ជារៀងរាល់រដូវកាល ៣ ក្លឹបនៅ Premier League ដែលឈរនៅចំណាត់ថ្នាក់បាតតារាង នឹងត្រូវសម្រេចធ្លាក់ឈ្មោះទៅក្របខ័ណ្ឌលំដាប់ទីពីររបស់អង់គ្លេស គឺ Championship ហើយឥឡូវយើងរកបាន ២ ក្រុមហើយ រួមមាន Norwich City និង Watford។ ក្រុមទាំងពីរបានចាញ់ដាច់គម្លាតពិន្ទុដល់ទៅ ១០ ពិន្ទុ ធៀបនឹងក្រុមសេសសល់ឱកាសគិតត្រឹមជុំទី ៣៧។
ដោយឡែក Everton ឯណោះ ដែលប៊ិះតែនឹងត្រូវធ្លាក់ ក៏បានស្រោច.ស្រង់ខ្លួនឡើងវិញ តាមរយៈជ័យជម្នះទៅលើ Cystal Palace ៣-២ កាលពីថ្ងៃមុន។ ការយកបាន ៣ ពិន្ទុនេះ នាំឲ្យក្លឹបស្ករគ្រាប់ខៀវ នាំមុខដាច់ ៤ ពិន្ទុធៀបនឹងក្រុមឈរចំណាត់ថ្នាក់ក្រោមពីរផ្សេងទៀត ជាហេតុសម្រេចឲ្យក្លឹបមិនចាំបាច់បារ.ម្ភនៅប្រកួតជុំទី ៣៨ បើទោះបីត្រូវលេងចាញ់ Arsenal ក៏ដោយ។
ផ្ទុយទៅវិញ សល់ ២ ក្រុមដែលមានមួយនឹងត្រូវធ្លាក់ មានមួយត្រូវបន្តឈរនៅ Premier League រដូវកាលក្រោយ គឺរវាង Burnley ឬក៏ Leeds United។ ក្រុមទាំងពីរមាន ៣៥ ពិន្ទុស្មើ ក៏ប៉ុន្តែ Burnley ជំពា.ក់គ្រាប់បាល់តិចជាងតែ ១៨ គ្រាប់ រីឯ Leeds ជំ.ពាក់ដល់ ៣៨ គ្រាប់ ដូច្នេះមានន័យថា ប្រកួតចុងក្រោយ បើក្រុមទាំងពីរឈ្នះដូចគ្នា នោះគឺក្រុមដឹកនាំដោយលោក Marcelo Bielsa ជាអ្នកដែលត្រូវធ្លាក់។
ជុំចុងក្រោយ Leeds ត្រូវជួប Brentford នៅយប់ស្អែកនេះ វេលាម៉ោង ១០:០០ តែមួយ ជួនពេលដែល Burnley ត្រូវប៉ះ Newcastle។ ក្នុងករណីមួយផ្សេងទៀត បើ Burnley លេងបានត្រឹមស្មើ ឬចាញ់ ជួនពេល Leeds បាន ៣ ពិន្ទុពេញ នោះទើបពួកគេអាចសម្រេចឡើងមកឈរលេខ ១៧ បន្តឈ្មោះនៅរដូវកាលក្រោយបាន៕
ប្រភព៖ បរទេស