អតីតតារាឆ្នើមរបស់ក្រុម Bayern Munich ម្នាក់ បានទទូចថាលោកស័ក្តិសមនឹងឈ្នះពានរង្វាន់ Ballon d’Or ជាង Lionel Messi ឬ Cristiano Ronaldo នៅក្នុងឆ្នាំ ២០១៣ ។
ជាក់ស្តែង ខ្សែប្រយុទ្ធឆ្នើម កីឡាករ Franck Ribery ធ្លាប់ឈ្នះពានរង្វាន់ច្រើនជាង ២០ ជាមួយក្រុម Bayern រួមទាំងពានរង្វាន់ Bundesliga ៩ដង និង Champions League ផងដែរ ។
ហើយយ៉ាងណា កីឡាកររូបនេះ បានទទូចថា គាត់សមនឹងឈ្នះ Ballon d’Or ក្នុងឆ្នាំ ២០១៣ បន្ទាប់ពីក្លិបយក្សអាល្លឺម៉ង់ បានឈ្នះពាន UCL ប៉ុន្តែផ្ទុយទៅវិញ Ronaldo បែជាបានឈ្នះវាទៅវិញ នៅក្នុងឆ្នាំនោះ ។
លើសពីនេះ ដោយនិយាយទៅកាន់ La Gazzetta Dello Sport កីឡាករសញ្ជាតិបារាំងរូបនេះ លើកឡើងថា ៖ ” វាពិតជាអយុត្តិធម៌ណាស់ ព្រោះវាជារដូវកាលមិនគួរឱ្យជឿសម្រាប់ខ្ញុំ ហើយខ្ញុំគួរតែឈ្នះវា ។ ពួកគេ បានពន្យាពេលសម្រាប់ការបោះឆ្នោត ហើយរឿងចម្លែកក៏បានកើតឡើង ” ៕
ប្រភព: Sportmob