរខ្សែប្រយុទ្ធកណ្តាលរបស់ពួកគេទៅវិញទៅមក នៅទីផ្សារដោះដូរនេះ ។
ជាក់ស្តែងក្លិប Barcelona ដែលត្រូវបានគេយល់ថា កំពុងចង់ចុះហត្ថលេខាលើខ្សែប្រយុទ្ធ Alvaro Morata របស់ Atletico Madrid ដែលបច្ចុប្បន្នកំពុងខ្ចីជើងនៅ Juventus ហើយទន្ទឹមនឹងនេះ ក្រុមនៅក្របខ័ណ្ឌ Serie A ចង់ជំនួសកីឡាករអេស្ប៉ាញវិញ ដោយខ្សែប្រយុទ្ធ Mauro Icardi របស់ PSG ស្របពេលក្លិបយក្សបារំង ចង់បានខ្សែប្រយុទ្ធ Memphis Depay របស់ Barcelona ដើម្បីបំពេញតំណែងរបស់ Icardi វិញ ។
ហើយយ៉ាងណា បើតាមសារព័ត៌មានអ៊ីតាលី Tuttosport បានរាយការណ៍ថា PSG មាន សង្ឃឹមខ្ពស់ក្នុងការនាំយក Depay មកកាន់ក្របខ័ណ្ឌ Ligue 1 ប្រសិនបើ Juventus អាចចុះហត្ថលេខាលើ Icardi នោះ ។
ដោយឡែក Barcelona ចង់ចុះហត្ថលេខាលើ Alvaro Morata នៅក្នុងកិច្ចសន្យាខ្ចីជើងរយៈពេលប្រាំមួយខែដំបូង ខណ:ក្លិបយក្សកតាឡាន់ នឹងបន្តទៅលើការទិញផ្តាច់ នៅពេលរដូវទីផ្សាររដូវក្តៅ បើកដំណើរការនៅពេលខាងមុខផងដែរ ។
ហើយម្យ៉ាងវិញទៀត Juventus នឹងអនុញ្ញាតឱ្យ Morata ចាកចេញ ប្រសិនបើពួកគេអាចចុះហត្ថលេខាលើខ្សែប្រយុទ្ធផ្សេងមួយរូបទៀត មកជំនួសតំណែងនេះវិញបាននោះ ។
ប្រភព: Sporskeeda
អានអត្ថបទបន្ទាប់៖ លេចសើចអី! Conte ចុចឈ្មោះកីឡាករ Spurs ដល់ទៅ ៤ រូប ដើម្បីលក់ចេញ នៅទីផ្សារដោះដូរខែនេះ
គ្រូបង្វឹក លោក Antonio Conte គ្រោងនឹងដកកីឡាករមួយចំនួន ចេញពីក្រុម Tottenham Hotspur របស់គាត់ នៅអំឡុងទីផ្សារដោះដូរខែមករានេះ បន្ទាប់ពីបានធ្វើការកំណត់អត្តសញ្ញាណកីឡាករ ដែលគាត់គិតថាមិនល្អគ្រាប់គ្រាន់ សម្រាប់ក្រុមរួចរាល់ហើយ ។
ជាក់ស្តែង បើតាមរបាយការណ៍របស់ ESPN បានបង្ហាញយ៉ាងច្បាស់ថា Dele Alli, Matt Doherty, Tanguy Ndombele និង Steven Bergwijn សុទ្ធសឹងតែស្ថិតនៅក្នុងបញ្ជីឈ្មោះ ដែលគ្រូបង្វឹកសញ្ជាតិអ៊ីតាលីរូបនេះ ត្រូវបញ្ចេញ ខណៈកីឡាករ Japhet Tanganga និង Giovani Lo Celso កំពុងស្ថិតនៅក្នុងការពិចារណានៅឡើយ។
វាហាក់ជាការចាប់ផ្តើមដ៏វិជ្ជមានមួយ សម្រាប់ក្រុម Tottenham នៅក្រោមការដឹកនាំរបស់លោក Conte ប៉ុន្តែយ៉ាងណាក៏ដោយ គ្រូបង្វឹករូបនេះ អារម្មណ៍ថាក្រុមគឺចាំបាច់តែត្រូវធ្វើការផ្លាស់ប្តូរសំខាន់ៗ ដើម្បីអាចឈានទៅកាន់តំណែង Top ៤ ឬប្រជែងពានរង្វាន់ Premier League ទៀតផង ។
ហើយចំពោះការផ្លាស់ប្តូរនេះដែរ អាចនឹងចាប់ផ្តើមធ្វើឡើង នៅអំឡុងពេលទីផ្សារដោះដូរកីឡាករខែមករានេះ ដោយប្រធានក្លិប លោក Daniel Levy គឺមានឆន្ទៈក្នុងការគាំទ្រចំពោះការសម្រេចចិត្តរបស់លោក Conte រួមទាំងនៅទីផ្សាររដូវក្តៅខាងមុផងដែរ ៕
ប្រភព: Metro