វីរបុរសបាល់ទាត់ហូឡង់ លោក Marco van Basten ថ្មីៗនេះ បានជំរុញឱ្យក្រុមបិសាចក្រហម Manchester United ចុះហត្ថលេខាលើតារាឆ្នើមរបស់ក្រុមតោខៀវ Chelsea នៅរដូវក្តៅខាងមុខ ។
ជាក់ស្តែង កីឡាករ ដែលលោក Basten ចង់សំដៅលើនោះ គឺខ្សែប្រយុទ្ធ Hakim Ziyech ដោយគេបានផ្ទេរមកចូលរួមជាមួយក្រុម Chelsea ពី Ajax នៅឆ្នាំ ២០២០ ក្រោយទទួលបានភាពជោគជ័យ នៅក្រោមការដឹកនាំរបស់ លោក Erik ten Hag ។
គួរឱ្យដឹងថា លោក Ten Hag នឹងបញ្ចប់ការងាររបស់លោក នាមជាអ្នកចាត់ការរបស់ក្រុម Ajax បន្ទាប់ពីបានយល់ព្រមមកដឹកនាំក្រុមបិសាចក្រហម Manchester United ចាប់ពីរដូវកាលក្រោយ ។
ហើយយ៉ាងណា លោក Van Basten បានផ្តល់យោបល់ថាក្រុមបិសាចក្រហម គួរតែងាកមកចាប់អារម្មណ៍ជាមួយ Ziyech ខណ:គាត់បាននិយាយប្រាប់ Ziggo Sport ថា ៖” អ្វីដែលខ្ញុំកំពុងគិតដល់នោះ គឺ Ziyech អាចជាកីឡាករបាល់ទាត់ល្អម្នាក់ នៅក្រុម Manchester United សម្រាប់លោក Ten Hag ” ៕
ប្រភព: Sportskeeda