ផ្ទុះដំណឹងគួរឲ្យចាប់អារម្មណ៍នៅពេលចុងក្រោយ ដោយលឺថា សំណាក់ក្លឹប Chelsea ទើបផ្លាស់ចូលម្ចាស់ថ្មីបានចាប់ចិត្តមកលើតារាឆ្នើម Cristiano Ronaldo ហើយគិតចង់នាំយកកីឡាករទៅចូលរួម មុនការផុតកុងត្រារយៈពេល ១២ ខែពីក្លឹបម្ចាស់ដី Old Trafford។
ទោះជាយ៉ាងណា ប្រភពជិតស្និទ្ធរបស់ក្លឹបបានប្រាប់ច្បាស់ៗហើយនៅព្រឹកថ្ងៃអាទិត្យនេះ ថា CR7 នឹងមិនសម្រាប់ដាក់លក់ទៅឲ្យក្លឹបណាមួយទេ នៅទីផ្សារដោះដូររដូវក្តៅខាងមុខ ពោលគឺបានរាប់ចូលតារាឆ្នើមវ័យ ៣៧ ឆ្នាំ ជាផ្នែកមួយ ក្រោមការដឹកនាំរបស់លោក Erik ten Hag សម្រាប់រដូវកាលថ្មី ២០២២/២៣។ នេះបើតាមសម្រង់សម្តី ចុះផ្សាយដោយសារព័ត៌មាន Manchester Evening News។
ជាការពិត Ronaldo គេនឹងមិនបានលេងពាន UCL នៅរដូវកាលបន្ទាប់ ពោលបានត្រឹម Europa League ដែលនេះជាលើកដំបូងហើយក្នុងអាជីព។ ទោះជាយ៉ាងណាក្រៅពី Chelsea ក៏មានក្លឹបធំៗ ២ ផ្សេងទៀត គឺ Bayern Munich និង Sporting CP ជាដើម ដែលចង់ឆ្ម.ក់ឱកាសចាយលុយទាបក្រោម ២០ លាន ដើម្បីថ្ពក់យកកំពូលកីឡាករខាងលើ។
គួរឲ្យដឹងសុពលភាពកុងត្រា Ronaldo សេសសល់ត្រឹមរយៈពេល ១២ ខែ ខណៈហាងឆេងតម្លៃខ្លួនគឺទាប ពោលចន្លោះត្រឹម ១០ ទៅ ១៥ លានផោនប៉ុណ្ណោះឯង។ ស្ថិតិនៅរដូវកាលចាស់ ឃើញថា CR7 ធ្វើបានល្អគួរសម ដោយបង្ហាញខ្លួនសរុប ៣៩ ប្រកួត រកបាន ២៤ គ្រាប់និង Assist ៣ លើកឲ្យក្លឹប៕
ប្រភព៖ Manchester Evening News