មិនមានកីឡាករណាដែល Wayne Rooney ចង់លេងជាមួយជាង ខ្សែប្រយុទ្ធ Carlos Tevez ឡើយ បើទោះបីជាកីឡាករអាហ្សង់ទីនរូបនេះ បានចាកចេញទៅចូលរួមក្រុមគូប្រជែងរបស់បិសាចក្រហមគឺ Manchester City ក៏ដោយ។
ដៃគូប្រយុទ្ធទាំងពីររូបនេះ ស្ថិតនៅក្នុងចំណោមដៃគូប្រយុទ្ធដែលគូប្រកួតបារម្ភបំផុត ខណៈ Cristiano Ronaldo ក៏ស្ថិតនៅក្នុងក្រុមនេះផងដែរ។
ប៉ុន្ដែ Tevez ជាមិត្តរួមក្រុមដែល Rooney ពេញចិត្តបំផុត ហើយអ្នកចាត់ការបច្ចុប្បន្នរបស់ក្លិប Derby County រូបនេះបាននិយាយថា៖ “ខ្ញុំមានការពេញចិត្តចំពោះទំនាក់ទំនងរបស់ពួកយើង។ យើងទាំងពីរឡើងទៅលេងនៅខាងលើ យើងលេងត្រូវគ្នាល្អណាស់”។
“ជាធម្មតា ប្រសិនបើខ្ញុំលេងជាមួយ Louis Saha, Ruud van Nisterlrooy ឬ Robin van Persie ខ្សែប្រយុទ្ធទាំងនេះលេងក្នុងតំណែងលេខ៩ ហើយខ្ញុំអាចលេងតំណែងលេខ១០”។
“ជាមួយ Tevez យើងអាចឆ្លាស់គ្នា ខ្ញុំអាចលេងតំណែងលេខ៩ គាត់អាចលេងតំណែងលេខ៩ ហើយខ្ញុំលេងតំណែងលេខ១០។ នៅពេលដែលយើងបាត់បាល់ យើងដូចជាគោឡើងកពីរក្បាលព្យាយាមយកបាល់ត្រលប់មកវិញ។ ក្នុងនាមជាដៃគូប្រយុទ្ធ គាត់ជាកីឡាករម្នាក់ដែលខ្ញុំរីករាយលេងជាមួយបំផុត”៕
ប្រភព៖ Marca
អានអត្ថបទបន្ទាប់៖ មិនមែន Messi ឬ Mbappe តែ Hakimi ថាកីឡាករមាឌល្អិតរូបនេះ ធ្វើឲ្យខ្លួនភ្ញាក់ផ្អើលបំផុត
ទៅដល់ក្លឹបបារាំង Paris Saint-Germain សម្រាប់ខ្សែការពារម៉ារ៉ុក Achraf Hakimi បានបង្ហើបថា ខ្លួនពុំបានភ្ញាក់ផ្អើលអ្វីនោះទេ នឹងសមត្ថភាពរបស់ Linoel Messi, Kylian Mbappe ឬ Neymar Jr ផ្ទុយទៅវិញ គឺបានចាប់អារម្មណ៍នឹងសមត្ថភាពរបស់ខ្សែបម្រើមាឌល្អិតឯណោះ។
នោះគឺ Marco Verratti ដែលរដូវកាលនេះ បង្ហាញខ្លួន ២០ ប្រកួត រកបាន ២ គ្រាប់និង Assist ១ លើក។ កីឡាករកម្ពស់ ១,៦៥ សញ្ជាតិអ៊ីតាលី ត្រូវបាន Hakimi សរសើរមិនដាច់ពីមាត់ ជាពិសេសនៅភាពអង់.អាចរបស់គេលើទីលានប្រកួត។
Hakimi ប្រាប់សារព័ត៌មាន MARCA ដូច្នោះថា៖ “វាជារឿងធម្មតាទេ ពេលដែលឃើញ Messi, Neymar និង Mbappe នៅពេលហ្វឹកហាត់ តែងាកមក Verratti បើទោះបីខ្ញុំធ្លាប់ស្គាល់គាត់ពីមុនមកហើយ តែគាត់ពិតជាធ្វើឲ្យខ្ញុំមានការភ្ញាក់ផ្អើលខ្លាំង”។
លោកបន្ថែម៖ “Verratti គាត់តែងតែលេងបែបត្រជាក់ជានិច្ច មិនថាស្ថិតក្រោមសម្ពា.ធបែបណាទេ ដោយតែងតែសុំឲ្យយើងបញ្ជូនបាល់ទៅកាន់គាត់ ហើយពេលបាល់ជាប់នឹងជើង នឹងចាំចូលដណ្តើមចុះ គឺពិបា.កណាស់ និយាយទៅពេលឃើញ Verratti លេង គឺមើលទៅពិតជារីករាយខ្លាំង”៕
ប្រភព៖ Marca