អតីតខ្សែប្រយុទ្ធនៅ PL លោក Kevin Campbell បានចង្អុលដល់ឈ្មោះកីឡាករនៅក្របខ័ណ្ឌ La Liga ថាជាបេក្ខភាពដែល Man Utd មិនគួរមើលរំលង ព្រោះអីគេមានសមត្ថភាពល្អជាងសមាជិកមានស្រាប់ គឺ Scott McTominay និង Fred។
នោះសំដៅទៅ Frenkie de Jong របស់ក្លឹប Barcelona ដែលអតីតកីឡាករ Ajax ក៏ធ្លាប់ជាសិស្សរួមគ្រូជាមួយលោក Erik ten Hag ផងដែរ។ គេបានជាប់ឈ្មោះលើទីលានទៀងទាត់ មិនថាស្ថិតក្រោមជំនាន់អ្នកចាត់ការណាមួយក្តីនៅអ្នកមានបុណ្យ ហើយសរុបមកទល់ពេលនេះ បង្ហាញខ្លួន ១៣៩ ប្រកួត រកបាន ១៣ គ្រាប់និង Assist ១៧ លើក។
ប្រាប់ទៅ Football Insider លោក Campbell និយាយ៖ “De Jong ជាកីឡាករដែលរ៉ាប់រងការងារច្រើនបានលើទីលាន គេអស្ចារ្យណាស់ របៀបគេលេងយើងមើលដឹងថាល្អជាង McTominay និង Fred និយាយទៅគេស្ថិតលើកម្រិតអ្នកទាំងពីរនោះហើយ ដូច្នេះ Man Utd គួរតែយកកីឡាករម្នាក់នេះឲ្យបាន”។
លោក Campbell បន្ត៖ “បើយកបាន de Jong នោះតំបន់បម្រើរបស់ United នឹងផ្លាស់ប្តូរទាំងស្រុង គេអាចធ្វើបានគ្រប់យ៉ាង គេអាចឆ្លាស់តំណែង ៣ ឬ ៤ ក្នុងប្រកួតតែមួយ គេពិតជាកីឡាករដ៏ល្អខ្លាំងណាស់”។ បើតាមហាងឆេងតម្លៃខ្លួន កីឡាករសល់កុងត្រាដល់ចុងខែមិថុនា ឆ្នាំ ២០២៦ គឺអាចថ្លៃល្បាក់ ៦០ លានផោន៕
ប្រភព៖ Sportskeeda