ក្លិបកំពូលនៅក្របខ័ណ្ឌ Premier League មួយ ត្រូវបានគេរាយការណ៍ថា បានបង្ហាញចំណាប់អារម្មណ៍ ក្នុងការចុះហត្ថលេខានាំយកខ្សែប្រយុទ្ធវ័យក្មេងរបស់ក្លិប Atletico Madrid កីឡាករ Joao Felix នៅទីផ្សារដោះដូរកីឡាករនាពេលខាងមុខ ។
ជាការពិត Felix បានផ្ទេរមកកាន់លីគកំពូលរបស់អេស្ប៉ាញ បន្ទាប់ពីបានបង្ហាញសមត្ថភាពដ៏អស្ចារ្យជាមួយក្លិប Benfica ដែលធ្វើឱ្យក្លិប At Madrid ហ៊ានចំណាយរហូតដល់ ១១៣ លានផោន ដើម្បីចុះហត្ថលេខាលើរូបគេ នៅក្នុងឆ្នាំ ២០១៩ ។
តែយ៉ាងណាក៏ដោយ ចាប់តាំងពីបានចូលរួមជាមួយក្លិប La Liga កីឡាករវ័យ ២២ ឆ្នាំ បានជួបនឹងភាពលំបាក ជាមួយនឹងការបរាជ័យ ក្នុងការបង្ហាញភាពលេចធ្លោ ក៏ដូចជាខ្វះខាតពេលវេលាលេង នៅក្រោមការដឹកនាំរបស់គ្រូបង្វឹក លោក Diego Simeone ផងដែរ។
ដោយឡែក ថ្មីៗនេះ យោងតាមអ្នកកាសែត Bruno Andrade កំពុងរាយការណ៍ថា គ្រូបង្វឹករបស់ក្រុម Manchester City លោក Pep Guardiola ចង់បានខ្សែប្រយុទ្ធសញ្ជាតិព័រទុយហ្គាល់មកកាន់ក្រុមរបស់លោក ។ ប៉ុន្តែការចុះហត្ថលេខានេះ អាចធ្វើទៅបាន លុះត្រាតែក្លិប City អាចលក់ចេញ កីឡាករ Gabriel Jesus និង Raheem Sterling ដើម្បីអាចឱ្យក្លិបគោរពតាមច្បាប់ហិរញ្ញវត្ថុងដោយយុត្ថិធម៌ ៕
ប្រភព: AF