ក្លឹបហង្សក្រហម Liverpool បានបាត់បង់ខ្សែប្រយុទ្ធ ២ រូបហើយ មាន Divock Origi និង Sadio Mane ហើយមិនយូរនោះទេ ទំនងជានឹងរបូតផ្លូវការនូវកីឡាករ Takumi Minamino ឬអាចជា Mohamed Salah បន្ថែមក៏ថាបាន។
ហេតុនេះក្លឹបក៏បានសកម្មដូចគ្នា ក្នុងការចរចារកអ្នកត្រៀមមកបំពេញ ឲ្យបានឆាប់រហ័សតាមដែលអាចធ្វើទៅបាន។ ដ្បិតយកបាន Darwin Nunez តែក្លឹបដឹកនាំដោយលោក Jurgen Klopp ជឿថា វាហាក់មិនទាន់គ្រប់គ្រាន់ឡើយ សម្រាប់ការបំពេញចន្លោះនៅតំបន់ជួរមុខ។ ឥឡូវចាប់អារម្មណ៍បន្ថែមទៀតទៅលើ Rodrygo ជាសមាជិកនៅឯក្លឹបយក្សអេស្ប៉ាញ Real Madrid។
តាមសារព័ត៌មាន El Nacional ចុះផ្សាយថា Liverpool កំពុងបាក់ចិត្តទៅលើគ្រាប់ពេជ្រវ័យ ២១ ឆ្នាំជាខ្លាំង ដោយព្រមនឹងចំណាយប្រាក់ ៦០ លានអឺរ៉ូ ឲ្យតែខាងក្លឹបអាណាព្យាបាលស្តេចស ព្រមអនុញ្ញាតឲ្យកីឡាករចាកចេញ ត្រឹមទីផ្សារដោះដូរខាងមុខ។ តែការសម្រេចចិត្តបែបណា របស់ក្លឹប Real យើងក៏មិនបានដឹង ដ្បិតអីក្លឹបក៏ខកខានការនាំយក Kylian Mbappe ជាគោលដៅអាទិភាពនៅរដូវក្តៅ។
រំឭកថា សុពលភាពកុងត្រា Rodrygo សេសសល់ដល់ចុងខែមិថុនា ឆ្នាំ ២០២៥ ហើយស្ថិតិបង្ហាញខ្លួន ៤៩ ប្រកួត រកបាន ៩ គ្រាប់ និង Assist ១០ លើក។ ក្រៅតែពីកីឡាករខាងលើ សម្រាប់ក្លឹបមានមូលដ្ឋានក្នុងទីក្រុង Merseyside ក៏ចាប់ចិត្តទៅលើ Marco Asensio សមាជិកនៃក្លឹប Real Madrid មួយរូបផ្សេងទៀតផងដែរ៕
ប្រភព៖ El Nacional