ក្រុមអ្នកមានបុណ្យ Barcelona កំពុងសម្លឹងមើលលទ្ធភាពក្នុងការចុះហត្ថលេខាលើតារាឆ្នើមរបស់ក្រម Paris Saint-Germain ក្នុងកិច្ចព្រមព្រៀងដោះដូរជាមួយកីឡាករ Marc-Andre ter Stegen ។ យ៉ាងណានេះបើតាមរបាយការណ៍របស់អេស្ប៉ាញមួយ បានចុះផ្សាយក្នុងពេលថ្មីៗកន្លងទៅ ។
ជាក់ស្តែង Ter Stegen គឺជាកីឡាករសំខាន់សម្រាប់ក្រុម Barca ចាប់តាំងពីរូបគេបានចូលរួម ពីក្លិប Borussia Monchengladbach នៅក្របខ័ណ្ឌ Bundesliga ក្នុងឆ្នាំ ២០១៤ មក។
តែទោះជាយ៉ាងណាក៏ដោយ តំណែងរបស់កីឡាករអាល្លឺម៉ង់ សម្រាប់ជម្រើសទី ១ របស់ក្លិប បច្ចុប្បន្នហាក់ស្ថិតនៅក្នុងភាពសង្ស័យខ្លាំង ចំពេលមានការព្រួយបារម្ភកាន់តែខ្លាំងឡើង ចំពោះទម្រង់លេងរបស់គេ ដែលបណ្តោយឲ្យមានការរបូតគ្រាប់បាល់ជាច្រើន ។
មិនតែប៉ុណ្ណោះ ក្លិប Barcelona ត្រូវបានគេរាយការណ៍ថាកំពុងព្យាយាមស្វែងរកជម្រើសថ្មីម្នាក់ទៀត ដើម្បីមកជំនួសតំណែងរបស់កីឡាករវ័យ ២៩ ឆ្នាំ ខណ:របាយការណ៍ពី Fichajes បានបង្ហាញថាអ្នកចាំទី Donnarumma របស់ក្លិប PSG បានក្លាយជាគោលដៅចម្បងសម្រាប់ក្រុមនៅ La Liga មួយនេះ ។
មិនតែប៉ុណ្ណោះ ប្រភពដដែល បានរាយការណ៍ទៀតថា ប្រធានក្លិប លោក Joan Laporta គ្រោងនឹងផ្តល់ជូនក្លិព PSG ជាមួយនឹងកីឡាករ Ter Stegen ដើម្បីធ្វើជាថ្នូរ សម្រាប់នាំចូល Donnarumma មកកាន់ទឹកដី Camp Nou វិញ ៕
ប្រភព: Sportkeeda
អានអត្ថបទបន្ទាប់៖ Atletico Madrid សម្លឹងឃើញកីឡាកររួមលីគអេស្ប៉ាញម្នាក់ មកជំនួស Luis Suarez
ក្លិប Atletico Madrid ចង់ចុះហត្ថលេខាផ្ទេរខ្សែប្រយុទ្ធ Lucas Boye ពីក្លិប Elche មកជំនួសខ្សែប្រយុទ្ធចាស់វស្សា Luis Suarez នេះបើយោងតាមការចុះផ្សាយរបស់សារព័ត៌មានអេស្ប៉ាញ AS។
គម្រោងនៃការផ្ទេរត្រូវបានគ្រោងឡើងនៅរដូវក្ដៅខាងមុខ ប៉ុន្ដែដោយសារកម្រិតសមត្ថភាពរបស់ Boye មានការកើនឡើងក្នុងរយៈពេលថ្មីៗនេះ ក៏បានទាក់ចិត្តក្លិប Barcelona ឱ្យចង់បានគេផងដែរ។
តម្លៃផ្ដាច់កុងត្រារបស់ ខ្សែប្រយុទ្ធវ័យក្មេងរូបនេះនៅ Elche ថ្លៃ២៥លានអឺរ៉ូប៉ុន្ដែក្លិបរបស់គេមិនចង់បាត់បង់ខ្សែប្រយុទ្ធអាហ្សង់ទីនរូបនេះឡើយ។ ខ្សែប្រយុទ្ធ Dario Benedetto បានចាកចេញពីក្លិបទៅចូលរួម Boca Juniors កាលពីសប្ដាហ៍មុន ដែលធ្វើឱ្យ Elche នៅសល់ជម្រើសខ្សែប្រយុទ្ធកីឡាករ Lucas Perez, Guido Carrillo និង Pere Milla ប៉ុណ្ណោះនៅក្នុងក្រុមធំ។
មធ្យោបាយតែមួយដែលអាចឱ្យ Boye ចាកចេញបានលុះត្រាតែមានក្លិបហ៊ានចំណាយផ្ដាច់កុងត្រាកីឡាកររូបនេះ។ តម្លៃផ្ទេររបស់គេអាចធ្លាក់ត្រឹម១០លានអឺរ៉ូនៅរដូវក្ដៅខាងមុខ ប្រសិនបើ Elche ធ្លាក់ចេញពីលីគកំពូលអេស្ប៉ាញ។
Boye វ័យ២៥ឆ្នាំ រកគ្រាប់បាល់បាន៧គ្រាប់ពីការលេង១៧ប្រកួតក្នុងរដូវកាលនេះ។ គេបានខកខានចូលរួម៥ប្រកួតដោយសារបញ្ហារបួសកជើង និងកូវីដ១៩៕
ប្រភព៖ Football Espana