ខ្សែប្រយុទ្ធ Erling Braut Haaland របស់ក្រុម Borussia Dortmund ត្រូវបានគេចាត់ទុកថាជាកីឡាករ ដែលកំពុងមានភាពលេចធ្លោខ្លាំងបំផុតមួយ នៅក្នុងពិភពបាល់ទាត់នាពេលបច្ចុប្បន្ននេះ ។
ទន្ទឹមនឹងនេះ កីឡាករន័រវេស ត្រូវបានគេរំពឹងយ៉ាងខ្លាំងថា នឹងត្រូរដើរចេញពីទឹកដី Westfalenstadion នៅពេលដែលតម្លៃផ្តាច់កុងត្រារបស់គេ នឹងចាប់ផ្តើមដំណើរការនៅចុងបញ្ចប់រដូវកាលនេះ ។
ហើយជាមួយគ្នានោះ មានក្លិបកំពូលៗជាច្រើន ដូចជា Manchester United, Manchester City, Chelsea, Paris Saint-Germain និង Real Madrid សុទ្ធសឹងតែត្រូវបានគេគិតថា កំពុងរត់ដេញតាម ចុះហត្ថលេខាលើ Haaland បន្ទាប់ពីការទទួលបានការបើកដៃពីសំណាក់ ទីភ្នាក់ងារ Mino Raiola។
តែទោះជាយ៉ាងណា យោងតាមរបាយាការណ៍ចុងក្រោយពី ESPN បានបង្ហាញថា Haaland នឹងទាមទារប្រាក់ឈ្នួលយ៉ាងហោចណាស់ ៥០០ ០០០ ផោន/សប្តាហ៍ ពីសំណាក់ក្លិបថ្មីណា ដែលចង់បានរូបគេទៅលេងឱ្យនោះ ៕
ប្រភព: Sportsmole
អានអត្ថបទបន្ទាប់៖ ក្រោយចាយពេលក្រៅទីលានអស់ ៨ ខែ ទីបំផុត Tevez ជិតរកបានក្លិបថ្មី ដើម្បីលេងឱ្យហើយ
អតីតខ្សែប្រយុទ្ធឆ្នើមរបស់ក្លិប Manchester United, Manchester City និង West Ham កីឡាករ Carlos Tevez ត្រូវបានគេរាយការណ៍ថា កំពុងខិតជិត ក្នុងការផ្ទេរទៅចូលរួមជាមួយក្លិប ដ៏គួរឱ្យភ្ញាក់ផ្អើលមួយនេះ ។
ជាក់ស្តែងកីឡាករវ័យ ៣៨ ឆ្នាំរូបនេះ មិនមានក្លិបលេងឱ្យនោះទេ ចាប់តាំងពីបានដើរចេញពីក្លិប Boca Juniors ប៉ុន្តែយ៉ាងណាគេអាចនឹងវិលត្រលប់មកកាន់ទីលានវិញ ក្នុងពេលដ៏ខ្លីខាងមុខ ។
យ៉ាងណា នេះបើយោងតាមប្រភពជិតស្និទ្ធមួយ បានប្រាប់ទៅកាន់ The Athletic ថាឱកាសរបស់ Tevez ក្នុងការចូលរួមជាមួយក្រុម DC United គឺអាចនឹងកើតឡើង ដោយសារអាស្រ័យតែលើការចរចាចំពោះហិរញ្ញវត្ថុប៉ុណ្ណោះ ។
ហើយប្រសិនបើការផ្លាស់ប្តូរនេះអាចប្រព្រឹត្តទៅបាន នោះ Tevez នឹងក្លាយជាកីឡាករមានបទពិសោធដ៏ធំរបស់អឺរ៉ុបម្នាក់ ដើម្បីចុះហត្ថលេខាទៅលេងឱ្យក្លឹបរបស់ក្របខ័ណ្ឌ MLS មួយនេះ ចាប់តាំងពី Wayne Rooney បានផ្ទេរទៅចូលរួមជាមួយពួកគេ ពីក្រុម Manchester United ក្នុង ២០១៨ ៕
ប្រភព: Daily Mail