បន្ទាប់ពីជួយក្រុមជម្រើសជាតិថៃ លើកពានប្រចាំតំបន់អាស៊ាន Suzuki Cup 2020 ទីបំផុត ខ្សែបម្រើប្រយុទ្ធ Chanathip Songkrasin ឬជាប់រហស្សនាម “Messi Jay” ក៏ទទួលបានដំណឹងល្អ ជុំវិញការផ្ទេរទៅកាន់ក្លឹបកំពូល ប្រចាំក្របខ័ណ្ឌលំដាប់ទី ១ របស់ជប៉ុន។
អតីតកាលគេឈរជើងឲ្យក្លឹប Hokkaido Sapporo ដែលក្លឹបនេះ លេងនៅលីគកំពូលជប៉ុនដែរ ប៉ុន្តែរាប់បានជាក្លឹបកម្រិតមធ្យមប៉ុណ្ណោះ ជាក់ស្តែងដូចរដូវកាលឆ្នាំ ២០២១ ពួកគេបញ្ចប់រដូវកាលឈរលេខរៀងទី ១០ ឯណោះ។ យ៉ាងណានៅថ្ងៃទី ១១ មករា ខាងក្លឹប Hokkaido ក៏បានប្រកាសពីដំណឹងផ្លូវការ ជុំវិញការផ្ទេរចេញ Chanathip ទៅកាន់ក្លឹបថ្មី គឺ Kawasaki Frontale តែពុំបានលម្អិតនៅតម្លៃផ្ទេរច្បាស់ការនោះទេ។
Kawasaki Frontale គឺជាក្លឹបយក្សនៅលីគកំពូលជប៉ុន ដែលធំជាង Hokkaido ទៅទៀត។ រដូវកាល ២០២១ ពួកគេគឺជាក្រុមឈ្នះជើងឯក ហើយបើនិយាយពីពានរង្វាន់ J1 League គឺឈ្នះដល់ទៅ ៤ សម័យកាលឯណោះ។
គេគឺជាកីឡាករថៃ និងកីឡាករអាស៊ានដំបូងគេបង្អស់ហើយ ដែលផ្ទេរទៅក្លឹបមួយនោះ ដូច្នេះបើនៅបន្តបង្ហាញទម្រង់លេងយ៉ាងល្អ បន្តទៅទៀត ជឿថា ទៅថ្ងៃមុខ កីឡាករកម្ពស់ទាបរូបនេះ ប្រាកដជានឹងទទួលបានឱកាសទៅចូលរួមនៅក្លឹបក្នុងតំបន់អឺរ៉ុបណាមួយជាក់ជាមិនខាន៕
ប្រភព៖ TransferMarkt
អានអត្ថបទបន្ទាប់៖ ទោះ PSG ហ៊ានផ្តល់ជូនសំណើទឹកប្រាក់ដ៏ច្រើន តែ Rudiger ហាក់ចង់ដើរចូលក្លិបធំមួយនេះជាង
អនាគតរបស់ខ្សែការពារ Antonio Rudiger ជាមួយក្លិបតោខៀវ Chelsea ហាក់នៅតែមិនទាន់រកផ្លូវដោះស្រាយចេញនៅឡើយនោះទេ ខណ:មានពាក្យចចាមអារ៉ាមជាច្រើន កំពុងបង្ហាញថា កីឡាករសញ្ជាតិអាល្លឺម៉ង់រូបនេះ អាចនឹងផ្ទេរទៅកាន់ក្លិបផ្សេងទៀត ។
ជាក់ស្តែង Rudiger បានឈានចូលដល់រយៈពេលប្រាំមួយខែចុងក្រោយ នៃកិច្ចសន្យាបច្ចុប្បន្នរបស់គេ នៅទឹកដី Stamford Bridge ដូច្នេះវាមានន័យថាកីឡាកររូបនេះ អាចមានសេរីភាព ក្នុងការចរចាជាមួយក្លិបបរទេសផ្សេងទៀតនៅទីផ្សារខែមករានេះ មុនពេលធ្វើការផ្ទេរដោយគ្មានតម្លៃខ្លួន ក្រោយបញ្ចប់រដូវកាលនេះ ។
ហើយយ៉ាងណា ទាំង Real Madrid និង PSG ត្រូវបានគេជឿថាជាក្លឹបធំៗពីរក្នុងចំណោមក្លឹបចំនួនបួន ដែលបានបង្ហាញការចាប់អារម្មណ៍ខ្លាំង លើ Rudiger ខណៈ Bayern Munich និង Juventus ក៏មានពាក្យចចាមអារ៉ាមថាកំពុងទាក់ទងទៅកាន់រូបគេផងដែរ ។
ប៉ុន្តែនៅក្នុងពេលថ្មីៗនេះ ក្លិប PSG ត្រូវបានគេរាយការណ៍ថាបានដាក់សំណើរដ៏ធំមួយ ដើម្បីចុះហត្ថលេខាលើអតីតតារាឆ្នើមរបស់ក្រុមRoma ប៉ុន្តែយ៉ាងណាក៏ដោយ របាយការណ៍ពី Foot Mercato បានរាយការណ៍ថា Rudiger ចង់ផ្ទេរទៅ Real Madrid ជាង ។
មមិនតែប៉ុណ្ណោះ ប្រភពដដែលបានបន្ថែមទៀតថា PSG បានផ្តល់ជូនសំណើប្រាក់ឈ្នួលប្រមាណ ៧ លានអឺរ៉ូ (៥,៩ លានផោន) ក្នុងមួយឆ្នាំ សម្រាប់ Rudiger នៅឯទឹកដី Parc des Princes ប៉ុន្តែផ្ទុយទៅវិញ កីឡាករវ័យ ២៨ ឆ្នាំ បានត្រៀមខ្លួនរួចហើយ ដើម្បីទទួលប្រាក់ឈ្នួលតិចជាងនេះ ក្នុងការផ្ទេរទៅចូលរួមជាមួយ Real Madrid ជំនួសវិញ៕
ប្រភព: Sportsmole