កាលនៅឈរជើងជាកីឡាករ ឲ្យក្លឹប Manchester United ជំនាន់នោះ ខ្សែប្រយុទ្ធ Wayne Rooney ក៏រាប់បានជាកីឡាកររកបានចំណូលក្រាស់ក្រែលបំផុតមួយផងដែរក្នុងវិស័យបាល់ទាត់។ គ្រាឈរជើងឲ្យក្លឹបម្ចាស់ដី Old Trafford សម្រាប់ជើងចាស់ខាងលើ ក៏បានធ្វើរឿងគួរឲ្យគោរព ដល់មិត្តចាស់លេងតំណែងប្រយុទ្ធរួមគ្នា។
តាមការទម្លាយឲ្យដឹងពី Carlo Tevez មានពេលមួយនោះ Rooney បានប្រគល់រថយន្តទំនើប Lamborghini មួយគ្រឿងភ្លាមៗ ឲ្យមកខ្លួន ក្រោយពេលមើលឃើញថា កីឡាករអាហ្សង់ទីនមានប្រើប្រាស់រថយន្តស៊េរីទាប Audi។ បញ្ជាក់ថា Tevez បានរួមជើងជំនាន់ Ronaldo/Rooney ហើយបង្ហាញខ្លួន ៩៩ ប្រកួត រកបាន ៣៤ គ្រាប់ផងដែរ។
អតីតខ្សែប្រយុទ្ធក្លឹប City/United និយាយប្រាប់ ESPN ដូច្នោះថា៖ “នៅទីលានហ្វឹកហាត់ Man Utd ពេលនោះកីឡាករណាក៏ជិះរថយន្ត Ferrari ឬ Lamborghini ដែរ ដោយគ្រប់គ្នានិយាយទៅ បើអ.ន់បំផុត ក៏មាន Ferrari ជិះដែរ”។
លោកបន្ត៖ “តែខ្ញុំមានតែរថយន្ត Audi ជិះ ដោយវាជារថយន្តរបស់ក្លឹបផ្តល់ឲ្យ សារនោះដូចជាម៉ូឌែល Fiat 600 រួចខ្ញុំក៏បាននិយាយជាមួយ Rooney មានពេលមួយ គេហុចសោមកឲ្យខ្ញុំ ឲ្យខ្ញុំយករថយន្ត Lamborghini របស់គេតែម្តង ជាការពិតគឺគេបានឲ្យវាមកខ្ញុំ ដោយមិនចាំបាច់កាត់ឯកសារអ្វីទាំងអស់”៕
ប្រភព៖ ESPN
អានអត្ថបទបន្ទាប់៖ ឥឡូវគិតម៉េច Man Utd? ខាងក្លឹបអាណាព្យាបាលដាក់តម្លៃមកហើយ ៦៧ លានផោន
ក្លឹបបិសាចក្រហម Manchester United នាពេលចុងក្រោយ ត្រូវបានគេដឹងថា បានទាក់ទងទៅកាន់ភាគីកីឡាករអ៊ុយរុយហ្គាយ ដោយចង់នាំយកមកពង្រឹងប្រព័ន្ធប្រយុទ្ធ ហើយឥឡូវត្រូវបានខាងក្លឹបអាណាព្យាបាលឯណោះ ដាក់តម្លៃកំណត់មកហើយ។
នោះគឺកីឡាករវ័យ ២២ ឆ្នាំ Darwin Nunez បម្រើអាជីពឲ្យក្លឹប Benfica នៅឯលីគកំពូលព័រទុយហ្គាល់ ដែលស្ថិតិរដូវកាលនេះ ធ្វើបានល្អខ្លាំង ដោយបង្ហាញខ្លួនសរុប ៣៣ ប្រកួត រកបាន ២៦ គ្រាប់ ហើយពេលនេះគេក៏កំពុងជាប់ឈ្មោះ ជា Top Scorer ប្រចាំលីគ Primeira Liga ទើបនាំឲ្យមានចចាមអារ៉ាមអាចត្រូវបានក្លឹបយក្សអឺរ៉ុបជាច្រើនតាមក្រវែលមើល។
បើតាមសារព័ត៌មាន Record ចុះផ្សាយថា ក្លឹប Benfica សម្រេចកំណត់ដាក់តម្លៃផ្ទេរចេញ Nunez មកហើយ គឺល្បាក់ ៦៧ លានផោនជាកំហិត។ នេះមិនមែនផ្ញើជូនតែក្លឹប Man Utd ប៉ុណ្ណោះទេ ទៀតសោតក៏សម្រាប់ក្លឹបឯទៀត មាន Barcelona, AC Milan, Arsenal និង Newcastle United ដែលលឺថាចាប់ចិត្តមកលើខ្សែប្រយុទ្ធរបស់ខ្លួន។
ជំនួសការនាំចូល Nunez ប្រសិនជាជោគជ័យ នោះខាងក្លឹបដឹកនាំដោយលោក Ralf Rangnick ក៏ទំនងជាមានការផ្ទេរចេញទៅវិញ នូវកីឡាករ Anthony Martial, Cristiano Ronaldo ឬអាចជា Edinson Cavani ដើម្បីសម្រួលបន្ទុកចំណាយមួយផ្នែកផងដែរ៕
ប្រភព៖ Record