យើងបានរកឃើញ ៤ ក្រុមចុងក្រោយ ដែលឡើងមកកាន់វគ្គពាក់កណ្តាលផ្តាច់ព្រ័ត្រ ដោយក្លឹបអេស្ប៉ាញមាន ២ និងអង់គ្លេសមាន ២ ហើយប្រកួតផ្គូផ្គងគ្នា ពោល Villarreral ប៉ះ Liverpool រីឯ Man City ប៉ះ Real Madrid។
ការប្រកួតនឹងចូលមកដល់នៅចុងខែមេសាខាងមុខ តែតាមការយល់ឃើញរបស់លោក Rio Ferdinand ជាអតីតខ្សែការពារនៅបិសាចក្រហម បានបង្ហាញមតិយោបល់ជាមុនរួចបាត់ទៅហើយ អំពីក្រុមដែលនឹងត្រូវប៉ះគ្នានៅវគ្គចុងក្រោយ ក្នុងទីក្រុងប៉ារីស នាចុងខែឧសភា។
ប្រាប់ប៉ុស្តិ៍ BT Sport លោក Ferdinand ថា៖ “ខ្ញុំគិតថា City នឹងឡើងទៅវគ្គបន្ត តាមរយៈការរកបាន ២ គ្រាប់ ហើយក៏គិតថាជា Liverpool ផងដែរ នេះពួកគេមានបទពិសោធន៍ហើយ រួចក៏រឹងមាំខ្លាំងបំផុត សម្រាប់ការលេងទល់ Villarreal ទាំងពីរជើង”។
រំឭកថា ការប្រកួតជើងទី ១ នឹងធ្វើឡើងនៅថ្ងៃទី ២៧&២៨ មេសា មានផ្សាយផ្ទាល់លើទំព័រ CTS Sports។ ចុះគ្នាយើង យល់ឃើញបែបណាដែរ គិតដូច Ferdinand ដែរឬអត់ ថា City នឹងប៉ះ Liverpool នៅវគ្គផ្តាច់ព្រ័ត្រ? បើជាការពិត នោះពីរឆ្នាំជាប់គ្នាហើយដែលក្រុមអង់គ្លេស លេងទល់ក្រុមអង់គ្លេស ខណៈឆ្នាំទៅ Chelsea បានយកឈ្នះ ១-០ ទៅលើ Man City៕
ប្រភព៖ BT Sport
អានអត្ថបទបន្ទាប់៖ ធ្លាក់ត្រឹមវគ្គ៨ក្រុមចុងក្រោយហើយ Barcelona ត្រូវបាត់មុខកីឡាករសំខាន់ម្នាក់ដល់ចប់រដូវកាល
Barcelona មានរាត្រីដ៏សោកសៅមួយសម្រាប់ Barcelona ក្នុងជំនួបជើងទី២ វគ្គ៨ក្រុមចុងក្រោយ Europa League ក្រោយបរាជ័យ ៣-២ ក្រោមថ្វីជើង Frankfurt ហើយនៅមានរឿងកាន់តែធ្វើឱ្យក្រុមម្ចាស់ផ្ទះកាន់តែសោកសៅជាងនេះទៅទៀត។
ក្រុមរបស់លោក Xavi Hernandez បានបរាជ័យសរុបទាំងពីរជើង ៤-៣ ទល់នឹង Frankfurt ដែលជារាត្រីដ៏អស្ចារ្យប្រចាំប្រវត្ដិសាស្ដ្ររបស់ក្រុមមកពីអាល្លឺម៉ង់មួយនេះ។
ប៉ុន្ដែសម្រាប់ Barca វិញ ពួកគេត្រូវប្រឈមនឹងបញ្ហាច្រើន ជាពិសេសនៅពេលដែល កីឡាករឆ្នើមវ័យក្មេង Pedri ត្រូវបានប្ដូរចេញ ក្រោយចប់តង់ទី១ ដោយសារបញ្ហារបួសសាច់ដុំ។ គេត្រូវបានប្ដូរចូលជំនួសដោយ Frenkie de Jong ដែលមិនមានកាយសម្បទាល្អពេញលេញដែរ ដោយសារមានជំងឺក្នុងសប្ដាហ៍នេះ។
យោងតាមប្រភពពី Mundo Deportivo បានឱ្យដឹងថា ខ្សែបម្រើអេស្ប៉ាញ Pedri អាចខកខានចូលរួមការប្រកួតរហូតដល់ចប់រដូវកាលនេះ ដោយត្រូវការពេលវេលាព្យាបាលឱ្យសះស្បើយ។
Pedri សឹងតែអវត្តមាននៅពាក់កណ្ដាលដំបូងនៃរដូវកាលនេះទៅហើយ ដោយសាររបួស ហើយបានត្រលប់មកវិញក្នុងខែមករាឆ្នាំនេះ។ ហើយពេលនេះ គេអាចនឹងបន្ដអវត្តមានច្រើនប្រកួតទៀតរហូតដល់ចប់រដូវកាល៕
ប្រភព៖ Football Espana