Edinson Cavani សេសសល់ពេលវេលាជាមួយក្លឹប Man Utd តែរយៈពេលជាង ៤ ខែទៀតប៉ុណ្ណោះ ហើយជុំវិញការបន្តកុងត្រាថ្មី ទំនងជាមិនកើតឡើងឡើយ ពោលអាចជាចាកចេញ នៅភាគរយដ៏ខ្ពស់។ ដើមឡើយទ្រនំបន្ទាប់ លេចលឺថាអាចជា Barcelona តែក្រោយខក.ខានការផ្ទេរនៅទីផ្សារដោះដូរខែមករា ក៏នាំឲ្យជម្រើសរបស់កីឡាករ បានមានការផ្លាស់ប្តូរ។
បញ្ជាក់បន្តិច កីឡាករអ៊ុយរុយហ្គាយ កាលពីផ្ទេរមក United ដំបូងៗគឺធ្វើបានល្អ ដោយទទួលបានទាំងពេលវេលាជាប់លាប់បង្ហាញខ្លួនលើទីលាន។ ស្ថិតិជាមួយក្លឹបបិសាចក្រហម បង្ហាញខ្លួនសរុប ៥៤ ប្រកួត រកបាន ១៩ គ្រាប់និង Assist ៧ លើក តែក្រោយ Cristiano Ronaldo មកដល់ ឱកាសរបស់គេក៏ត្រូវបានកាត់បន្ថយ។
បើតាមសារព័ត៌មាន Goal ចុះផ្សាយថា Cavani បានទាក់ទងទៅក្លឹបនៅឯប្រទេសប្រេស៊ីល គឺ Botafogo រួចជាស្រេចហើយ ពោលមិនចង់បន្តលេងឲ្យក្លឹបនៅអឺរ៉ុបណាមួយឡើយ។ រីឯក្លឹបនៅប៉ែកអាមេរិកឡាទីន ក៏ចង់បានកីឡាករវ័យ ៣៥ ឆ្នាំផងដែរ ដើម្បីត្រៀមស្វាគមន៍យុទ្ធនាការ នៃការវិលទៅកាន់លីគកំពូលសារជាថ្មី។
នេះរាប់ជាបទពិសោធន៍ថ្មីសន្លាងសម្រាប់ Cavani ដោយតាំងពីបើកក្បាលអាជីព គេមិនធ្លាប់លេងឲ្យក្លឹបនៅឯប្រទេសប្រេស៊ីលនោះឡើយ។ កន្លងមកធ្លាប់តែលេងឲ្យក្លឹបនៅប្រទេសកំណើត នៅអ៊ីតាលី បារាំង និងអង់គ្លេស។ ស្ថិតិជារួមក្នុងអាជីព ៦១០ ប្រកួត រកបាន ៣៦០ គ្រាប់និង Assist ៧២ លើក។
គ្នាយើងខ្លះ ប្រហែលជាធ្លាប់បានដឹងហើយ សម្រាប់ក្លឹបប្រេស៊ីល Botafogo ក៏ធ្លាប់ជាទីជ្រកកោនរយៈពេលជិត ១ ឆ្នាំរបស់លោក Keisuke Honda នាមជាកីឡាករនៅទីនោះផងដែរ។ កាលពីចន្លោះដើមឆ្នាំ ២០២០ ដល់ ២០២១ អ្នកចាត់ការក្រុមជម្រើសជាតិកម្ពុជា បង្ហាញខ្លួន ២៧ ប្រកួត រកបាន ៣ គ្រាប់៕
ប្រភព៖ Goal
អានអត្ថបទបន្ទាប់៖ នេះមកដឹងកីឡាករ ដែលត្រូវអវត្តមាន និងអាចជាប់ជម្រើស ១១ នាក់ នៃជំនួប At Madrid-Man Utd
នៅវេលាម៉ោង ០៣:០០ នាទីទាបភ្លឺ ឈានចូលថ្ងៃព្រហស្បតិ៍ទី ២៤ កុម្ភៈ ក្លឹបក្រហមស Atletico Madrid នឹងត្រូវបើកកីឡដ្ឋានស្វាគមន៍ក្លឹប Man Utd ជាជំនួបជើងទី ១ វគ្គ ១៦ ក្រុមចុងក្រោយ UCL មានផ្សាយផ្ទាល់លើទំព័រ CTS Sports។ មុនឈានដល់ការប្រកួត ជឿថា គ្រប់គ្នាក៏ចង់ដឹងផងដែរ អំពីសមាសភាពកីឡាករដែលអាចចូលលេង និងអវត្តមាន។
បើតាមការចុះផ្សាយរបស់ Sportsmole យើងបង្ហាញនូវព័ត៌មានលម្អិត និងការព្យាករណ៍ដូចខាងក្រោម៖
ក្លឹប Atletico Madrid
កីឡាករអវត្តមាន: Yannick Carrasco (ជាប់ពិ.ន័យ), Daniel Wass (បញ្ហាជង្គង់), Matheus Cunha (បញ្ហាជង្គង់), Felipe (ជាប់ពិន័.យ)
កីឡាករមិនប្រាកដប្រជា: Thomas Lemar និង Koke
ការព្យាករណ៍ឈុត ១១ នាក់ដំបូង: Oblak; Vrsaljko, Gimenez, Savic, Reinildo; Llorente, Koke, Kondogbia, Correa; Felix, Suarez
ក្លឹប Manchester United
កីឡាករអវត្តមាន: Mason Greenwood (ក្លឹបព្យួរឈ្មោះ), Edinson Cavani (បញ្ហាក្រលៀន)
កីឡាករមិនប្រាកដប្រជា: Tom Heaton និង Eric Bailly
ការព្យាករណ៍ឈុត ១១ នាក់ដំបូង:De Gea; Dalot, Varane, Maguire, Shaw; McTominay, Pogba; Elanga, Fernandes, Sancho; Ronaldo