ក្លឹបអាល្លឺម៉ង់ Bayern Munich បានបង្កើតលទ្ធផលភ្ញាក់ផ្អើល ក្រោយបរាជ័យក្រោមលទ្ធផលក្លឹបអេស្ប៉ាញ Villarreal នៅវគ្គ ៨ ក្រុម UCL ក្រោមលទ្ធផល ១-២។ នេះកំណត់បានថា មានក្លឹបអេស្ប៉ាញ ២ ហើយដែលឡើងទៅវគ្គពាក់កណ្តាលផ្តាច់ព្រ័ត្រ គឺ Villarreal និង Real Madrid ហើយគេនៅចាំអ៊ុតមើលលទ្ធផល Man City-Atletico និង Benfica-Liverpool ផ្សេងទៀត។
ថាមិនត្រូវបើ Atletico ឡើងទៅវគ្គ ៤ ក្រុមទៀត នោះគឺមានក្លឹបអេស្ប៉ាញដល់ទៅ ៣។ ឥឡូវយើងរាប់ត្រឹម ២ ក្រុមសិន ដែលបានឡើង ក៏ស្រាប់តែក្លឹប Villarreal បានបង្ហោះសារឌឺ.ដងទៅកាន់មតិដែលធ្លាប់ចំ.អកមកកាន់លីគ La Liga បាត់ទៅហើយ។ នៅប៉ុន្មានឆ្នាំចុងក្រោយ ពេល Cristiano Ronaldo និង Lionel Messi ចាកចេញ មតិខ្លះ និយាយថា La Liga បានក្លាយជាលីគកសិកម្ម ព្រោះគ្មានកីឡាករកំពូលឈរជើងទៀតនោះទេ។
ឥឡូវបែរក្លឹបអេស្ប៉ាញ បានឡើងដល់ទៅ ២ ក្រុម ហើយ Villarreal ក៏បង្ហោះរូបភាពបុរសជិះត្រាក់ទ័រ រួចអមនឹងពាក្យនៃពាន Champions League មកជា Farmers League ដោយចង់ឌឺ.ដងឆ្លើយបកទៅមតិមួយចំនួន ថាឥឡូវនេះ ក្លឹបដែលស្ថិតនៅលីគកសិកម្ម បានឡើងមកដល់វគ្គ ៤ ក្រុមហើយ អ៊ីចឹងប្តូរឈ្មោះមកជា Farmers League តែម្តងទៅ។
រំឭកឲ្យដឹងថា នៅរដូវកាល ២០២១/២២ សម្រាប់ក្លឹបនាវាលឿង Villarreal ពួកគេសេសសល់តែក្តីសង្ឃឹមនៅពាន UCL មួយប៉ុណ្ណោះ ខណៈដែលពាន Copa del Rey បានធ្លាក់ត្រឹមវគ្គ ៣២ ក្រុម ហើយពាន UEFA Super Cup ឆ្នាំទៅ បានត្រឹមជើងឯករង។ រីឯនៅ La Liga ក្រុមដឹកនាំដោយលោក Unai Emery កំពុងឈរលេខ ៧ ឯណោះ៕
ប្រភព៖ Twitter
អានអត្ថបទបន្ទាប់៖ រត់រួចអត់ទេ? ក្លឹបនេះ ទារ ១០០ លានអឺរ៉ូ ទើបព្រមលក់ខ្សែការពារម្នាក់ទៅឲ្យ Barca
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងចាប់អារម្មណ៍ ក្នុងការចង់បានខ្សែការពារថ្មី សម្រាប់ទីផ្សារដោះដូររដូវក្តៅខាងមុខ តែឥឡូវកំពុងស្ថិតក្នុងការពិចារណា ក្រោយភាគីក្លឹបអាណាព្យាបាលដាក់តម្លៃខ្លួនកីឡាករមក ចូលដល់ខ្ទង់រយលាន។
នោះគឺកីឡាករហូឡង់ វ័យ ២២ ឆ្នាំ Matthijs de Ligt ឈរជើងឲ្យក្លឹបសេះបង្កង់ Juventus។ ស្ថិតិរដូវកាលនេះ បង្ហាញខ្លួន ៣៦ ប្រកួត អាចទប់ Clean sheet បាន ១៥ លើក និយាយទៅគេរាប់បានបន្តជាចំណែកសំខាន់ ក្រោមការដឹកនាំរបស់លោក Massimiliano Allegri ដដែល។
បើតាមសារព័ត៌មាន Fichajes ចុះផ្សាយថា ដោយសារ De Ligt ស្ថិតនៅផែនការណ៍យូរអង្វែងរបស់ក្លឹប ហេតុនេះហើយ Juventus បានដាក់តម្លៃរាងកល់ ពោលដល់ទៅ ៨៣ លានផោន ឬ ១០០ លានអឺរ៉ូ ទើបព្រមអនុញ្ញាតឲ្យខ្សែការពារខាងលើចាកចេញទៅ។ នេះមានភាគរយទាបណាស់ដែលអ្នកមានបុណ្យអាចចរចាយកបាន ព្រោះបញ្ហាសេដ្ឋកិច្ចសម្រាប់ក្រុមដឹកនាំដោយលោក Xavi Hernandez នៅតែប្រឈមនាពេលចុងក្រោយ។
គួររំឭកថា អតីតសមាជិក Ajax ខាងលើ ក៏ផ្សារភ្ជាប់ទៅកាន់ក្លឹបអង់គ្លេស Chelsea ផងដែរ ដ្បិតអីសុពលភាពកុងត្រានឹងត្រូវផុតនៅចុងខែមិថុនា ឆ្នាំ ២០២៤។ ស្ថិតិបង្ហាញខ្លួនសរុប ១១១ ប្រកួត រកបាន ៨ គ្រាប់និង Assist ២ លើក៕
ប្រភព៖ Fichajes