ខ្សែប្រយុទ្ធឆ្នើម Luis Suarez នៅតែបន្តព្យាយាមស្វែងរកក្លិបថ្មី ដើម្បីលេងឱ្យ នៅរដូវកាលក្រោយនេះ នៅពេលដែលកីឡាករសញ្ជាតិអ៊ុយរ៉ាហ្គាយរូបនេះ ស្ថិតនៅក្នុងការពិចារណាទៅលើជម្រើសមួយចំនួន ។
គួរឱ្យដឹងថា Suarez បានចាកចេញពីក្លិប Atletico Madrid នៅពេលដែលកិច្ចសន្យារបស់គេ ជាមួយក្លិបអេស្ប៉ាញ បានឈានដល់ពេលកំណត់ កាលពីខែមុន ក្រោយចាយពេលអស់ពីរដូវកាល នៅក្នុងក្លិបយក្ស La Liga មួយនេះ ។
យ៉ាងណាក៏ដោយ វាត្រូវបានគេដឹងយ៉ាងច្បាស់ថា ខ្សែប្រយុទ្ធសញ្ជាតិអ៊ុយរ៉ាហ្គាយរូបនេះ ចង់បន្តលេងនៅក្លិប ដែលស្ថិតនៅទ្វីបអឺរ៉ុបបន្តទៀត នៅមុនពេលរដូវកាលថ្មីចាប់ផ្តើម ដោយចង់បន្តប្រឡូកនៅក្នុងអាជីព ដែលមានកម្រិតខ្ពស់មួយ ។
ហើយមិនតែប៉ុណ្ណោះ ថ្មីៗនេះ Suarez ត្រូវបានគេរាយការណ៍ថា បានច្រានចោលសំណើធំមួយ ពីក្លិប River Plate របស់អាហ្សង់ទីន ស្របពេលក្លិបផ្សេងទៀត នៅទ្វីបអាមេរិកកណ្តាល និងអាមេរិកខាត្បូង ក៏ត្រូវបាន ខ្សែប្រយុទ្ធរូបនេះ បដិសេធសំណើដូចគ្នា ។
ជាងនេះទៅទៀត Suarez ក៏បានច្រានចោល ការផ្ទេរដ៏មានសក្តានុពលមួយទៅកាន់ក្លិបកុមារភាពរបស់ខ្លួន គឺ Nacional រួមទាំងក្លិបធំៗនៅក្នុងក្របខ័ណ្ឌ Major League Soccer របស់សហរដ្ឋអាមេរិកផងដែរ ៕
ប្រភព: AF