បើនិយាយពីគ្រូជោគជ័យនៅ Premier League អ្នកប្រហែលជានឹកដល់ឈ្មោះ គ្រូតាលោក Sir Alex Ferguson មុនគេ តែយ៉ាងណាការពិតទៅ មិនសុទ្ធតែគ្រប់ស្ថិតិ គ្រប់កំណត់ត្រា វីរបុរសសញ្ជាតិស្កុតឡែនជាអ្នកនាំមុខទាំងអស់នោះទេ។
ជាក់ស្តែងដូចកំណត់ត្រាអ្នកចាត់ការរកបាន ៥០០ ពិន្ទុនៅ Premier League ចាយពេលប្រកួតតិចបំផុត គឺលោក Sir Alex Ferguson បានត្រឹមឈរលេខរៀងទី ៤ ហើយឥឡូវ លោក Pep Guardiola អ្នកចាត់ការនៃក្លឹប Man City បានហក់មកឈរលេខ ១ ហើយ។
បន្ទាប់ពីលទ្ធផលស្មើទល់ Southampton កាលពីថ្ងៃមុន វាបាននាំឲ្យ Guardiola ដឹកនាំក្រុមទទួលបាន ៥០០ ពិន្ទុ ត្រឹមប្រកួតទី ២១៣ ដែលនេះ នាំមុខកំណត់ត្រាលោក Jose Mourinho ចាយពេល ២៣១ ប្រកួត Jurgen Klopp ចាយពេល ២៣៦ ប្រកួត Sir Alex ចាយពេល ២៤២ ប្រកួត និង Arsene Wenger ចាយពេល ២៤៨ ប្រកួតជាដើម។
ជុំវិញកំណត់ត្រាខាងលើ គ្រូសញ្ជាតិអេស្ប៉ាញ ចាយពេលតែជាមួយក្លឹបមេឃខៀវ Manchester City មួយប៉ុណ្ណោះ ដោយឈរជើងកាលពីរដូវក្តៅ ឆ្នាំ ២០១៦ មកទល់ពេលនេះ រយៈពេលជាង ៥ ឆ្នាំកន្លះ។ និយាយពីជោគជ័យលើកពានលីគកំពូលអង់គ្លេស បុរសវ័យ ៥១ ឆ្នាំ ឈ្នះបានដល់ទៅ ៣ លើកហើយ៕
ប្រភព៖ AF
អានអត្ថបទបន្ទាប់៖ Joe Cole ថាកីឡាករសម័យថ្មីរូបនេះ នឹងធ្វើបានល្អជាង Frank Lampard ទៀតឲ្យ Chelsea
អតីតខ្សែការពារ Joe Cole បានជឿជាក់ថា តារាឆ្នើមលេងតំណែងបម្រើនៅពេលបច្ចុប្បន្នឲ្យក្លឹបតោខៀវ Chelsea ពិតណាស់ នឹងធ្វើបានល្អជាងជំនាន់ជើងចាស់លោក Frank Lamaprd ថែមទៀត។ ជាការពិតយើងរំឭកទៅជំនាន់ Lampard បន្តិច កាលនៅឈរជើង ៦៤៨ ប្រកួត គេរកបានដល់ ២១១ គ្រាប់និង Assist ១៥០ លើកឯណោះ។
តែយ៉ាងណា លោក Cole ជឿជាក់ថា កីឡាករសម័យថ្មី N’Golo Kante នឹងអាចធ្វើបានល្អជាងហ្នឹងបន្ថែមទៀត ប្រសិនបន្តឈរជើងច្រើនឆ្នាំទៅមុខ ហើយរក្សាទម្រង់លេងដ៏ល្អ ដូចបច្ចុប្បន្នដែលកំពុងបង្ហាញចេញមក។
“ខ្ញុំជឿបែបហ្នឹង ជឿថា N’Golo Kante នឹងអាចដាក់ឈ្មោះលើ Frank Lampard លើ Claude Makelele បានថែមទៀត ជារួមប្រសិនគេបន្តឈរជើងច្រើនឆ្នាំទៅមុខ ហើយសម្រេចជោគជ័យថែមទៀត អ៊ីចឹងគឺ Kante អាចនាំមុខជើងចាស់ទាំងពីរបានហើយ”។
“បើនិយាយពីឥទ្ធិពលលើទីលានប្រកួត ខ្ញុំជឿថា អត់មាននរណាមានលើសពី Kante ទេ ប្រសិនលើកឡើងតែតំណែងបម្រើ យើងមើលទៅពេលគេអត់លេង គឺរមែងទទួលរងការឈឺ.ចាប់ ជារួមគេជាកីឡាករក្នុងក្រុម ដែលពិបាករកអ្នកជំនួស”។
បញ្ជាក់ថា កីឡាករលេងតំណែងបម្រើការពារ កម្ពស់ទាបត្រឹម ១,៦៨ ម៉ែត្រខាងលើ គេបានមកចូលរួមជាមួយ Chelsea នៅរដូវក្តៅ ឆ្នាំ ២០១៦។ សរុបស្ថិតិ ២៣៩ ប្រកួត Kante រកបាន ១៣ គ្រាប់និង Assist ១២ លើក តែជាចំណែកសំខាន់ ជួយក្រុមលើកពានធំៗដូចជា Premier League និង Champions League ជាដើម៕
ប្រភព៖ AF