ថ្មីៗនេះ អតីតជើងចាស់ លោក Jose Enrique បានធ្វើការព្រមានទៅកាន់ក្លិបហង្សក្រហម Liverpool ជុំវិញការចុះហត្ថលេខានាំយកកីឡាកររបស់ក្លិប Real Madrid ម្នាក់ មកកាន់ទឹកដី Anfield នៅទីផ្សារដោះដូរកីឡាករ នារដូវក្តៅខាងមុខនេះ ។
ជាក់ស្តែង បើយោងតាមរបាយការណ៍ពី Teamtalk បានបង្ហាញនៅមួយរយ:ចុងក្រោយនេះថា ក្លិប Liverpool កំពុងរៀបចំធ្វើការផ្លាស់ប្តូរដ៏ធំមួយ សម្រាប់ខ្សែប្រយុទ្ធឆ្នើមរបស់ក្រុម Madrid កីឡាករ Marco Asensio ដោយកិច្ចសន្យារបស់គេជាមួយក្លិបអេស្ប៉ាញ នឹងត្រូវអស់សពុលភាព នៅចុងខែមិថុនា ឆ្នាំក្រោយ ។
តែទោះជាយ៉ាងណាក៏ដោយ អតីតខ្សែការពារស្លាបឆ្វេងរបស់ក្រុម Liverpool លោក Enrique បានបង្ហាញពីទស្សនរបស់លោក ជុំវិញខ្សែប្រយុទ្ធសញ្ជាតិអេស្ប៉ាញ ដោយនិយាយថាគេគឺជាកីឡាករដ៏ល្អ ប៉ុន្តែ ចំពោះការទាមទារប្រាក់ឈ្នួល ក៏ដូចជាតម្រូវការក្នុងការលេងនៅជម្រើសដំបូង អាចជាបញ្ហាសម្រាប់ក្រុមហង្សក្រហម ។
លើសពីនេះ លោក Enrique បាននិយាយនៅលើគណនី Twitter របស់លោកថា ៖ ” ខ្ញុំគិតថាគាត់ជាកីឡាករដ៏ល្អម្នាក់ ប៉ុន្តែ Liverpool អាចនឹងមានបញ្ហាជាមួយគាត់ ដោយគាត់នឹងមកលេងជាមួយនឹងប្រាក់ឈ្នួលដ៏ខ្ពស់ ហើយវាពិតជាពិបាក នៅក្នុងការចុះហត្ថលេខាលើគាត់ណាស់ “៕
ប្រភព: AF