ក្លឹបតោខៀវ Chelsea កំពុងស្ថិតក្នុងការពិចារណា ក្រោយមានការស្នើពីមតិកីឡាករឈុតធំជាច្រើន ជុំវិញការចង់បានកីឡាករ លេងតំណែងប្រយុទ្ធ និងជាគូប្រជែងរួមលីគ ប៊ិះធ្លាក់ចេញពីក្របខ័ណ្ឌ Premier League នារដូវកាលចាស់។
នោះគឺ បុរសវ័យ ២៥ ឆ្នាំ Richarlison ជាសមាជិករបស់ក្លឹប Everton ហើយឥឡូវកំពុងស្ថិតក្រោមការសម្រេចចិត្តរបស់លោក Thomas Tuchel ថានឹងដាក់ចិត្ត ព្យាយាមអូស.ទាញឲ្យអស់ពីលទ្ធភាពក្នុងការនាំចូលគេឬយ៉ាងណា។ គេជាចំណែកសំខាន់ក្រោមការដឹកនាំរបស់លោក Frank Lampard ដោយរកបាន ១០ គ្រាប់និង Assist ៥ លើកកាលពីរដូវកាល ២០២១/២២។
បើតាមសារព័ត៌មាន The Sun ចុះផ្សាយថា សូម្បីកីឡាករផ្ទាល់ ក៏បានជូនដំណឹងទៅថ្នាក់លើ Everton រួចរាល់ហើយដែរ ថាគេចង់ដើរចេញនៅទីផ្សារដោះដូររដូវក្តៅខាងមុខ។ ឥឡូវនៅរង់ចាំការដាក់សំណើពីភាគីក្លឹប Chelsea ក្រោយមានការរំអុ.កពីសំណាក់កីឡាករជាច្រើន ដោយពិតជាចង់បានខ្សែប្រយុទ្ធប្រេស៊ីល ឲ្យមកចុះចូលនៅ Stamford Bridge។
យ៉ាងណាក្រៅតែពី Chelsea ក៏អាចជាមាន Arsenal និង Tottenham Hotspur ដែលបាក់ចិត្តមកលើ Richarlison ដូចគ្នា។ តាមហាងឆេងតម្លៃខ្លួន គេអាចថ្លៃល្បាក់ ៥០ លានផោន ខណៈកុងត្រាសេសសល់ដល់ចុងខែមិថុនា ឆ្នាំ ២០២៤។ ចំពោះគោលដៅផ្សេងទៀតរបស់តោខៀវ មានដូចជា Raheem Sterling និង Ousmane Dembele ជាដើម៕
ប្រភព៖ The Sun