ខ្សែបម្រើ Philippe Coutinho បានបង្ហើបឲ្យដឹងថា រូបគេគឺមិនអ្វីត្រូវស្ទាក់ស្ទើនោះឡើយ ដើម្បីផ្ទេរមកចូលរួមជាមួយក្រុម Aston Villa ក្នុងលក្ខខណ្ឌខ្ចីជើង បន្ទាប់ពីបាននិយាយគ្នាជាមួយគ្រូបង្វឹក លោក Steven Gerrard អំពីមហិច្ឆតារបស់ក្លឹប ។
ជាក់ស្តែង ក្រុម Villa បានបញ្ជាក់ថាពួកគេបានឈានដល់កិច្ចព្រមព្រៀង ជាមួយ Barcelona ដើម្បីចុះហត្ថលេខាលើ Coutinho ជាបណ្តោះអាសន្ន កាលពីថ្ងៃសុក្រសប្តាហ៍មុន ហើយទើបតែល្ងាចម្សិលមិញទេ ដែលកីឡាករវ័យ ២៩ ឆ្នាំ បានបង្ហាញខ្លួនជាផ្លូវការសម្រាប់ក្លិប ។
យ៉ាងណា ចំពោះការផ្ទេរនេះដែរ Coutinho នឹងត្រូវជួបជុំគ្នាវិញ ជាមួយអតីតប្រធានក្រុម Liverpool និងជាមិត្តរួមក្រុមរបស់ខ្លួន លោក Gerrard នៅឯទឹកដី Villa Park ខណ:ក្លិបនៅក្របខ័ណ្ឌ Premier League មានជម្រើសក្នុងការទិញផងដែរ នៅក្នុងតម្លៃខ្លួនប្រមាណ ៣៣ លានផោន នៅរដូវក្តៅខាងមុខ ។
បន្ថែមពីនោះ Coutinho នឹងត្រូវពាក់អាវលេខ ២៣ ដែលកំពុងទំនេរនៅក្នុងក្រុម Villa ខណ:លេខអាវនេះផងដែរ គឺធ្លាប់ពាក់ដោយតារាឆ្នើមរបស់ក្លិបមួយចំនួន ដូចជា Jota Peleteiro, Jordan Amavi និង Aly Cissokho ផងដែរ ៕
ប្រភព: Metro
អានអត្ថបទបន្ទាប់៖ ខ្សែការពារ Pique ចេញសារព្រមា.នដាក់ R.Madrid បែបនេះ មុនជួបគ្នានៅ El Clasico
នៅវេលាម៉ោង ០២:០០ នាទីទាបភ្លឺ ឈានចូលព្រឹកថ្ងៃទី ១៣ មករា ឆ្នាំ ២០២២ ក្លឹប Barcelona នឹងត្រូវបើកការប្រកួតស្វាគមន៍ក្លឹប Real Madrid សម្រាប់ជំនួបវគ្គ ៤ ក្រុមចុងក្រោយ ពានរង្វាន់ Supercopa de Espana ដែលការប្រកួតនេះ ធ្វើឡើងតែមួយជើងប៉ុណ្ណោះ សម្រេចយកក្រុមឡើងទៅវគ្គផ្តាច់ព្រ័ត្រ។
បើទោះបីយើងមើលតាមស្ថានភាពជាក់ស្តែងឃើញថា ក្លឹប Real Madrid កំពុងមានប្រៀបជាង តែមកមើលពាក្យសម្តីរបស់ខ្សែការពារ Gerard Pique ឯណេះ នៅតែមានជំនឿទុកចិត្ត ថាអ្នកមានបុណ្យពិតណាស់ នឹងអាចធ្វើឲ្យអធិរាជស ទទួលរងការឈឺចាប់បាននៅប្រកួតសារនេះ។
ខ្សែការពារកណ្តាលខាងលើនិយាយ៖ “វាជាពានរង្វាន់មួយ ដែលយើងចង់ប្រជែងយក ហើយយើងក៏បានបង្ហាញជារឿយៗហើយដែរកាលពីអតីតកាល យើងមានការជំរុញទឹកចិត្តខ្ពស់ណាស់ក្នុងការលើកពានរង្វាន់សារនេះ ដោយនេះស្ថិតនៅវគ្គពាក់កណ្តាលផ្តាច់ព្រ័ត្រ ជាប្រកួត El Clasico ថែមទៀត ដូច្នេះវានឹងពិបាកហើយ”។
លោកបន្ត៖ “យ៉ាងណាក្រុមរបស់យើងក៏កំពុងតែត្រូវបានពង្រឹងផងដែរ យើងជឿថាក្រុមអាចឆ្លងទៅវគ្គផ្តាច់ព្រ័ត្របាន ហើយបើទោះបីជា Real Madrid កំពុងបន្តភាពជោគជ័យរបស់ពួកគេក៏ដោយ យើងជឿថា យើងនឹងអាចធ្វើឲ្យពួកគេឈឺចាប់បាន”៕
ប្រភព៖ Sportskeeda