ក្លឹបបិសាចក្រហម Manchester United រំពឹងនឹងសម្រេចការនាំយកកីឡាករចំណូលថ្មីទី ១ ប្រចាំរដូវកាល ២០២២/២៣ នៅសប្ដាហ៍ខាងមុខ ហើយនេះជាគោលដៅចាស់ ដែលបានហែលកាត់ការចរចាអស់រយៈពេលជាច្រើនខែរួចមក។
បើតាមសារព័ត៌មាន Sport ចុះផ្សាយថា ក្លឹបដឹកនាំដោយលោក Erik ten Hag កៀកនឹងប្រកាសការនាំយកអតីតកីឡាករគឺ Frenkie de Jong នៅសប្ដាហ៍ក្រោយជាផ្លូវការ ខណៈកិច្ចព្រមព្រៀងសម្រេចការផ្ទេរចូល អាចមានតម្លៃប្រហែល ៦៨ លានផោន។
ខ្សែបម្រើសញ្ជាតិហូឡង់ តាមពិតទៅ Barcelona មិនចង់លក់ទេ តែដោយសារក្លឹបមានការខ្វះខាត ជួនពេលដែល United ឯណេះ ក៏តាមព្យាយាមចែចូវឥតឈប់។ ណាមួយដោយសារមានវត្តមានអតីតគ្រូលោក Ten Hag ឈរជើងនៅ Old Trafford ផង ដូច្នេះកីឡាករក៏សម្លឹងការចាកចេញ រួចដើម្បីមកបំពេញកន្លែង Paul Pogba, Nemanja Matic, Juan Mata និង Jesse Lingard សុទ្ធសឹងជាខ្សែបម្រើបានដើរចេញនៅរដូវក្តៅ។
រំឭកឲ្យដឹងថា កីឡាករវ័យ ២៥ ឆ្នាំ សេសសល់កុងត្រាដល់ចុងខែមិថុនា ឆ្នាំ ២០២៦ ឯណោះ ហើយរដូវកាលចាស់ គេហាក់សកម្មខ្លាំងក្រោមការដឹកនាំរបស់លោក Xavi Hernandez។ ជាមួយការបង្ហាញខ្លួន ៤៦ ប្រកួត រកបាន ៤ គ្រាប់និង Assist ៥ លើកឲ្យក្លឹប៕
ប្រភព៖ Sport