បន្ទាប់បរាជ័យ ១-០ ក្រោមថ្វីជើងរបស់ក្លឹបស្ករគ្រាប់ខៀវ Everton ពេលនេះក្លឹបដឹកនាំដោយលោក Ralf Rangnick ហាក់ទទួលបានការរិះ.គន់ជាខ្លាំង។ នេះពួកគេ នៅសល់ក្តីសង្ឃឹមទាបបំផុតក្នុងការប្រជែងយកបានចំណាត់ថ្នាក់ Top 4 ហើយទម្រង់លេងក៏កាន់តែពិ.បាកមើល សូម្បីតែគ្នាឯងក៏បន្ទោ.សគ្នាឯងដែរ។
ដោយឡែកងាកទៅមើលមតិយល់ឃើញរបស់អតីតជំនួយការរបស់លោក Sir Alex Ferguson គឺ Rene Meulensteen និងអតីតកីឡាករ Leeds លោក Jermaine Beckfordបាននិយាយចំៗថា កីឡាករដូចជា Paul Pogba មិនគួរនឹងបន្តនៅតទៅទៀតឡើយ។ បញ្ជាក់ ខ្សែបម្រើសញ្ជាតិបារាំង យប់មិញបានប្តូរចូលជំនួស Fred នៅនាទី ៣៦ ស្របពេលសុពលភាពកុងត្រា ត្រូវផុតនៅចុងខែមិថុនា ឆ្នាំ ២០២២។
លោក Beckford និយាយ៖ “កីឡាករដូចជា Pogba គេមក Man Utd ដើម្បីតែលុយប៉ុណ្ណោះ ហើយរបៀបគេលេងគឺយឺត មិនសមនឹងបាល់នៅ Premier League ដែលគេលេងលឿនៗទេ នេះ United កំពុងចាយលុយខុស ចាយខុសទៅលើកីឡាករ និងតំណែងជាច្រើន ទាំងអស់ជាអ្វីដែលពួកគេគួរតែកែតម្រូវ”។
រីឯមតិរបស់លោក Meulensteen ក៏យល់ស្របតាម ហើយនិយាយស្រដៀងគ្នាថា៖ “គេពិតជាមិនអាចសម្របនឹងការលេងនៅ PL បានឡើយ ហើយគេមិនដែលបង្ហាញឆន្ទៈនឹងចង់បន្តនៅក្រុមមួយនេះឡើយ ដោយវាមិនមែនបញ្ហាតែមួយឡើយ គឺមានច្រើនទៀតដែលក្លឹបកំពុងជួបប្រទះ”។ គួររំឭកឲ្យដឹង ក្នុងមួយសប្តាហ៍នៅ Old Trafford ខ្សែបម្រើ Pogba អាចទទួលបានប្រាក់ឈ្នួល ២៩០ ០០០ ផោន៕
ប្រភព៖ Metro
អានអត្ថបទបន្ទាប់៖ ក្រោយខកខានជិត ១០ ឆ្នាំ ឥឡូវលឺថាក្លឹបមួយនេះ ទាក់ទងហៅ Tevez មក PL វិញហើយ
Carlos Tevez ការឈរជើងលើកចុងក្រោយឲ្យក្លឹបនៅក្របខ័ណ្ឌ Premier League គឺ Manchester City ត្រឹមដើមខែកក្កដា ឆ្នាំ ២០១៣ នេះបន្ទាប់ការធ្លាប់រួមអាជីពឲ្យ Man Utd និង West Ham ជាដើម។ ឥឡូវលឺ កីឡាករអាហ្សង់ទីនកៀកនឹងត្រលប់មកលីគកំពូលអង់គ្លេសសារជាថ្មី ក៏ប៉ុន្តែមិនជាមួយក្លឹបទាំង ៣ ខាងលើឡើយ។
ផ្ទុយទៅវិញបុរសវ័យ ៣៨ ឆ្នាំ លឺថាបានទាក់ទងជាមួយក្លឹបមាន់ខ្នាយមាស Tottenham Hotspur ឯណោះ។ បើតាមសារព័ត៌មាន The Sun ចុះផ្សាយថា Tevez មានគម្រោងចង់មកទស្សនាទីលានហ្វឹកហាត់របស់ក្លឹប Spurs ក៏ដូចជាសិក្សាពីលទ្ធភាព ក្នុងការវិលត្រលប់មកចូលរួមម្តងទៀត ជាជាងគិតរឿងចូលនិវត្ត។
ប្រភពបានឲ្យដឹងថា បុរសសញ្ជាតិអាហ្សង់ទីនណាមួយក៏ធ្លាប់ឆ្លងកាត់ក្រោមការដឹកនាំរបស់លោក Antonio Conte ម្តងហើយដែរ កាលនៅ Juventus រដូវកាល ២០១៣/១៤ រកបាន ១៩ គ្រាប់និង Assist ៧ លើក នៅ ៣៤ ប្រកួតឆ្នាំនោះ។ ដូច្នេះទើបដាក់ចិត្ត និងជឿជាក់ថាអាចជោគជ័យជាថ្មី ជាមួយក្លឹបកំពុងឈរលេខ ៤ នៅ PL។
សម្រាប់បុរសវ័យ ៣៨ ឆ្នាំ ក្រៅពី Spurs ក៏លឺថាមានក្លឹបឯទៀតនៅអ៊ីតាលី AC Milan, Inter Milan រួមទាំងអតីតក្លឹបចាស់ Juventus សម្លឹងចង់បានគេទៅចូលរួមដូចគ្នា។ Tevez បានអត់ក្លឹបឈរជើងតាំងពីថ្ងៃទី ១ កក្កដា ឆ្នាំ ២០២១ ក្រោយផុតកុងត្រាជាមួយ Boca Juniors៕
ប្រភព៖ The Sun