ខ្សែប្រយុទ្ធ Jesus Corona បានប្រែពីកីឡាករម្នាក់ដែលសំខាន់បំផុតក្នុងក្រុម Porto ទៅជាកីឡាករដែលភាគច្រើនអង្គុយកៅអីបម្រុងក្នុងរដូវកាលនេះ។ កីឡាករម៉ិកស៊ីកូរូបនេះ មានឱកាសបង្ហាញខ្លួនលើទីលានបាន១៧ប្រកួតគ្រប់ពានរង្វាន់ក្នុងរដូវកាលនេះ តែគេជួយក្រុមដោយ assist តែមួយគ្រាប់ប៉ុណ្ណោះ។
ក្នុងចំណោម១៧ប្រកួតសម្រាប់ Porto ខ្សែប្រយុទ្ធស្លាបរូបនេះ លេងក្នុងជម្រើស១១នាក់ដំបូង៧លើក និង១០ប្រកួតផ្សេងទៀតគឺប្ដូរចូលពីកៅអីបម្រុង។
សរុបមកក្នុងរដូវកាលនេះ Corona លេងបាន៦៩៥នាទី ហើយគេអាចនឹងចែកផ្លូវគ្នាពីក្លិបព័រទុយហ្កាល់ ក្រោយរួមរស់ជាមួយគ្នាអស់ពេល៧ឆ្នាំ។
ជាមួយនឹងទីផ្សារដោះដូររដូវរងារបានមកដល់ គេមានការផ្សារភ្ជាប់ជាមួយក្លិបដូចជា Arsenal និង Sevilla ជាដើម ប៉ុន្ដែក្លិបបារាំង Olympique Marseille ទំនងជាមានសង្ឃឹមខ្ពស់ក្នុងការស៊ីញ៉េចុះហត្ថលេខាជាមួយគេ។
ប៉ុន្ដែគួរឱ្យស្ដាយការចរចាហាក់មិនអាចរំកិលទៅមុខបានរវាងក្លិបនៅ Ligue 1 និង Porto ដោយសារមានការទាមទារខ្ពស់ពី Corona។ កីឡាករម៉ិកស៊ីកូរូបនេះ ចង់បានថ្លៃឈ្នួលខ្ពស់ ហើយថ្នាក់ដឹកនាំរបស់ក្លិប Marseille មិនយល់ស្របតាមការទាមទាទេ នេះបើយោងតាមការប្រភពពីសារព័ត៌មាន L’Equipe។
កីឡាករវ័យ២៩ឆ្នាំរូបនេះ នឹងផុតកិច្ចសន្យារបស់ខ្លួននៅ Porto នៅរដូវក្ដៅខាងមុខនេះ ហើយគេនឹងមិនបន្ដកិច្ចសន្យាថ្មីឡើយ៕
ប្រភព៖ AS
អានអត្ថបទបន្ទាប់៖ ខ្សែការពារ Pique ចេញសារព្រមា.នដាក់ R.Madrid បែបនេះ មុនជួបគ្នានៅ El Clasico
នៅវេលាម៉ោង ០២:០០ នាទីទាបភ្លឺ ឈានចូលព្រឹកថ្ងៃទី ១៣ មករា ឆ្នាំ ២០២២ ក្លឹប Barcelona នឹងត្រូវបើកការប្រកួតស្វាគមន៍ក្លឹប Real Madrid សម្រាប់ជំនួបវគ្គ ៤ ក្រុមចុងក្រោយ ពានរង្វាន់ Supercopa de Espana ដែលការប្រកួតនេះ ធ្វើឡើងតែមួយជើងប៉ុណ្ណោះ សម្រេចយកក្រុមឡើងទៅវគ្គផ្តាច់ព្រ័ត្រ។
បើទោះបីយើងមើលតាមស្ថានភាពជាក់ស្តែងឃើញថា ក្លឹប Real Madrid កំពុងមានប្រៀបជាង តែមកមើលពាក្យសម្តីរបស់ខ្សែការពារ Gerard Pique ឯណេះ នៅតែមានជំនឿទុកចិត្ត ថាអ្នកមានបុណ្យពិតណាស់ នឹងអាចធ្វើឲ្យអធិរាជស ទទួលរងការឈឺចាប់បាននៅប្រកួតសារនេះ។
ខ្សែការពារកណ្តាលខាងលើនិយាយ៖ “វាជាពានរង្វាន់មួយ ដែលយើងចង់ប្រជែងយក ហើយយើងក៏បានបង្ហាញជារឿយៗហើយដែរកាលពីអតីតកាល យើងមានការជំរុញទឹកចិត្តខ្ពស់ណាស់ក្នុងការលើកពានរង្វាន់សារនេះ ដោយនេះស្ថិតនៅវគ្គពាក់កណ្តាលផ្តាច់ព្រ័ត្រ ជាប្រកួត El Clasico ថែមទៀត ដូច្នេះវានឹងពិបាកហើយ”។
លោកបន្ត៖ “យ៉ាងណាក្រុមរបស់យើងក៏កំពុងតែត្រូវបានពង្រឹងផងដែរ យើងជឿថាក្រុមអាចឆ្លងទៅវគ្គផ្តាច់ព្រ័ត្របាន ហើយបើទោះបីជា Real Madrid កំពុងបន្តភាពជោគជ័យរបស់ពួកគេក៏ដោយ យើងជឿថា យើងនឹងអាចធ្វើឲ្យពួកគេឈឺចាប់បាន”៕
ប្រភព៖ Sportskeeda