អ្នកចាត់ការនៃក្លឹប Arsenal លោក Mikel Arteta បានចាប់អារម្មណ៍ទៅលើខ្សែបម្រើនៃក្លឹបមេឃខៀវ Manchester City ពោលជាកីឡាករក្រៅជម្រើសរបស់លោក Pep Guardiola ហើយចង់បានគេមកចុះចូលនៅទឹកដី Emirate Stadium ដោយសន្យានឹងផ្តល់ជូនតំណែងថ្មី ជាខ្សែប្រយុទ្ធថែមទៀតផង។
នោះគឺ Ilkay Gundogan ដែលកីឡាករវ័យ ៣១ ឆ្នាំ កំណត់ត្រូវផុតកុងត្រាជាមួយក្លឹបម្ចាស់ដី Etihad នារដូវកាលក្រោយ។ ពេលវេលារបស់គេលើទីលានជាមួយ City ហាក់មិនសូវទទួលបានជាប់.លាប់ឡើយ ពោលភាគច្រើនបានត្រឹមជាកីឡាករបម្រុង។
បើតាមសារព័ត៌មាន Daily Mail ចុះផ្សាយថា ដោយ Arteta ធ្លាប់ជាជំនួយការរបស់លោក Pep នៅ City និងយល់ច្បាស់ពីគុណភាពរបស់កីឡាករអាល្លឺម៉ង់ ដូច្នេះក៏ចង់នាំយកគេមកលេងជាខ្សែប្រយុទ្ធនៅ Arsenal នារដូវកាលក្រោយ ពោលជាការមកបំពេញកន្លែង Alexandre Lacazette ឬ Eddie Nketiah ដែលល្ហិចល្ហៀង លឺចង់ចាកចេញនៅរដូវក្តៅផង។
រំឭកថា សូម្បីលោក Pep ផ្ទាល់ក៏ធ្លាប់និយាយដែរ អំពីសមត្ថភាព Gundogan៖ “ខ្ញុំនិយាយច្រើនសារហើយ គេអាចលេងជាខ្សែប្រយុទ្ធ ជា False 9 ក៏បាន តែមនុស្សមួយចំនួនបែរជាអស់សំណើច ដល់ថ្ងៃនេះច្បាស់ហើយ គេអាចរកបាន ២ គ្រាប់ម្នាក់ឯងបាន”៕
ប្រភព៖ Daily Mail