ថ្មីៗនេះ Carlos Tevez បានធ្វើការបង្ហាញពីទស្សន:របស់ខ្លួន ជុំវិញកីឡាករកំពូលទាំង ២ គឺ Cristiano Ronaldo និង Lionel Messi នៅពេលត្រូវបានគេស្នើសុំឲ្យជ្រើសរើសយកម្នាក់ ក្នុងចំណោមពួកគេទាំង ២ ។
ជាក់ស្តែង Tevez បានលេងជាមួយ Ronaldo អំឡុងពេលប្រកបអាជីពជាមួយគ្នា នៅក្រុម Manchester United ចន្លោះឆ្នាំ ២០០៧ និង ២០០៩ ហើយនិងបានលេងជាមួយ Messi សម្រាប់ក្រុមជម្រើសជាតិអាហ្សង់ទីន ក្នុងរយៈពេល ១០ ឆ្នាំឯណោះ នៅចន្លោះឆ្នាំ ២០០៥ ដល់ ២០១៥ ។
យ៉ាងណាង Tevez បានប្រាប់ ESPN ពេលសួរនាំអំពីខ្សែប្រយុទ្ធទាំង ២ រូបនេះថា ៖ ” ពួកគេគឺជាកីឡាករដ៏អស្ចារ្យពីររូប។ ខ្ញុំមានអារម្មណ៍ស្រួលណាស់ ក្នុងការលេងជាមួយពួកគេទាំងពីរ។ ខ្ញុំរីករាយជាមួយពួកគេ ហើយបានរៀនជាច្រើនពីពួកគេ ហើយខ្ញុំមិនអាចបែងចែកដាច់រវាងពួកគេទាំង ២ បានឡើយ ” ។
លោកបន្ត “ជាមួយ Cristiano ខ្ញុំបានចាយពេលច្រើនជាមួយគាត់ ហើយជាមួយ Leo គឺនៅអំឡុងលេងឲ្យក្រុមជម្រើសជាតិ។ ពួកគេជាកីឡាករដែលមកពីភពផ្សេង។ ពួកគេនៅតែជាផ្នែកមួយ នៃក្រុមបាត់ទាត់កម្រិតខ្ពស់ ហើយវាពិតជាពិបាកណាស់ ក្នុងការធ្វើដូចពួកគេទាំង ២ ។ វាជាអ្វីដែលគួរកោតសរសើរ។ អ្នកត្រូវតែគោរពចំពោះកីឡាករប្រភេទនេះ ” ។
គួរឲ្យដឹងផងដែរថា Ronaldo និង Messi បានគ្រប់គ្រងពិភពបាល់ទាត់ ចាប់តាំងពីចុងទសវត្សរ៍ឆ្នាំ ២០០០ ដោយបានឈ្នះពាន Ballons d’Or រួមគ្នា ចំនួន ១២ លើក ក្នុងចំណោម ១៣ លើកចុងក្រោយ ៕
ប្រភព: 90min
អានអត្ថបទបន្ទាប់៖ ទិសដៅតែមួយនេះប៉ុណ្ណោះ ដែល Dembele នឹងផ្ទេរទៅចូលរួម ប្រសិនបើត្រូវដើរចេញពីក្លិប Barcelona
វាត្រូវបានគេដឹងថា ខ្សែប្រយុទ្ធ Ousmane Dembele ទំនងជានឹងចូលរួមជាមួយក្លឹបនៅកន្លែងមួយនេះប៉ុណ្ណោះ ប្រសិនបើរូបគេ ត្រូវចាកចេញពី Barcelona មុនថ្ងៃបិទបញ្ចប់ទីផ្សារដោះដូរ ខែមករានេះ ។
ជាក់ស្តែង អ្នកតំណាងរបស់របស់ខ្សែប្រយុទ្ធសញ្ជាតិបារាំង គឺលោក Moussa Sissoko និង Marco Lichtsteiner កំពុងតែព្យាយាមយ៉ាងខ្លាំង ដើម្បីស្វែងរកដំណោះស្រាយសម្រាប់ Dembele នៅពេលដែលកិច្ចសន្យារបស់គេ ជាមួយក្លិប Barcelona នឹងផុតកំណត់ នៅចុងបញ្ចប់រដូវកាលនេះ។
ហើយយ៉ាងណា Dembele បានបញ្ជាក់យ៉ាងច្បាស់ថា ខ្លួនចង់បន្តស្នាក់នៅ ជាមួយកិច្ចសន្យាបច្ចុប្បន្នរបស់គេ ប៉ុន្តែយ៉ាងណាក្លិប Barcelona បានបញ្ជាក់យ៉ាងច្បាស់ថាពួកគេចង់លក់រូបគេចេញ នៅខែនេះ ដើម្បីទទួលបានកម្រៃខ្លះ ។
មិនតែប៉ុណ្ណោះ យោងតាមរបាយការណ៍ពី SkySports បានអះអាងថា ប្រសិនបើការផ្ទេរនឹងត្រូវតែកើតឡើងនៅខែនេះមែន នោះមានតែក្របខ័ណ្ឌ Premier League ប៉ុណ្ណោះ ដែល Dembele ចង់ផ្ទេរទៅចូលរួម ៕
ប្រភព: SkySports