បន្ទាប់បរាជ័យ ១-០ ក្រោមថ្វីជើងរបស់ក្លឹបស្ករគ្រាប់ខៀវ Everton ពេលនេះក្លឹបដឹកនាំដោយលោក Ralf Rangnick ហាក់ទទួលបានការរិះ.គន់ជាខ្លាំង។ នេះពួកគេ នៅសល់ក្តីសង្ឃឹមទាបបំផុតក្នុងការប្រជែងយកបានចំណាត់ថ្នាក់ Top 4 ហើយទម្រង់លេងក៏កាន់តែពិ.បាកមើល សូម្បីតែគ្នាឯងខ្លះក៏បន្ទោ.សគ្នាឯងដែរ។
ងាកមកការយល់ឃើញរបស់អតីតជើងចាស់លោក Rio Ferdinand ឯណេះ បានបង្ហាញការមិនយល់អំពីរបៀបដែល Marcus Rashford លេងនៅពេលចុងក្រោយ ហើយពិតជាឆ្ងល់ថា មានរឿងរ៉ាវខុសទំនងអ្វីនៅពីក្រោយនោះ។ កីឡាករសញ្ជាតិអង់គ្លេស បានប្តូរចេញនៅនាទី ៦៤ និងជំនួសចូលដោយយុវជន Anthony Elanga ស្រពេលស្ថិតិគេរដូវកាលនេះ ២៨ ប្រកួត ទើបតែរកបាន ៥ គ្រាប់គត់។
លោក Ferdinand បាននិយាយប្រាប់ BT Sport៖ “Rashford គេកាន់តែធ្វើឲ្យខ្ញុំបា.រម្ភ ហើយខ្ញុំពិតជាឆ្ងល់ថាមានរឿងអ្វីនៅពីក្រោយនេះ គេហាក់គ្មានទំនុកចិត្ត គេកាន់តែមិនប្រាកដប្រជា ដែលនេះជាយុវជនក្នុងស្រុកម្នាក់ កាន់តែឃ្លាតឆ្ងាយពីបាល់ទាត់”។
លោកបន្ត៖ “ភាពមិនប្រាកដប្រជារវាងអ្នកចាត់ការ និងកុងត្រារបស់គេ គេមើលទៅលេងមិនពេញតំណែងរបស់គេ ដោយអាចថាមកពីការរៀបចំរបស់គ្រូ ក៏ប៉ុន្តែពេលខ្លះ ក្នុងនាមជាកីឡាករមានបទពិសោធន៍ម្នាក់ អ្នកគួរណាតែបង្ហាញឲ្យគ្រប់គ្នាមើលមក មានអារម្មណ៍ជឿជាក់លើអ្នកខ្លះដែរ”។ គួររំឭកថា សុពលភាពកុងត្រារបស់កីឡាករវ័យ ២៤ ឆ្នាំ សេសសល់តែ ១៦ ខែទៀតប៉ុណ្ណោះ ហើយនៅទីផ្សារដោះដូរខាងមុខ ក៏លេចលឺថាអាចនឹងចែកផ្លូវផងដែរ៕
ប្រភព៖ Sportskeeda
អានអត្ថបទបន្ទាប់៖ ខានលេងជិត ២ ខែ ចូលទីលានភ្លាម កីឡាករ Real រូបនេះ ត្រូវអ្នកគាំទ្រស្រែកចំ.អកភ្លែត
ក្លឹបអធិរាជស Real Madrid បានយកឈ្នះ ២-០ ទៅលើ Getafe នៅការប្រកួតជុំទី ៣១ ក្របខ័ណ្ឌ La Liga។ នេះ ៣ ពិន្ទុទទួលបាន ក៏រុញឲ្យក្រុមកាន់តែសង្ឃឹមខ្ពស់ ក្នុងការលើកពានរង្វាន់ ខណៈមាន ៧២ ពិន្ទុ នាំមុខទៅលើ Sevilla ដាច់ ១២ ពិន្ទុទៅហើយ។ ពីរគ្រាប់យប់មិញ ធ្វើបានដោយកីឡាករ Casemiro និង Lucas Vazquez។
យ៉ាងណាចូលដល់នាទី ៧៤ បានកើតមានរឿងគួរឲ្យចាប់អារម្មណ៍ ដោយខ្សែប្រយុទ្ធ Karim Benzema ត្រូវបានប្តូរចេញ ហើយជំនួសចូលដោយ Gareth Bale។ យ៉ាងណាមិនទទួលបានការសាទរទេ ដោយការវិលមកទីលាន ក្រោយខកខានជាង ២ ខែសារនេះ កីឡាករសញ្ជាតិវែល បែរជាទទួលសំឡេងស្រែកចំ.អកពីអ្នកគាំទ្រនៃក្លឹបរបស់ខ្លួនទៅវិញ។
Bale ប៉ុន្មានប្រកួតមុនបានត្រឹមបម្រុង និងខ្លះខកខានដោយសារជួបបញ្ហារបួ.ស តែការលេងរបស់គេនៅជម្រើសជាតិវែលថ្ងៃមុនគឺល្អខ្លាំង ដោយរកបាន ២ គ្រាប់មានទាំងគ្រាប់បាល់ Free-Kick ថែមទៀត។ ឥឡូវបានប្តូរមកចូលរួមលើទីលានជាថ្មី ក៏ស្រាប់តែអ្នកគាំទ្រស្រែ.កប.ញ្ឈឺកីឡាករឥតឈប់ ជាពិសេសរាល់ពេលគេប៉ះបាល់ម្តងៗ។
បុរសវ័យ ៣២ ឆ្នាំ កំណត់ត្រូវផុតកុងត្រានៅចុងខែមិថុនា ឆ្នាំ ២០២២ ខាងមុខ ហើយក៏បានប្រកាសរួចរាល់អំពីដំណើរត្រៀមចាកចេញ ពោលគ្មានការបន្តកុងត្រាថ្មីអ្វីឡើយ។ គេកំពុងទន្ទឹងរង់ចាំការលាដ៏សមរម្យមួយ ចេញពីការរៀបចំរបស់ក្លឹប តែក៏មិនច្បាស់ថាអ្នកគាំទ្រជាច្រើន នឹងចូលរួមសហការឬអត់នោះដែរ៕
ប្រភព៖ Sportsmole