ថ្មីៗនេះ អ្នកតំណាងរបស់ខ្សែប្រយុទ្ធឆ្នើមរបស់ក្លិបយក្សបារាំង Paris Saint-Germain កីឡាករ Neymar ត្រូវបានគេរាយការណ៍ថា កំពុងជួបពិភាក្សាជាមួយក្លិបកំពូលនៅអ៊ីតាលី ជុំវិញការផ្លាស់ប្តូរ ដែលអាចទៅរួចមួយ សម្រាប់កីឡាករវ័យ ៣០ ឆ្នាំរូបនេះ នៅទីផ្សារដោះដូរខាងមុខ ។
ជាក់ស្តែង Neymar បានជួបរឿងខកចិត្តជាច្រើន នៅរដូវកាល ២០២១–២០២២ ដោយសារតែរូបគេ បានប្រឈមមុខជាមួយនឹងបញ្ជារបួស ហើយថែមទាំងត្រូវបានអ្នកគាំទ្ររបស់ខ្លួន ស្រែករិះគន់ ខណ:កំពុងលេងនៅលើទីលានថែមទៀតផង ។
គួរឱ្យដឹងថា Neymar ស្ថិតនៅក្រោមកិច្ចសន្យា នៅទឹកដី Parc des Princes រហូតដល់ឆ្នាំ ២០២៥ ឯណោះ ប៉ុន្តែយ៉ាងណាក៏នៅតែមានការបន្ថែមកុងត្រាថ្មី រយ:ពេល ២ ទៀត ដែលត្រូវបានអនុវត្តដោយស្វ័យប្រវត្តិនៅថ្ងៃទី ១ ខែកក្កដាខាងមុខ ។
តែទោះជាយ៉ាងណាក៏ដោយ ក្លិប PSG ត្រូវបានគេនិយាយថា នឹងបើកចំហរឱកាស ក្នុងការលក់ Neymar ចេញ នៅក្នុងតម្លៃខ្លួនត្រឹមត្រូវណាមួយ នៅទីផ្សារដោះដូរកីឡាករ នារដូវក្តៅខាងមុខ ស្របពេលកាសែត AS ថ្មីៗនេះ បានបង្ហាញថាក្លិប Juventus កំពុងបង្ហាញចំណាប់អារម្មណ៍ខ្លាំង ។
ប៉ុន្តែ Neymar អាចនឹងត្រូវលះបង់យ៉ាងហោចណាស់ពាក់កណ្តាលនៃប្រាក់ឈ្នួលបច្ចុប្បន្នរបស់ខ្លួន ដើម្បីចាកចេញពីក្លិប PSG ហើយផ្ទេរទៅកាន់ក្លិបនៅទីក្រុង Turin ស្របពេលក្លិបអង់គ្លេស Newcastle ត្រូវបានគេយល់ថា នឹងព្រមផ្តល់ជូនប្រាក់ឈ្នួលដ៏ខ្ពស់បំផុតមួយ សម្រាប់ខ្សែប្រយុទ្ធសញ្ជាតិប្រេស៊ីលរូបនេះ បើគេផ្ទេរមកកាន់ St James’Park នោះ ៕
ប្រភព: Sportsmole